I.
1. Oberiadur poazhañ.
Poazhadur ar bara.
2. Oberiadur fardañ boued dre an tan, ar wrez.
Lakait an holen e fin ar poazhadur.
3. Oberiadur fardañ danvezioù zo dre an tan, ar wrez.
Poazhadur ar porselen.
II.
(db. ar c'horf)
1. Gouli tapet dre berzh gwered an tan.
E gorf ne oa ket 'met poazhadur.
HS. devadenn, loskadur, poazhadenn.
2. Poan goude bezañ bet losket pe skaotet.
Santout a ran c'hoazh poazhadur al linad em dorn.
3. Poan greñv evel ma vefe losket ul lodenn eus ar c'horf.
Klevet ur poazhadur garv en e ziabarzh.
4. ROUEZ
Treizhadur ar boued. Poazhadur ar fav zo diaes.
