I.
A. Termen hollek a ya da envel lod evned eus ar c'herentiad Scolopacidae.
B.
1. Gioc'h-lann : evn tremeniat hir e gorf, e anv spesad Gallinago gallinago, dezhañ pluñv gell-du gant brizhelloù rous gant peder linenn arvelen war e gein, pluñv gwenn war e gorf, hag ur pigos hir-tre ha moan.
2. Gioc'h bihan : evn hirc'harek tremeniat bihan e vent, krennik e gorf, e anv spesad Lymnocryptes minimus, dezhañ pluñv heñvel ouzh ar gioc'h-lann, ur pigos hir ha moan.
3. Gioc'h lost gwenn : evn hirc'harek tremeniat krenn e gorf, e anv spesad Gallinago media, heñvel e bluñv ouzh re ar gioc'h bihan war-bouez re ar c'hof zo brizhellet-gell, dezhañ ur pigos hir-tre ha moan.
II.
Dre skeud. (db. an dud)
1. Trl. kv.
Bezañ treut evel ur gioc'h, treut-gioc'h : treut-kenañ.
&
Trl. skeud.
Ober kof gioc'h : tremen hep debriñ.
2. Trl. skeud.
Kas ub. da c'hwitellat gioc'hed, da c'hwitellat gioc'hed war gribell Menez-Are, da c'hwitellat gioc'hed d'an dour-sav : e gas diwar-dro.
Daveenn :
GON.II
pg kioc'h-vôr (Bécassine de mer. Pl.)
Ma ve, dianañ, kre hoc'h eskell / Da vont evel ar gioc'h, ar c'hrakhouad, ar c'haran, / Dreist ar gouelec'h, ar mor ledan, / D'ar broioù n'int anavezet.
Ma ve, diana, kre hoc'h eskel / Da vont evel ar gioc'h, ar c'hrak-houad, ar c'haran, / Dreist ar gwelec'h, ar mor ledan, / D'ar broiou n'int anavezet.
