parañ

pâra

paret

pâret

E-lec'h avel, lakait bouedenn / E penn ar re ra c'hoariellou, / Ha grit ivez, dioc'h pep lezenn, / Troc'hañ struj ha frezilhonnoù, / Evit ma teuio ar furnezh / Diginklet-kaer, kaer da barañ, / Ha, dreist pep tra, ar wirionez / A dle bezañ an heol sklaerañ.

E-leac'h avel, lakait boeden / E penn ar re ra c'hoariellou, / Ha grit ive, dioc'h pep lezen, / Trouc'ha struj ha frezillonnou, / Evit ma teuio ar furnez / Diginklet kaer, kaer da bara, / Ha, dreist pep tra, ar wirionez / A dle beza ann heol sklera.

Ur falc'her dispar eo, ne baouezo biken, / Endra vezo an heol o parañ war an den.

Eur falc'her dispar eo, ne baouezo biken, / Endra vezo ann heol a [sic, o] para war ann den.

Pa brenn lagad an den, lagad e garantez / A bar, digor atav, war dal he vignonez.

Pa brenn lagad ann den, lagad he garantez / A bar, digor atao, war dal he vignounez.

Hag anez hor gounid ne ve ket re zister) Ann dra-ze, ar gwasa, eo war dri deiz vez daou, E ranker beza vak : e gweliou 'z a 'nn amzer.

Pe c'hobr ho peuz bemdez a-raok ma par al loar? Gweach kalz ha gweach nebeud; ar pez zo a ra gaou

Klask a raen parañ va daoulagad war e re evit lavaret dezhañ, dre sin, e kaven mat ha kaer ar pezh a rae, hag ec’h alien anezhañ da genderc’hel.

Klask a rean para va daoulagad var he re evit lavaret d’ezhan, dre zin, e kaven mad ha kaer ar pez a rea, hag ec’h alien anezhan da genderc’hel.

Goude ma oa achu ganeomp hor pedennoù, Per a lavaras din : — Yann, ha n’hoc’h eus ket gwelet un tamm sklerijenn o para warnomp e-pad m’edomp o lavaret hor pedennoù ?

Goude ma oa achu ganeomp hor pedennou, Per a lavaraz dign : — Iann, ha n’hoc’h euz ket guelet eun tamm sklerijenn o para varnomp epad m’edomp o lavaret hor pedennou ?

Daoust hag ar banniel gwenn hag eñ a dlefe parañ c’hoazh war douar Frañs ?

Daoust hag ar banniel guenn hag hen a dlefe para c’hoaz var douar Franz ?

Me a yoa atav va lagad o parañ warnezho e-pad m’edo va daouarn o kargañ va fuzuilh. En un taol, e welis seizh pe eizh o lammet er park o tont war-zu ennon hep m’am boa gellet, en dro-mañ, reiñ va zenn da hini anezho.

Me a ioa atao va lagad o para varnez-ho epad m’edo va daouarn o karga va fuzil. Enn eun taol, e veliz seiz pe eiz o lammet er park o tont varzu enn-oun eb m’am boa gellet, enn dro-man, rei va zenn da hini anezho.

parañ

pára

Bemdez, pa bare an heol, aet he fried d’e labour, e lame pep gwreg yaouank an doenn-se da aveliñ al logig ha da reiñ hent da zont e pep korn da vannoù glanaus roue an Deiz.

Bemdez, pa bare an heol, aet he fried d’e labour, e lame pep gwreg yaouank an dôenn-ze da aveli al logig ha da rei hent da zont e pep korn da vannou glanaüs roue an Deiz.

Ha, dizoaniet, an teir flac’h en em astenn en-dro d’an tan hag a gousk ken na baro an deiz.

Heol kuñv ha seder an Hanternoz eo a bare war hon eneoù !

Heol kunv ha seder an Hanternoz eo a bare war hon eneou !

Mont ez raok n’ec’h eus ken d’ober, ha lakaat evezh ouzh ar froudoù. Treizh mat dit ! Salv ma tiraezi penn ar stêr, ma weli, laouen ha dic’hloaz, heol warc’hoazh o parañ !

Mont ez raog n’ec’h eus ken d’ober, ha lakaat evez ouz ar froudou. Treiz mat d’it ! Salo ma tiraezi penn ar stêr, ma weli, laouen ha dic’hloaz, heol warc’hoaz o para !

Kreñv a gorf hag a spered, hep pleg na displeg, ha, pa zigore warnoc’h e zaoulagad gwer-c’hlas [sic], eeun ha sklaer, ar skiant-vat enne a bare.

Krenv a gorf hag a spered, hep pleg na displeg, ha, pa zigore warnoc’h e zaoulagad gwer-c’hlas, eeun ha sklêr, ar skiant-vat enne a bare.

Met an heol a bar evit an holl ha war an holl ; ar garantez ivez a bar war galon hen-ha-hen, ne vern ket pelec’h he had a gouezho, pelec’h e wrienno, na pelec’h e tisplego he bleuñvenn.

Met an heol a bar evit an holl ha war an holl ; ar garante ive a bar war galon hen-ha-hen, ne vern ket pelec’h he had a goueo, pelec’h e wrienno, na pelec’h e tisplego he bleuenn.

Plijadur en devoa, laouen e oa e galon, pa wele an dimezellig : levenez an hini, a wel ur vleuñvenn gaer o parañ el liorzh, pehini ne zigoro biken evitañ he [d]or.

