1. (dirak un ak. degaset gant ar gm. a., dirak ur rag. gour rener, dirak un ag. pe dirak ur v. displ. degaset gant ar rn. v. e)
Termen a dalvez da zegas un estlammadenn.
Hag ur souezh ! Ha c'hwi zo brokus ! Hag eürus eo an den-se ! Hag e oa kaer e welet ! Hag e soñjan ennoc'h !
2. (dirak un anv hollek, lies pe stroll pe dirak pet)
HAG A : troienn a dalvez da zegas un estlammadenn.
Hag a amzer am eus kollet ! Hag a vugale hoc'h eus! Sell hag a vrini zo aze ! Hag a bet den o deus roet o buhez ! Hag a bet gwech ! Hag a bet hini !
3. Tr. estl.
HAG EVIT SE ! : petra a rafe an dra-se.
HS. na.
EVEZH. : graet e vez gant hag dirak ar gerioù a zeraou gant ur vogalenn pe gant un h na vez ket distaget.
