Portail numérique de la langue bretonne
Office public de la langue bretonne
français
brezhoneg
français
brezhoneg
Ressources numériques
Dictionnaires
Meurgorf
Dictionnaire historique du breton
Bases de données
KerOfis
Base de données toponymique TermOfis
Base de données terminologique
Corpus
Corpus textuel Corpus audio
Apprendre le breton
Desketa
Outils numériques
Traduction
Traducteur Automatique
Traduction automatique à réseaux de neurones Apertium
Traducteur automatique Google Traduction
Traducteur automatique publié par Google
Parole
Sintezenn
Synthèse de la parole
Autres outils
Phonétiseur Normaliseur Syllabifieur Braille
Bibliothèques
KDSK
Centre de ressources culturelles celtiques
Les technologies de la langue
Stratégie numérique Partenaires
Rechercher En savoir plus Sources Abréviations

Meurgorf
Dictionnaire historique du breton

Plus d'options

digor
substantif masculin

Prononciation

Fréquence d'emploi : 

Attesté dans : 
NDBF
GBAHE

Mots parents :
1

Télécharger les mots parents digor

Formes fléchies : 
8
Afficher les formes fléchies

Définition :  Masquer la définition

I. H.g. A. (en egor) 1. Toull a ro tu da vont eus an diavaez d'an diabarzh. An digor eus an ti a oa stanket. Klask an digor. Pelec'h emañ an digor da vont e-barzh ? [1878] Mes kaer em boa hortañ an nor, ne zigore ket. Ret e oa din klask un digor all. & Trl. Goulenn digor : goulenn ma vo digoret an nor. Ur paour a oa deuet war doull an nor da c'houlenn digor. & Goulenn digor digant ub., ouzh ub. : goulenn digantañ, outañ, ma tigoro an nor, goulenn bod. Ne gredjont ket goulenn outo digor. Mont a reas da c'houlenn digor digant ur wreg paour. & Kaout digor : bezañ degemeret, kaout bod. Hep an alc'hwez-se, n'eus den ebet evit kaout digor eno. [1877] Evit kavout aesoc’h ha didrousoc’h digor e ti Loull ar Bouc’h, ec’h ejont da glask e sakrist evit mont ganto da skeiñ war an nor ha da c’hervel ar person. & Gortoz digor : gortoz ma vo digoret an nor dezhañ. Eñ a oa ouzh toull-dor al leti o c'hortoz digor. & Reiñ digor : digeriñ an nor. Ne oa ket ur plac'h aonik, kregiñ a reas en ur penn-bazh ha mont da reiñ digor. & Reiñ digor da ub. : reiñ degemer, reiñ bod dezhañ. Reiñ digor d'ar veajourien. & Reiñ digor war ul lec'h bnk. : skeiñ war al lec'h-se. An draf a ro digor war ur vali disheoliet. 2. Obererezh digeriñ udb. & Dre ast. Mare ma tigorer udb. En digor eus ho lizher. 3. Ledander. Un toull dezhañ daou droatad a zigor. B. (en amzer) 1. Penn kentañ. An digor a C'hwevrer. HS. deroù. 2. Trl. Ur rozenn war an digor : nevez digloret. C. Dre skeud. 1. Trl. Reiñ digor d'ar spered : reiñ tro d'en em zeskiñ. & Reiñ digor (d'udb.) : reiñ tro da vleuniañ. Dre e studioù e oa deuet a-benn da reiñ digor ha kresk d'an danvez mat a oa ennañ. 2. Lorc'h. An dra-se a lakaas un tamm digor ennon. 3. (db. ar marc'hadourezhioù) Sav. Kavout digor d'e varc'hadourezh. HS. diskarg. II. G. A. Toull a ro tu da vont eus an diavaez d'an diabarzh. Lakaet em eus prennañ ar morailhoù evit ma ne vo nep digor. Kaer am boa boutañ war an nor, ne zigore ket ; ret e oa din klask un digor all. B. Dre skeud., en e st. ls 1. Lidoù, pompadoù, da zegemer ub., da ginnig udb. An digoroù bras hag ar festoù. N'eo ket bet ganet e-kreiz an digoroù. & Ober digoroù, bezañ digoroù gant ub. : ober ardoù evit degemer, saludiñ ub. Gwell eo tevel eget ober re a zigoroù. Digoroù zo gantañ frankik. & Ober digoroù kaer : pompadiñ, bragal. En em ziskouez a rae, hag ober digoroù kaer gant he braventez. 2. Dre eilp., diw. vousgoap Degemer mat. N'o deus nemet dont, amañ e kavint digoroù !

