I.
Doar./Stn.
A.
1. (db. ar boued)
Aozet dre obererezh ar wrez evit bezañ debret.
N'eo ket poazh ar c'hig c'hoazh. Avaloù-douar poazh-disec'h : aet un darn vras eus an dour diouto dre boazhañ ent sec'h.
&
Bihan boazh eo ho para : poazhet-fall.
&
(db. ar vioù)
Poazh-kalet : poazhet e doare ma teu da vezañ kalet. Poazh-tanav : poazhet e doare ma chom tanav ar melen.
&
Trl. skeud. Bezañ erru poazh gant ub. : bezañ aet skuizh gantañ.
HS. darev.
ES. kriz.
2. (db. ar glañvourien, an dud gloazet)
Tomm evel o teviñ.
Ar c'haezh paotr, poazh gant an derzhienn. Poazh eo gant ar boan.
3. A daol gwrez vras.
Tan poazh.
B. Dre skeud.
1. (db. ar gwiadoù)
Zo prest da zispenn.
Al liñselioù-mañ zo poazh.
HS. teuc'h.
2. Brein-mat, aes da vruzunañ.
Teil poazh. Kerreg poazh.
3. (db. ar sistr)
Goet-mat.
Sistr poazh-mat eo hennezh.
4. Dre skeud., PEMDEZ
Graet droug d'e yec'hed dre re evañ.
An den-se zo poazh gant ar gwin.
&
Trl., dre ast.
Poazh eo c'hoazh ma genoù : sec'h ha pegus goude re evañ.
5. C'hoantek-tre.
Poazh eo gant ar c'hoant dimeziñ.
II.
Adv. pouez.
Tre, kenañ.
Ma leskiñ poazh a ra an tan-se. Laosket-poazh eo ar vro tro-war-dro. Du-poazh.
III.
Impl. da ak.
1. Loskadur.
Al louzoù-se zo mat ouzh ar poazh-tan.
2. Santad a loskadur er stomog.
3. Trl. Ne c'hallan ober na kriz na poazh : ober netra krenn.
DHS. bourboazh, gouboazh, kaletpoazh.
ar c'hoat poazh mat a c'heller reiñ d'an dud klañv
ar c'haot poaz mâd a helleur da rei d'ann dûd klañ
1850
Référence :
GON.II
pg kaot
Ar gentañ, en he brud a oa sonn he c'hribell ; / An eil, aval krinet, etre poazh ha pezhell, Gant liv ha kinklerezh a guzhe ar frailhoù / A skarnile dezhi he zal hag he jodoù.
Ar genta, enn he brud a voa sounn he c'hribell ; / Ann eil, aval krinet, etre poaz ha pezel, Gant liou ha kinklerez a guze ar fraillou / A skarnile d'ezhi he zal hag he chotou.
1867
Référence :
MGK
p63
Ar boaz da reiñ da zibriñ d’ar bugel nevez-c’hanet un aval poazh d’e lakaat da zont seven ha dilontek n’eo testeniekaet nemet er Grennamzer hag e Bro-C’hall, Rev. arch. 1914, p. 276.
Ar boaz da rei da zibri d’ar bugel nevez-c’hanet eun aval poaz d’e lakaat da zont seven ha dilontek n’eo testeniekaet nemed er Grenn-amzer hag e Bro-C’hall, Rev. arch. 1914, p. 276.
1924
Référence :
SKET.II
p.10, notenn (1)
bihan boazh
bihan boaz
1927
Référence :
Geri.Ern
pg bihan
Ar maniok ordinal eta ne vez poazhet nemet goude ma vez bet eoget en dour hag, ur wech poazh e vez stummet e doare "bizhier" a vez lakaet en-dro dezho delioù ledan (bananez pe blant all), evit bezañ miret, ha kaset d'ar marc'had ar pezh a vez a re evit tud ar familh.
1985
Référence :
DGBD
p65
Ar c'haporal-chef a oa unan eus ar "c'holonialed"-se evel ma vez en arme, poazh gant ar boeson, penn fall, ha bet torret meur a wech eus e c'hrad, moarvat.
