louet

loet

louet

louët

un ejen louet

un egen louët

louet

louet

loued

ar bara louet a gav mat

ar bara loued a gâv mâd

louet

loued

Evit o c'has en-dro, kentañ ha ma c'hellimp, / Ni, tud vat, Kristenien, dezho petra a roimp ? / Diner merglet, peñsel, askorn pe vara louet, / Traoù ne brizfe kozh chas c'hwesha evit o boued.

Evit ho c'has enn dro, kenta ha ma c'hellimp, / Ni, tud vad, kristenien, d'ezho petra a roimp ? / Diner merglet, pensel, askorn pe vara louet, / Traou ne brizfe koz-chas c'houesa evit ho boued.

Ar mor, e ouelec’hioù louet ha glas, a gelc’hias an douar evel ur c’hant arc’hant pe un naer-veur, e-keit ha m’en em gaerae an douar gant koadoù ec’hon hej-dihej ha heson bepred dindan anal an avel.

Ar mor, e ouelec’hiou loued ha glas, a gelc’hias an douar evel eur c’hant arc’hant pe eun naer-veur, e-keit ha m’en em gaerae an douar gant koadou ec’hon hej-dihej ha heson bepred dindan anal an avel.

Un den mentek ez oa, e choug ledan, hag eñ paket en ur vantell vras, en e benn un hirvlev louet, en e zremm liv gant ar marv daoulagad glas o steredenniñ.

Eun den mentek ez oa, e choug ledan, hag hen paket en eur vantell vras, en e benn eun hir-vleo loued, en e zremm liou gand ar maro daoulagad glas o steredenni.

Evit an douar, gwenn-kann da gentañ evel ur pezh-houarn war deuziñ, e teuas a beb eil da velen-ruz, da ruz-gwad, da ruz-moug, da velen, da louet, betek koll pep luc’h ha pep tommder.

Evid an douar, gwenn-kann da genta evel eur pez-houarn war deuzi, e teuas a beb eil da velen-ruz, da ruz-gwad, da ruz-moug, da velen, da loued, betek koll pep luc’h ha pep tommder.

Hervez kanenn Vopiskos e oa he blev gell-ruz, he daoulagad glas-louet ha birvidik en he fenn, he dremm hirgelc’hiek, ha gwenn-kann liv he c’hroc’hen.

Hervez kanenn Vopiskos e oa he bleo gell-ruz, he daoulagad glas-louet ha birvidik en he fenn, he dremm hir-gelc’hiek, ha gwenn-kann liou he c’hroc’hen.

Ha kevatal diouzh ment e zremm ar peb-all eus an den ! E glopenn, tarvoal, a oa gwenn ha lufr evel olifant, hag ouzh e elgez e touge ur barvig louet.

Ha kevatal diouz ment e zremm ar peb-all eus an den ! E glopen, tarvoal, a oa gwenn ha lufr evel olifant, hag ouz e elgez e touge eur barvig loued.

Saig Jelvest, ar c’habiten, a oa ur gwaz, ma oa unan : un den a c’hwec’h troatad, ledan e c’hoûg ; e zaouarn, div c'holvazh ; a-blom war e dreid, e ziv votez-koad, hep gaou, a oa heñvel eus div laouer-doaz ; e benn, ront ha moal evel ur vilienn, a oa garlantezet a vlev, ruz gwechall, dislivet bremañ, ho pije lavaret livet gant dour soavon ; e fri ledan a oa frank-digor ; ha dindan e ambrankoù louet ha druz, daou lagad bihan a skede lemm gwer-c’hlas, siket don gantañ en e benn.

Saïg Jelvest, ar c’habiten, a oa eur gwaz, ma oa unan : eun den a c’houec’h troatad, ledan e c’houg ; e zaouarn, diou c’holvaz ; a-blomm war e dreid, e ziou voutez-koad, hep gaou, a oa henvel eus diou laouer doaz ; e benn, rond ha moal evel eur vilienn, a oa garlantezet a vleo, ru gwechall, dislivet breman, ho pije lavaret livet gant dour saon ; e fri ledan a oa frank-digor ; ha dindan e ambrankou (2) louet ha dru, daou lagad bihan a skede lemm gwer-c’hlas, siket doun gantan en e benn.

Stagit eus groñch Saig un troc’had barv, louet ivez, ledan evel ur bal, rust evel sekrep, hir ha fonnus evel foenn er prad dourek ; ur jod dezhañ, peurvuiañ e jod kleiz, koeñvet gant ur chik ken tev hag ho piz-meud, ha, pa'm bo lavaret deoc’h penaos den biskoazh na glevas Saig Jelvest, memes e-kreiz ar gwashañ degouezh, o sevel e vouezh ur wech uheloc’h eget eben, ec’h anavefet perc’henn ar Gwennili kerkoulz ha me.

