1. Breunenn c'heot.
Distagañ diouzh e zilhad geotennoù ha bleñchoùigoù peget outo. Hag e teu pep takenn glizh, skourret ouzh pep geotenn, da gemer liv an heol.
2. Plantenn, bod geot.
Ken alies a bec'hed hag a c'heotenn zo diwanet er pradoù. Tra ma tic'haste un taol botez ouzh ar grugell, o skignañ douar, delioù ha geotennoù.
&
Trl. skeud.
BEZAÑ KERZHET WAR BESEURT GEOTENN : bezañ kerzhet war beseurt louzaouenn*.
3. Spesad plant geotennek.
Bez' ez eus ur c'heotenn hag a gelc'h. Kadourien o prederiañ o goulioù gant geotennoù pe lienennoù.
4. Ger a dalvez da sevel anvioù plant.
&
Geotenn-real : spesad geot burzhudus a strobinell an dud hag o laka da goll o hent pa gerzhont warno.
Pa valeer war ar c'heotenn-real e vezer kelc'hiet.
&
Geotenn-ar-Werc'hez : plantenn geot-ar-Werc'hez.
5. Hollad ar geot zo war un dachenn.
Evel ar glizh-mintin war geotenn ar pradoù. Moarvat e kav gant ar vuoc'h emañ re galet geotenn ar wrimenn.
DHS. leton, tirien.
Référence :
GReg
pg herbe (plante sans tige, que la terre produit d’elle-même), herbe (Un brin d'herbe, p.)
yeot
yéaut
1732
Référence :
GReg
pg herbe (plante sans tige, que la terre produit d’elle-même — Bas-Leon), herbe (Un brin d'herbe, p.)
yeotenn
yéautenn
1732
Référence :
GReg
pg herbe (Un brin d'herbe.)
yeot
yaut
1732
Référence :
GReg
pg herbage (pâturage, Van.), erbe (plante sans tige, que la terre produit d’elle-même, Van., H. Cor.), herbe (Un brin d'herbe, H. Cor., p.)
yeotenn
yautenn
1732
Référence :
GReg
pg herbe (Un brin d'herbe, H. Cor.)
geotennoù
géotennou
1850
Référence :
GON.II
pg géot, iéot
geotenn
géoten
1850
Référence :
GON.II
pg géot, iéot
Netra, netra er bed gant Doue ned a da goll : / Ul lomm dour er mor bras, war an douar ur yeotenn / A zo azirazañ ker kaer evel an heol.
Netra, netra er bed gant Doue ne d-a da goll : / Eul loumm dour er mor braz, war ann douar eur ieoten / A zo a ziraz-han ker kaer evel ann heol.
1867
Référence :
MGK
p121
N’oa gwezenn, bodenn, geotenn, kivnienn ebet o tiwanañ war zremm dorosellek an douar, kailhenn ebet o ruilhañ war e c’horre pe o c’hourvez en e gondonioù, na ouvezje Manos ha Bena an anv hag ar perzhioù anezho.
N’oa gwezenn, bodenn, geotenn, kivnïenn ebet o tiwana war zremm dorosellek an douar, kailhenn ebet o ruilha war e c’horre pe o c’hourvez en e goundouniou, na ouvezje Manos ha Bena an ano hag ar perziou anezo.
1923
Référence :
SKET
p.39
Kreskiñ a reas eno, ha fonnañ ha paotañ ken e teuas ar wazed hag ar maouezed anezhi ker stank hag an deliennoù war wez ar c’hoad, ar yeotennoù er beurvan, an traezhennoù war an tevenn, al lommadoù er mor, ar steredennoù en neñv.
Kreski a reas eno, ha founna ha paota ken e teuas ar wazed hag ar maouezed anezi ker stank hag an deliennou war wez ar c’hoad, ar yeotennou er beurvan, an traezennou war an tevenn, al lommadou er mor, ar steredennou en nenv.
1923
Référence :
SKET
p.77-78
Stignañ rouedoù a reont eus an eil menez d’egile, koulma geotennoù, toullañ trapedoù, enaouiñ tantadoù a geuneud glas ha gwall louzeier da sevel ur moged du, tev, mougus ha flaerius.
Stigna rouedou a reont eus an eil menez d’egile, koulma geotennou[1], toulla trapedou, enaoui tantadou a geuneud glas ha gwall-louzeier da sevel eur moged du, teo, mougus ha flêrius.
