kinnizien

kinnisien

Kinnig a reas ivez hag e roas dezhi ar chomadur eus e boued, eus a behini he doa debret a-walc'h.

Kennig a réaz ivé hag é rôaz d'ézhi ar choumadur eûz hé boéd, eûz a béhini é dôa debred awalc'h.

kennigañ

kenniga

kinnig

kinnigañ

kinniga

Kinnigit dezho un dra bennak.

Kinnigid d'ézhô eunn drâ-bennâg.

Meur a bried dereat kinniget da Rok-ounn, / Ar goantig o c'have diouti kalz re zister ?

Meur a bried deread kinniget da Rok-ounn, / Ar goantik ho c'have diout-hi kalz re zister ?

— « Petra ! din, emezi, ar re-se ginniger ? / Ned on ket sorc'hennet ! Un truez o gwelet, / Ne 'c'houfed, eveshait, kaout bravoc'h pabored ! »

— « Petra ! d'in, eme z-hi, ar re-ze ginniger ? / Ne d-ounn ket sorc'hennet ! Eunn truez ho gwelet, / Ne c'houfet, evesait, kaout bravoc'h pabored ! »

Hag ez eas, kasoni en e galon, soñjoù kriz en e benn, d’en em ginnig d’an hini a gase, en hanv ar republik, an traoù en-dro e kêr Gastell, hag e lavaras dezhañ e oa den da gregiñ e kement beleg disent a yoa etre Kastell ha Lesneven, a-hed an aod, ha d’o c’has holl, er memes dervez, d’ar prizon, gant ma vije roet dezhañ tri-ugent soudard hepken.

Hag ez eaz, kasoni enn he galoun, sonjou kriz en he benn, d’en em ginnik d’an hini a gase, en hano ar republik, an traou en dro e kear Gastel, hag e lavaraz d’ezhan oa den da gregi e kement belek dizent a ioa etre Kastel ha Lesneven, a-hed an aod, ha d’ho c’has oll, er memez dervez, d’ar prizoun, gand ma viche roet d’ezhan tri-ugent soudard epken.

— Perak ’ta neuze, va zad, oc’h ken nec’het o komz ouzhin ? — Abalamour, va mab, ar pezh am eus da ginnig deoc’h a zo un dra rust-meurbet. — Komzit, va zad, n’eus forzh peger rust e c’hellfe bezañ, ho mab a sento, rak n’oc’h evit gourc’hemenn dezhañ nemet traoù mat.

— Perak ’ta neuze, va zad, hoc’h ken nec’het o komz ouzign ? — Abalamour, va mab, ar pez am euz da ginnik d’ehoc’h a zo eun dra rust meurbed. — Komzit, va zad, n’euz forz peger rust e c’helfe beza, ho mab a zento, rak n’hoc’h evit gourc’hemenn d’ezhan nemed traou mad.

Goude hor banne soubenn, n’oa ket eus ar re wellañ, hen anzav a rankan, e voe kinniget deomp bep a damm bara sec’h. Kemeret a rejomp, rak digor [e] oa hor c’halon, an hent en doa divouedet ac’hanomp.

Goude hor banne zoubenn, n’oa ket euz ar re vella, hen anzao a rankan, e oue kinniget d’eomp bep a damm bara zeac’h. Kemeret a rejomp, rag digor oa hor c’haloun, an hent en doa divouedet ac’hanomp.

An hini kozh n’en devoe afer a netra ; an hini yaouank a lakeas ur c’horn bara en e c’hodell en ur drugarekaat ar manac’h eus e vadelezh ; an hini kozh avat ne droas ket zoken e benn da sellet outañ.

An hini koz n’en deoue afer a netra ; an hini iaouank a lakeaz eur c’horn bara enn he c’hodel en eur drugarekaat ar manac’h euz he vadelez ; an hini koz avad ne droaz ket zoken he benn da zellet outhan.

Kinnig a voe graet dezhañ tammoù bara ha pastelloù kig da zebriñ, ha banneoù da evañ...

Kinnig a oue great d’ezhan tammou bara ha pastellou kig da zebri, ha banneou da efa...

Galloud en deus da ginnig dezhañ [d'ar Poellgor] diverkañ diwar ar rolloù henn-ha-henn war an digarezioù merket en artikl XXXIII.

Galloud en deus da ginnig d'ezan [d'ar Poellgor] diverka diwar ar rollou hen-ha-hen war an digareziou merket en artikl XXXIII.

kinnig

kinnizien

kinnisien

Al levr-mañ a zo kinniget Gant trugarez ha doujañs bras En eñvor da'm mestr kozh brudet D'Arbois de Jubainville, a reas Enklaskoù don War ar Gelted Hag ar yezhioù gante komzet, en n'hallas lenn dioutañ nemet Ar pennadig kentañ, siwazh.