Stagit eus gronch (3) Saïg eun troc’had baro, louet ive, ledan evel eur bal, rust evel sekrep (4), hir ha fonnus evel foenn er prad dourek ; eur chod d’ean, peurvuia e chod klei, koenvet gant eur chik ken teo hag ho piz-meud, ha, p’am mo lavaret d’ec’h penôs den biskoaz na glevas Saïg Jelvest, memes e-kreiz ar gwasa digouez, o sevel e vouez eur wech uheloc’h eget eben, ec’h anavefet perc’hen ar Gwennili kerkouls ha me.

an avel a oa sioul, ar mor peurgompez ha dilusenn ; hogen an oabl a oa karget a valkennoù louet. Ar re-mañ a nije gorrek etrezek ar reter

An avel a oa sioul, ar mor peurgoumpes ha dilusenn ; hogen an oabl a oa karget a valkennou louet. Ar re-mañ a nije gorrek etrezeg ar Reter

melen-louet

Pa oan tremenet dirak e gador e welis un den kreñv, blev louet, un trouc'had mourroù dindan e fri hag a ziskenne en daou du d'e c'henoù betek e c'hroñj, ur gwir penn [sic, benn] brezelour frank, evel em boa gwelet war ar poltrejoù.

Pa oan tremenet dirak e gador, e welis eun den kreñv, bleo louet, eun trouc'had mourrou dindan e fri, hag a ziskenne en daou du d'e c'henou betek e c'hroñj, eur gwir penn brezelour Frank, evel em boa gwelet war ar poltrejou.

Tevennoù uhel ha gwenn-louet. Dre ma tostaomp outo e seblantont mogerioù savet sonn a-us d'an dour.

Tevennou uhel ha gwenn-louet. Dre ma tostaomp outo e seblañtont mogeriou savet sounn a-us d'an dour.

Azen louet ar gouent en em lakaat da hinnoal.

Ha troc'hañ a reas hent a rampadennoù bras davet an iliz, hed-ha-hed trepasioù hir louet ar manati.

Goude e oa aet betek penn pellañ ar vali izelañ, evit bezañ outañ e-unan. Ur meni-gwelva [meni gwelva] a oa eno, ma tizhed gwelout, dre dreuz skramm rouez ha dreinek kasiaenned yaouank, unan eus talbennoù louet ar gouent, ar jardin kloz, kêr Viranda a-bezh gant he zoennoù ruz, ar stêr Ebro, hag ar gompezenn ec'hon-meurbet, glas evit un nebeu[d] amzer c'hoazh, harzet du-hont, pell, gant menezioù Alava, er vro [e]uskarat.

Va zad-kozh, Jakez an Aubin, a oa un den a vent vrav, treut ha kreñv, lemel e varv a rae da [sic] Sadorn, nemet ur pezh torkad reun louet miret gantañ a bep tu d'e zremm krizennet e-giz an darn vuiañ eus martoloded gwechall rak, atav o loveal du-mañ ha du-hont war vourzh listri-brezel, bevet en devoa e-pad pemp bloaz warn-ugent pell-pell eus e vro.

Va zad-kozh, Jakez an Aubin, a oa un den a vent vrav, treut ha kreñv, lemel e varv a rae da sadorn, nemet ur pezh torkad reun louet miret gantañ a bep tu d' e zremm krizennet e-giz an darn vuiañ eus martoloded gwechall rak, atav o loveal du- mañ ha du-hont war vourzh listri brezel, bevet en devoa e-pad pemp bloaz warn- ugent pell-pell eus e vro.

Goût a ouzont oc'h, dre ledoued, / D'ar gozh Nasion mignon rik : / Un abeg, daoust d'ho plev louet, / D'ho kas da get, d'ho lazhañ mik.

Goût a ouzont oc'h, dre le-douet, / D'ar goz Nasion mignon rik : / Eun abeg, daoust d'ho pleo louet, / D'ho kas da get, d'ho laza mik.

E ti-kêr ur vourc'hadenn a vro-Gerne. Speget ouzh ar mogerioù, skritelloù paper gros ha gwenn-louet, warno, e lizherennoù bras, talbennoù a seurt d'ar re-mañ : DEKRED EUS AN ASAMBLE NASIONAL, LEZENN, AVIZ, REGLAMANT, ORDRENAÑS.

E ti-kêr eur vourc'hadenn a vro-Gerne. Speget ouz ar mogeriou, skritellou paper gros ha gwenn-louet, warno, e lizerennou bras, talbennou a seurt d'ar re-mañ : DECRED EUS AN ASSEMBLE NASIONAL, LEZEN, AVIS, REGLAMANT, ORDRENANÇ.

Em damdeñvalijenn hag em damanaoudegezh e sellan ouzhin ma-unan e melezourioù an armel dirazon : koñfontet ma daoulagad, ruz an droienn anezho, ul liv louet divalav war ma c'hroc'hen, gwelloc'h din chom hep arvestiñ pelloc'h, ha sankañ en-dro ma fenn er goubenner.