Porched niverel ar brezhoneg
Ofis Publik ar Brezhoneg
brezhoneg
français
brezhoneg
français
Loazioù niverel
Geriadurioù
Meurgorf
Geriadur istorel ar brezhoneg
Diazoù roadennoù
KerOfis
Diaz lec'hanvadurezh TermOfis
Diaz termenadurezh
Korpusoù
Korpus testennoù Korpus kleved
Deskiñ brezhoneg
Desketa
Binvioù niverel
Treiñ
Troer emgefre
Troer emgefre e rouedadoù neuron Apertium
Troer emgefre Troer Google
Troer emgefre embannet gant Google
Komz
Sintezenn
Sintezenn ar vouezh
Binvioù all
Fonetikelaer Skoueriekaer Silabifier Braille
Levraoueg
KDSK
Kreizenn Dafar Sevenadurel Keltiek
Teknologiezhioù ar yezh
Strategiezh niverel Kevelerien
Klask Gouzout hiroc'h Mammennoù Berradurioù

Meurgorf
Geriadur istorel ar brezhoneg

Dezverkoù all

pluenn
anv-kadarn benel

Distagadur

Stankter implij : 

Testeniekaet e : 
NDBF
GBAHE

Gerioù kar :
4

Pellgargañ ar gerioù kar anv-pluenn doug-pluenn luc'hpluenn pluñvenn-erc'h

Adstummoù istorel pe rannyezhel testeniekaet : 
2
Diskwel an adstummoù

Stummoù pleget : 
10
Diskwel ar stummoù pleget

Termenadur :  Kuzhat an termenadur

I. (db. ar skrivañ) 1. KOZH Benveg da skrivañ a veze graet gant pluñv bras evned zo, evel ar gwazi, dre vegañ ar penn anezho a-benn gallout ober ganto. & Dre ast. Lavnennig vetal faoutet - zo e penn benvegoù skrivañ zo - hag a zever al liv diouti. Klevet a raed ar bluenn o strakal hag o wigourat war ar paper. & Stilo pluenn. 2. Dre ast. Nep benveg skrivañ a ra ar skrivagner gantañ. Darbet eo bet din lezel ma fluenn da verglañ ha ma faper da louediñ. 3. Dre skeud. Barregezh ar skrivagnerien. Skrivagnerien donezonet o fluenn. Ur bluenn lemm ha fonnus en deus. & Lemmañ e bluenn : en em brientiñ da skrivañ. & Un den a bluenn : ur skrivagner a vicher. An hini a skriv al levrig-mañ n'eo ket un den a bluenn. II. 1. Pezh eus un arm-tan a bouezer warnañ gant ar biz evit lezel an tennoù kuit. Pluenn ar fuzuilh. [1877] Bremañ avat chomomp sioul, ar biz war bluenn ar fuzuilh, prest da dennañ pa livirin. 2. Ibil a reer gantañ evit distignañ ur benveg luc'hskeudenniñ pe ur filmerez. 3. Pezh eus ar c'hog a vez troet a-benn reiñ lec'h d'an dourenn da redek. Pluenn ar c'hog. Pluenn an dour tomm. Pluenn an dour yen. HS. alc'hwez. 4. Pezh heloc'h er potailhoù a brenn an nor en ur vont en un toull graet a-ratozh e stern an nor. Pluenn an dorzhell. DHS. anv-pluenn, doug-pluenn, luc'hpluenn.

Skouerioù istorel : 
23
 Kuzhat roll ar skouerioù

Diskwel ar stummoù orin
Pellgargañ an holl skouerioù

pluenn

1499
Daveenn : LVBCA p165 ('plume')

bouedenn bluenn

1499
Daveenn : LVBCA p40, 165 ('la moelle de la plume')

pluenn

1659
Daveenn : LDJM.1 pg cannif, plume

pluenn

1732
Daveenn : GReg pg (la plume, ou espece de cadenas pour fermer les) entraves

pluvenn

1732
Daveenn : GReg pg a

pluvenn da skrivañ

1732
Daveenn : GReg pg a

pluennoù

1732
Daveenn : GReg pg (robinet d'une) canelle (clef pour ouvrir, & pour fermer la cannelle), (la plume, ou espece de cadenas pour fermer les) entraves

