Trl. sonnet.
[1659, 1850] Mont war e balavanoù : mont, bale, o kemer harp war an daouarn.
HS. mont war e barlochoù, mont war e grabotoù, mont war ar c'hrabotinoù, mont war e garavelloù.
Anavezet eo ar ger "parlafan" e Eusa, evit envel ar sourd, gouez da c'heriadur Dom Malgorn [BROU] war brezhoneg an enez. E geriadur Eusa atav e ro Dom Malgorn an troiennoù "mont war e grabotoù" ha "mont war ar c'hrabotinoù" evit "mont war e barlochoù". Ar ger krabot(in) a c'hallfe bezañ un amprest digant ar galleg "crapaud" (touseg). Gallout a reer soñjal ez eo bet hevelebekaet doare dilec'hiañ ar vugale vihan ouzh hini an dielfenneged (ran, sourd pe touseg) neuze.
Lenn a reer e GON.II. ne oa bet kavet ar ger-mañ gant ar Gonideg nemet en dro-lavar "Moñd war hé balafanou".