Plijadur an nevoa, laouen e oa e galon, pa wele an dimezellig : levene an hini, a wel eur vleuenn gaer o para el lïorz, pehini ne zigoro biken evitan e zor.

parañ

para

Ma c'hell hiziv an douarstummadouriezh reiñ un diskleriadur dereat d'an aberioù ha d'ar fiordoù, n'he deus ket paret ar wirionez kerkent ha m'o deus hon diagentidi pledet gant kudenn orin ar stummoù-se.

Tad, mamm, c’hoar, breur ar wreg nevez a ziredas d’hon diarbenn, hag en o c’hichen an danvez ozhac’h, hor c’henvreur Lajat, o parañ evel ur priñs gant e zilhad e-giz Skaer, goloet a vrodiri melen-aour, betek war e gein.

Tad, mamm, c’hoar, breur ar wreg nevez a ziredas d’hon diarbenn, hag en o c’hichen an dañvez ozac’h, hor c’henvreur Lajat, o para evel eur priñs gant e zilhad e-giz Skaer, goloet a vrodiri melen-aour, betek war e gein.

A ya, hiriv e oa an amzer-dremenet o kouezhañ en he foull, hag an heol o parañ war ur maread nevez a Istor Breizh.

A ya, hirio e oa an amzer dremenet o koueza en he foull, hag an heol o para war eur maread nevez a Istor Breiz.

An droug-penn, an droug-kof, an droug-divskouarn hag an holl zrougoù all n’int netra e-keñver sklerijenn gamm al loar o parañ e-barzh an ti.

Mes petra a oa du-se, el liorzh ? Ur c’houlaouenn a oa o parañ dindan ar gwez[-]avaloù ! Ober a rae an dro d’an ti !

Lom a wiskas e zilhad, goustad, evel ma rae pep tra, hag e kavas gras pa welas e pare an heol er porzh.

Cavalier a roas ur gador din en e gichen, sed ma oan hardishoc'h ; met ma fri ne save ket nemeur diwar ma flad, gant ma santen daoulagad an holl o parañ warnon, hag ar c'hoant gouzout amploc'h diwar doare an « hini nevez ».

Cavalier a roas eur gador d'in en e gichen, sed ma oan hardisoc'h ; met ma fri ne save ket nemeur diwar ma flad, gant ma santen daoulagad an holl o para warnoun, hag ar c'hoant gouzout amploc'h diwar doare an « hini nevez ».

P’o doa paret ma daoulagad war an delennourez vihan 17 vloaz a oa ouzh hon degemerout e-kichen he Mestrez Anna Gruffyd, em boa lakaet em fenn tostaat outi en un doare bennak da ansav ma c’harantez.

P’o doa paret ma daoulagad war an delennourez vihan 17 vloaz a oa ouz hon degemerout e-kichen he Mestrez Anna Gruffyd, em boa lakaet em fenn tostaat outi en eun doare bennak da ansao ma c’harantez.

Grougousat a rae eben, nemet en em laerez [sic] a rae. Kenedus e oa, hag an huñvreer ne ehane ket e sell da barañ war he digroazell [sic] fiñvus ha bev, ha war he zreid bihan-bihan, ha ker mibin.

Dibunañ a rae e frazennoù war un ton gorrek ha kompez, damstouet gantañ e valvennoù, pe, neuze, gant e selloù o parañ eeun en ho taoulagad.

Skinañ a rae gant ur gened disi. Ar muzelloù, ruz-livet, a oa un hoal, daoust d'o mousklenn. An daoulagad du ha gleb, a zeve en o donder un tan a daole sklerijenn ha gwrez war an dremm paret warnañ.

Deoc'h-c'hwi holl 'vin amañ feal / Hep ma ve ganin-me keal / D'ho kuitaat na d'ho tilezel / Daoust d'an arnev ha d'ar brezel. / Eus ho feiz e vin ar c'hlaouenn / Tra ma paro he sklêrijenn / E strad don ho teñvalijenn.

Deoc'h-c'houi holl ' vin amañ feal / Hep ma ve ganin-me keal / D'ho kuitaat na d'ho tilezel / Daoust d'an arne ha d'ar brezel. / Eus ho feiz e vin ar c'hlaouenn / Tra ma paro he sklerijenn / E strad don ho teñvalijenn.

Ha ma pare dirazon goanagoù ur vuhez nevez, e chome em spered paotr yaouank skeudenn va bro, dindan an heol d'an deroù hañv.

Ur gwel marzhus eo hini al lennad dour divent-se etre ar c'hoadeier glas, o treluc'hañ dindan an heol hag a zo o parañ en oabl liv mouk.

souezhet e voe avat o verzhout ar frealz bras a baras war zremm ar pennwaz, ha ken souezhet all o stadañ n'en doa ket evet un dakenn eus ar werennad win, a lezas en ur vont kuit.

P'en em gave gant mignoned, ha pa veze ar gwir d'e c'hrad, e pare en e zaoulagad un dra bennak denek-meurbet.

An div all a zo en o gourvez er gambr e-kichen, war ur gwele daou, paret o sell war an doubl.

En e goazez emañ, sonn e gein, en ur gador-vrec'h, etre an daou gafedi, ha paret eo e zaoulagad war ar wazourion surentez a zo o wiriañ ar c'hartennoù lestrañ.