ar bluenn potailh

1732
Daveenn : GReg pg (la plume, ou espece de cadenas pour fermer les) entraves

pluenn

1732
Daveenn : GReg pg (robinet d'une) canelle (clef pour ouvrir, & pour fermer la cannelle)

pluennoù

1850
Daveenn : GON.II pg plû, plûñ

pluenn

1850
Daveenn : GON.II pg plû, plûñ

Bremañ avat chomomp sioul, ar biz war bluenn ar fuzuilh, prest da dennañ pa livirin.

1877
Daveenn : EKG.I. p.164

Alo ! emezañ, en ur azezañ, adarre, kemeromp hor pluenn ; skrivomp hanvioù ar re a [z]lean da gas kuit eus a Blouared evit mont pe d’ar prizon, pe d’ar marv.

1877
Daveenn : EKG.I. p.144

Ha diframmañ e bluennoù liv tan hag aour a gasont ganto da gellies a eñvorenn-drec’h.

1924
Daveenn : SKET.II p.51

Jarlig ar Pinter, Fañch Mourzig, Jojo ar Spagnol hag e genderv Olier ar Paotr-ruz, Lellig an Touz, Pierrig-Mari Gola, Fañch ar Skouarnek, Lellig ar Monkuz ha kalz a re all a oa eno en o sav, an aotrou person en e gador azezet eus an daol, ul levr hag un delienn baper dirakañ, ur bluenn en e zorn.

1924
Daveenn : BILZ1 Niv. 43-44, p.1021 (Gouere-Eost 1924)

bouchad pluennoù

1931
Daveenn : VALL pg aigrette

Yann Dargent a oa anavezet evel liver a ijin. Genidik a gostez Gwimilio, en doa graet e vrud da gentañ e Pariz ; goude-se e oa bet goulennet digantañ livañ taolennoù Iliz-Veur Kemper hag iliz Landerne ; ouzhpenn, e oa Yann Dargent un treser gouest gant ar bluenn.

1944
Daveenn : EURW.1 p.91

Kelenniñ ar bobl dre ar bluenn, -ha diwezhatoc'h dre ar gomz mar galljen-, setu eno ma c'hoant.

1944
Daveenn : EURW.1 p78

Bryfdir a oa un den yen ; ne gomze, evel ar peurvuiañ eus an dud-a-bluenn e kement bro, nemet eus e c’hounidoù hag eus e daolioù-kaer.

1944
Daveenn : EURW.1 p.127

- Ur glotenn zivalav, neuze, d'ur rimadell bennak, o chom da vouzhañ e beg ho pluenn ?...

1949
Daveenn : SIZH p.62

Perak chom pelloc'h da c'hinañ Pa 'z eo ret, koulskoude, sinañ ? Maer, ur bluenn din da skrivañ, Rak ne vennan hiroc'h strivañ.

1960
Daveenn : PETO p19

Goude va redadennoù dre ar c'hoad ha war an aod, he deus ranket ivez va fluenn redek war ar paper evit ober un danevell eus ar pezh am boa gwelet em zroiadennoù.

1985
Daveenn : DGBD p121

Betek neuze e oa kompez a-walc'h ar skritur ; hogen amañ, goude ur pokard strinket diouzh ar bluenn, e oa tarzhet a-greiz-holl from ar skriver

2012
Daveenn : DJHMH p.66

Urzh al lizherennoù

plueg-treid
anv-kadarn benel
pluek
anv-gwan

Gerioù a-raok

Gerioù da-heul

pluennad
anv-kadarn benel
pluenn-blom
anv-kadarn benel

Ofis publik ar brezhoneg

Lec'hienn internet
Darempred

Rouedadoù sokial

Twitter
Facebook
Copyright © 2024 - Ofis Publik ar Brezhoneg
Prevezded · Menegoù lezennel