Al levr-man a zo kinniget Gant trugare ha doujans bras En envor d'am mestr koz brudet D'Arbois de Jubainville, a reas Enklaskou don war ar Gelted Hag ar yeziou gante komzet; Hen n'hallas lenn dioutan nemet Ar pennadig kenta, siouaz

Nemet kel lies gwech ma strivent da stlepel an dour er-maez, e teue tri c’hement all e-barzh, ma kinnige ar vag beuziñ bep taol.

Nemet kel lïes gwech ma strivent da stlepel an dour emaez, e teue tri c’hemend-all e-barz, ma kinnige ar vag beuzi bep taol.

Nag an erer, nag ar gup, nag ar re vihan anezho, ne ginnigent o gloazañ gant o figos, gant o c’hrabanoù, gant o divaskell (1).

Nag an erer, nag ar gup, nag ar re vihan anezo, ne ginnigent o gloaza gand o figos, gand o c’hrabanou, gand o diouaskell (1).

Pa veze en em gavet Lugus ha Belisama nes a-walc’h d’an dud, neuze e strinke an delennadenn hag ar ganadenn a zonedigezh-vat ; ar renerien hag an henaourien a yae war-arbenn hag a ginnige d’ar re nevez-deut mel, laezh ha bara.

Pa veze en em gavet Lugus ha Belisama nes a-walc’h d’an dud, neuze e strinke an delennadenn hag ar ganadenn a zonedigez-vat ; ar renerien hag an henaourien a yae war-arbenn hag a ginnige d’ar re nevez-deut mel, laez ha bara.

Evit ar chatal, loened eus an dibab a oa anezho holl, dinamm, peurwenn, bet savet ha maget a-benn kefridi d’o c’hinnig dezho, war gwellañ peurvanoù ar vro.

Evid ar chatal, loened eus an dibab a oa anezo holl, dinamm, peurwenn, bet savet ha maget a-benn kefridi d’o c’hinnig d’ezo, war gwella peurvanou ar vro.

Da hemañ, anezhañ danvez kile o buhez, danvez o fried, e kinnigent an aval melen-ruz edont o paouez kuntuilh : « E kement lec’h ma vezi-te, Karêios, e vezin-me, Karêia. »

Da heman, anezan danvez kile o buhez, danvez o fried, e kinnigent an aval melen-ruz edont o paouez kuntuilh : « E kement lec’h ma vezi-te, Karêios, e vezin-me, Karêia. »

Mammoù a zeuas da ginnig din o bugaligoù a oa klañv. Outo e st[o]kis ar bir, evel m’on bet kelennet ganez, hag o fareañ.

Mammou a zeuas da ginnig d’in o bugaligou a oa klanv. Outo e stekis ar bir, evel m’oun bet kelennet ganez, hag o farea.

Gouzout ar gerioù, seveniñ al lidoù, kinnig ar roadoù, peuroberiañ al lidlazhadoù a reont ervat, ha, gant-se, e renkan daskoriñ dezho trevadoù ha frouezh.

Gouzout ar geriou, seveni al lidou, kinnig ar rôadou, peuroberia al lidlazadou a reont ervat, ha, gant-se, e renkan daskori d’ezo trevadou ha frouez (2).

Ur viskinenn a oa karget a heiz evit an Naoned : diouzhtu eo en em ginniget evit bezañ lakaet war ar roll.

Eur viskinenn a oa karget a hei evit an Naoned : dustu eo en em ginniget evit bea lakaet war ar roll.

Na lin, na kudenn neud, na bechenn amann, na vi, na pesk ne vez kinniget dezhe.

Na lin, na kudenn neud, na bechenn amann, na vi, na pesk ne ve kinniget d’ê.

— Dal ! paotr, eme an aotrou. Hag en deus kinniget dezhañ ur pezh a zaou skoed. — Kemer, paotr.

— Dal ! pôtr, eme an ôtrou. Hag an neus kinniget d’ean eur pez a zaou skoed. — Kemer, pôtr.

Kent kimiadiñ, Daniel Rees a añtreas en ur stal bitrakoù eus ar vro, hag a brenas ur plad koad-faou, merket BARA warnañ, da ginnig din e donezon.

Kent kimiadi, Daniel Rees a añtreas en eur stal bitrakou eus ar vro, hag a brenas eur plad koad-fao, merket BARA warnañ, da ginnig d’in e donezon.

Dek vloaz goude an dra-mañ, en ur dremen gant ma marc'h-houarn dirak plas Maner-ar-Glesker, ec'h is evit gwelout an den a ginnigas boued ha repu d'an daou vugel.

Dek vloaz goude an dra-mañ, en eur dremen gant ma marc'h-houarn dirak plas Maner-ar-Glesker, ec'h is evit gwelout an den a ginnigas boued ha repu d'an daou vugel.

Goulen a ris digant ur wreg kozh a oa en ti, mar n'he doa ket klevet komz eus daou vugel tec'het diouzh ar golaj, hag a oa bet kinniget dezho lojeiz er maner, pell a oa abaoe.

Goulen a ris digant eur wreg koz a oa en ti, mar n'he doa ket klevet komz eus daou vugel tec'het diouz ar golaj, hag a oa bet kinniget d'ezo lojeiz er maner, pell a oa abaoe.

