I.
H.g.
A.
1. Liñvenn zruz ha helosk, na c'hall ket dileizhañ en dour, a eztenner eus plant pe loened zo pe eus ar c'hondon.
Eoul alamandez, kanab, kraoñ, lin, olivez, palmez, tro-heol. Eoul pesked, reuniged. Eoul-douar.
&
Eoul faou-ter, eoul ter-faou, eoul-faou : liñvenn eoulek, diliv, kreñv he c'hwezh, a implijer evit distruj ar garvevien pe evit mirout ouzh ar prenn a vreinañ.
&
Eoulmor : eoul pesked.
&
Eoul-moru : a eztenner eus avu ar moru, kalz a vitamin A ha D ennañ.
&
Eoul gwerc'h : bet eztennet eus olivez gwasket ent yen.
2. Pemdez
Eoul-brec'h, eoul-kalon : nerzh, gred el labour.
B. (hep spizer)
1. Eoul debradus.
Ur voutailhad eoul, ur veradenn eoul, ur podig eoul.
Kejañ eoul gant gwinegr. Sardin dre an eoul.
&
Eoul-debriñ : a implijer evit keginañ.
&
Eoul-gwerc'h, eoul flour : eoul rik, digemmesk, diwar ur spesad plant hepken ; eoul n'eo ket bet tommet.
2. Tireoul puraet a implijer en ijinerezh, en treloc'herezh.
Ur bidoniad eoul. Skarzhañ eoul kozh ur c'heflusker. Lakaat eoul war chadenn ur marc'h-houarn.
3. Liv dre eoul : doare liv m'eo kejet an danvezennoù livus gant eoul lin, jenofl, h.a.
&
Livadur-eoul : oberenn livet gant liv dre eoul.
&
Trl. skeud.
Bezañ badezet gant eoul gad : na vezañ gwall speredek ha bezañ penn disoñj.
C. Trl. skeud.
Saotrañ, skuilhañ eoul war an tan : c'hwezhañ trouz etre tud.
&
Ober evel ur veradenn eoul : en em ledan pep a nebeut.
&
Druz evel eoul : druz-tre.
D. Relij.
Eoul Sakr : Olev.
II.
G.
1. Unan eus ar seurtoù liñvennoù druz-se.
An eoulioù-debriñ.
2. (er relijion gatolik)
Eoulioù Sakr : olev (sakr).
Eoulioù Sakr an Nouenn.
Daveenn :
GON.II
pg éôl (on fait beaucoup d'huile de noix dans ce pays-ci).
A-greiz holl, d’ar beure, e wanae o c’horf, heñvel ouzh ur c’hreuzeul, koazhet an eoul ennañ hag o vont da vougañ.
A greiz-holl, d’ar beure, e wanae o c’horf, henvel ouz eur c’hreuzeul, koazet an eoul ennan hag o vont da vouga.
1923
Daveenn :
SKET
p.70
eol levreg
eol-leoreg
1931
Daveenn :
VALL
pg (huile d')ange
boest eol
boest-eol
1931
Daveenn :
VALL
pg bains
ur voestad ton en eoul
1945
Daveenn :
KERB
p46
Tager an eoulioù du e-tal an Atlantel, Eñ eo ar gedour meur, O tislugerniñ hael, Ouzh ar sklerijenn gamm, Distaolet gant ar mor, E roufennoù marmor.
1980
Daveenn :
BREM
Niv. 1, p. 3
Ha gant se e vez disheñvel, n'eo ket hepken kerzhed al lestr, met ivez an drouz a ra en ur fregiñ an dour, re-bar eo bremañ e vije o vont a-dreuz ul lennad eoul, ha kreñvik an donn dindanañ koulskoude.
1985
Daveenn :
DGBD
p12
Notennoù studi
Lenn a reer e GON.II e c'halle bezañ klevet ar stummoù "ôléô" ha "ôléou" pa veze anv eus an eoul sakr.
