1. Evn krenn event eus ar c'herentiad Corvidae, e anv spesad Pica pica, pluñv gwenn ha du dezhañ gant arlivioù metalek glas ha limestra war e lost hir hag e zivaskell.
Gragailhat, ragachat a ra ar piged.
2. Trl. skeud.
Bez' ez eus pig pe vran : un dra bnk. zo gwir er pezh a lavarer, er pezh zo bet klevet.
&
Intent, kemer, klevet, kompren pig e-lec'h bran : kompren a-dreuz.
&
Unan o lavaret pig, egile o lavaret bran : unan o lavaret un dra hag egile o lavaret an eneb.
&
Pig pe vran a gan : atav e vez ub. evit flatrañ ar pezh en deus klevet pe welet.
&
(db. ar merc'hed prl.)
Bezañ kroget ar big en he skouarn, en e skouarn : bezañ gant ar c'hoant dimeziñ pe gant ar c'hoant kaout darempredoù rev gant ub.
&
Mont gant ar piged : bezañ gwarizius eus berzh-vat ub.
&
Bragal* evel ur big.
&
Klask neizhioù* pig.
3. (db. an dilhad)
Lost pig : lodenn a-dreñv hir pe hiroc'h dilhad zo.
Un chupenn, ur porpant lost pig, ur c'hoef lost pig.
Hemañ [ar pintig], laouen ha sederik, / A gane bemdez kaer-meurbet. / E glevet a voa un dudi ; / Ar big avat, o ragachat, / A dorre pennoù tud an ti.
He-mañ [ar pintig], laouen ha sederik, / A gane bemdez kaer meurbed. / He glevet a voa eunn dudi ; / Ar big a-vad, o ragachat, / A dorre pennou tud ann ti.
1867
Référence :
MGK
p22
« Birviken pig ebet em divskouarn ne grogo ! »
« Birviken pig e-bed em diskouarn ne grogo ! »
1867
Référence :
MGK
p64
Ur big a voa en ur gaoued; / Ganti voe lakaet ur pintig.
Eur big a voa enn eur gaoued; / Gant-hi voe lakeat eur pintik.
1867
Référence :
MGK
p21
Ur beleg katolik a zo un evn gwenn ervat ; Hiriv ’mañ el lanneg, warc’hoazh e vo er c’hoad ; Disul en un neizh pig, dilun en un neizh bran, Hag el lec’h ma tebr lein ne zebr nep tro e goan.
Eur belek katolik a zo eun evn guenn ervad ; Herrio ’ma el lannek, varc’hoaz e vo er c’hoad ; Disul enn eun neiz pick, dilun enn eun neiz bran, Hag el leac’h ma tebr lein ne zebr nep tro he goan.
1877
Référence :
EKG.I.
p.101
Gwelout a raen ivez koadoù al Losked, Milin ar C'hoad ha Kistinig leun a a neizhioù pig, kegin, skoul, sparfell, moualc'h, turzhunell, koulm, bondrask ha gwiñver.
Gwelout a raen ivez koadou al Losket, Milin ar C'hoad ha Kistinig leun a a neiziou pig, kegin, skoul, sparfell, moualc'h, turzunell, koulm, bondrask ha gwiñver.
