I.
Bet lakaet da vezañ lent ha da goll fiziañs.
Piv a savas d'e zislavaret ? Hini ebet eus hor c'henvroiz, abafet ma oant holl gant ar spont.
2. Lakaet en etremar da c'houzout ar pezh a rank ober pe soñjal.
Karl Voal a oa chomet laosk hag abafet dirak lanvad drastus aloubadeg ar Vretoned. Abafet e oa gant ar pezh en doa klevet.
II. Dre ast.
1. [1931] Zo chomet hep ersaviñ da-heul un darvoud trumm, dic'hortoz pe souezhus.
Ne grede ket fiñval, ken spouronet ha ken abafet e oa gant tan ha trouz an tenn. Ken abafet ma ne ouie ket petra ober.
HS. alvaonet, seizet.
2. [1931] Zo mezevellet.
Abafet ha mantret war-lerc'h ar gwallzarvoud a oa o paouez c'hoarvezout. Ur wech en em gavis ken abafet ma ne oan ket gouest da gaout ur soñj vat em spered.
III. Dre skeud.
1. [1931] Zo badaouet diwar un taol war ar penn.
Abafet ne oa ken hag edo o tivorfilañ. Mezevellet hag abafet e kouezhas a-stok e gorf war an douar.
2. Zo deuet da vezañ laosk ha dinerzh goude bezañ evet re.
Setu ma oa mezv ar botaouer ha gwall abafet an deskard. Ne lavaran ket mezv met abafet ha badaouet.
HS. brizhvezv, krakvezv.
3. (db. ar glav, an avel)
Zo habaskaet.
Abafet eo ar glav. Abafet eo an avel.
HS. ardavet.
