Ofis Publik ar Brezhoneg
fallakr
"Ned oc'h ket diwar ouenn ho tud-kozh zo marv; ar-re-se kalonek ne vezent diwezhat, da herzel ouzh pep droug ha da ober pep mad; marv int pell a zo, hag e-kreiz o bezioù, ouzh ho kwelet diskiant, poultrenn o relegoù, o eskern o stekiñ dindanoc'h a lavar; ez oc'h tud digalon, tud dall ha tud bouzar. Evel ur reverzhi, droug ar bed o sevel a ya en ho kwazied, ho laka da vervel; ur mergl milliget eo, ur c'hleñved dishegar, savet da gontammiñ pep mad zo war an douar; genel a ra bosenn ha kernez tro-war-dro; ouzh he heul kasoni e pep lec'h, e pep bro, a laka dre ar bed brezel ha lazherezh. Hama, a-barzh nemeur, e vo bec'h hag enkrez : ha penaos ne ve ket ? Pep droug a zo meulet; hiriv an den fallakr zo ar gwellañ deuet. An nebeudig re vat, flastret gant ar re fall, a rank mont da guzhet evit en em ziwall."
fallakr
Gant e zaoulagad damc’hlas, e fri togn, e zivjod morlivet, e vouchig barv hag e vourrennoù gell-du e tenne, din da welout, d’ur paourkaezh yar beliet, d’ur gwaz abaf-tre ha diaked, ha tamm ebet ne oa ar mac’homer-se, ar bourev, ar c’hrouger kouerien ha studierien, ar c’hlouker gwad, evel ma rae dioutañ kelaouennoù ar gostezenn ruz, heñvel ouzh ur fallakr boaz, hervez ma lavar ar bobl em c’horn-bro, da laerezh, da wallañ, da lazhañ ha da lonkañ kirri-houarn.
Gerioù a-raok
Gerioù da-heul
fallakr