Dont a reas raktal un hanter dousenn skrivagnerien da ginnig skridoù da Groaz Côtes-du-Nord[.]

Dont a reas raktal eun hanter dousen skrivagnerien da ginnig skridou da Groaz Côtes-du-Nord ;

E oa ur genseurtiezh Breizhiz vrudet, a anved Anatol ar Braz, Charlez Ar Govig, Loeiz Tiercelin, René de Kerviler, René Grivart de Kerstrad, Léon Durocher, o kinnig sevel ur gevredigezh nevez gant un anv nevez : 'régionaliste' ; ar gevredigezh-se a vije badezet « Union Régionaliste Bretonne », he mennozh : saveteiñ Breizh a oa o vont da veuziñ evel gouenn ha bro ; saveteiñ war un dro ar yezh en ur adlakaat en enor an teatr pe c'hoariva poblus.

E oa eur genseurtiez Breiziz vrudet, a añved Anatol ar Braz, Charlez Ar Goffig, Loeiz Tiercelin, René de Kerviler, René Grivart de Kerstrat, Léon Durocher, o kinnig sevel eur Gevredigez nevez gant eun ano nevez : régionaliste ; ar Gevredigez-se a vije badezet « Union Régionaliste Bretonne », he mennoz : savetei Breiz a oa o vont da veuzi evel gouenn ha bro ; savetei war eun dro ar yez en eur adlakaat en enor an Teatr pe C'hoariva poblus.

Me a ginnigas dezho Kevredigezh broadus Breiz.

Me a ginnigas d'ezo Kevredigez Broadus Breiz.

Mes pa oant deuet da ginnig o zoaz d’ar baraer, hemañ a lavaras dezho, krenn ha kras : — « N’eus ket a blas ken. »

E-keñver gouelec'hiad an tachennoù rouz dizour ha dic'heot, pe ar pantennoù meinek, dalc'hmat o kinnig disac'hañ, a oa da dreuzañ da vont di, San-Miguel, hag eñ freuzh-difreuzh [sic, freuz-difreuz], a oa anezhañ ur wir c'hlasenezenn, bourrus bevañ enni.

Hi eo a'n em ginnig dezhañ, an dro-mañ.

Ar breur Arturo a oa an tan en e gig, en e wad, en e benn. Stignet e oa e izili, ken e kinnigent tarzhañ.

Hag atav, aze, dirak e zaoulagad, ar gweledigezhioù-se, o kinnig gant ur mousc’hoarzh, da allazigoù e zaouarn, an dra difennet-rik ouzh ar gloareged, hoal gwenngen, flour ha trelatus, o divronn noazh.

Padal, goude studi an enderv, ar breur Alano a voe kemennet dezhañ, war un dro gant un nebeut kloer all, mont d'ar menez, da zourañ, kerkent ha kuzhet an heol, ar gwezigoù pin nevez-plantet, hag a oa o kinnig krazañ gant ar sec'hor.

Din-me, ya ! me 'zo bet kinniget din-me Aval Skiant ar Mad hag an Droug.

Met ma buhez pa ginnigan, / Hag hoc'h anv pa vennigan, / Em eus spi, dre Ho madelezh / Hag en desped d'an tri chouant / Am gwarezoc'h diouzh Aerouant / An euzhusañ rouantelezh.

Met ma buhez pa ginnigan, / Hag hoc'h ano pa vennigan, / Em eus spi, dre Ho madelez / Hag en despet d'an tri chouant / Am gwarezoc'h diouz Aerouant / An euzusa rouantelez.

Bep daou viz e vo kinniget deoc'h ur gazetenn nevez

Kinniget e voe din mont d'ober un esa, ar pezh a roje tu din da gaout ur vicher ma troje an traoù war an tu mat ganin.

Kentoc'h evit ur rekipe e kinniger amañ un toullad goulennoù koulz hag un nebeud teknikoù a servijo d'ar stourmerien da vezañ emrenoc'h ha kreñvoc'h a-dal d'o enebourien.

Kroget en doa da huchal, o kinnig ma lazhañ.

Ma n'oc'h ket bet digabestret e vefet kaset dirak ar prokulor (pe an den a vo en e lec'h) a vo karget da zibab hag enkablet e vefet pe ne vefet ket, war beseurt abeg ha pegoulz e vefet kinniget d'ar barner.

"Ar surjian Atanasios Korasidis a genlabour gant ho klinikenn?" a c'houlennan outañ goude en em ginnig.

Atav ez eus tu da ginnig d'ar poliser e-tal deoc'h evañ ur banne tomm, pe rannañ un tamm bara pok-ha-pok ganeoc'h, pa grog an obererezh da vezañ hir, kement ha distignañ an traoù un tamm bihan.

"Emañ mare an herouezadurioù o tostaat," emezañ din. "Soñjet em eus kinnig da anv evit isrenerezh ar Surentez."