Exemples historiques : 
21
 Masquer la liste des exemples

Afficher les formes d'origine
Télécharger tous les exemples

digor

1659
Référence : LDJM.1 pg ouuerture

an digor eus ar bokedoù

1732
Référence : GReg pg (épanouissement, parlant des fleurs)

digor

1850
Référence : GON.II pg digor

en digor eus ho lizher

1850
Référence : GON.II pg digor

Aotrou, eme 'l louarn, re vras eo ho morc'hed, C'hwi a zo kalz re vat ; n'ho pezet poan spered; rak m'er goulenn amañ, piv zo 'vit lakaat e ve deoc'h-hu pec'hed debriñ meur [a] benn-dañvad ? Krediñ a ran zoken e voe dezho enor Kaout en ho kof, aotrou, dre ho kouzoug digor. Hag evit ar pastor, e c'heller lavaret E tlee, dre'n hent-se, mont da glask e zeñved. Ha perak 've truez ouzh ur ouenn [a] dud ker kriz, N'o deus evit hor ren ken stur 'met o diviz ?

1867
Référence : MGK p25

Klask a rejont an digor, ha ne voe ket diaes dezho her c’haout, rak an nor n’oa prennet nemet gant ul liked koad, ha c’hoazh, allas ! he frenn a yoa e lost er-maez eus ar porzh, ha n’oa nemet chachañ warnezhañ evit digeriñ.

1877
Référence : EKG.I. p.38

Skeiñ a rejont war an nor ha ker buan ar sakrist, en ur dennañ e benn er-maez eus e wele, a c’houlennas : — Piv a zo aze o c’houlenn digor ?

1877
Référence : EKG.I. p.110-111

Evit kavout aesoc’h ha didrousoc’h digor e ti Loull ar Bouc’h, ec’h ejont da glask e sakrist evit mont ganto da skeiñ war an nor ha da c’hervel ar person.

1877
Référence : EKG.I. p.110

Mes kaer em boa hortañ an nor, ne zigore ket. Ret e oa din klask un digor all.

1878
Référence : EKG.II p.118

digor

1931
Référence : VALL pg accès (accueil)

digoroù bras

1931
Référence : VALL pg apparat

digor un hed tenn

1931
Référence : VALL pg amplitude

digoroù kaer

1931
Référence : VALL pg apparat

digoroù

1931
Référence : VALL pg (grans) apprêt(s ; faste)

Pa veze sonet ar c'hloc'h e tirede ur vatezh, gant ur c'hoef mod Treger, hag e oa gourc'hemennet dezhi komz brezhoneg ouzh an dud a zigouezhe da c'houlenn digor.

1944
Référence : EURW.1 p55

Ur skouer fall e oamp d'an diskarded all, gant hor c'henseurtiezh re zigabestr, ha da viz Gouere 1895 e voe roet da c'houzout d'hor bandenn na dalveze ket ar boan deomp dont da glask digor ken.

1944
Référence : EURW.1 p43

Morse, betek neuze, n'en doa eveshaet e oa ar manati ken teñval, ken diamzeret, dindan e boultrenn. O chom edo, e gwirionez, en un tour, klozet diouzh an diavaez - diouzh ar bed -, gant mogerioù kozh, uhel, fetis, ha strizh-kenañ digoroù e brenistri houarn-barrennet [sic, "houarnvarrennet"].

1949
Référence : SIZH p.46

A-vec'h ma an degouezhet, ma teuas, en deiz kentañ, digoroù gantañ, da ginnig din ur penn yer.

1985
Référence : DGBD p164

Div zor pelloc'h eget ar c'horn, a-gleiz pa'z eer war-du ar reter, e oa troc'het ar rezad tiez gant digor ur porzh.

2012
Référence : DJHMH p11

Savourien an nev hag ar groazenn, koulskoude, o doa roet digor en o zresad d'an holl nevezadennoù diouzh ar c'hiz, re ar goteg flammheñvel, argaset o doa diouzh o steuñv kalz a bennreolennoù sevel hag a oa bet o ren er chanter kozh.

2013
Référence : LLMM Niv. 399, p. 16

Arabat deoc'h ankouaat eo gwelloc'h nac'h reiñ digor d'ar poliserien evit bezañ tapet fall... ar pezh a vo tu d'ober, ar wech kentañ bepred, pa zeufont diniverus hag hep ar binvioù ret.

2015
Référence : DISENT p171-172

Ordre alphabétique

digontiñ
verbe
digor
adjectif

Mots précédents

Mots suivants

digor
adjectif
digoradur
substantif masculin

L'Office public de la langue bretonne

Site internet
Contact

Réseaux sociaux

Twitter
Facebook
Copyright © 2024 - Office public de la langue bretonne
Confidentialité · Mentions légales