A.
1. A glot strizh gant ar pezh a zle bezañ.
Degouezhout d'an eur rik. Distagañ komzoù rik.
2. A glot strizh gant ar wirionez.
Keleier rik.
B. (db. ar jedadennoù)
Pizh.
Kontoù rik.
C.
1. (db. an danvezennoù)
Digemmesk.
Evañ dour rik. Kafe rik. Douar rik.
&
War ar pri rik : tre-ha-tre war un dachennad pri.
Savet eo bet an ti-se war ar pri rik.
2. Dre ast. (db. an danvezennoù)
Kreñv-kenañ, krenn e wered.
Ampoezon rik.
3. (db. an traoù difetis)
Glan.
Brezhoneg rik. Kelennadurezh rik.
4. (db. an dud)
Ur minor rik : un den zo marv e dad hag e vamm.
D.
1. (db. onestiz an dud)
Reizh.
Ur marc'hadour rik gant e zanvez, gant e bouezioù : a ro ar c'hementad, ar pouez reizh d'e arvalien.
2. (db. anien an dud)
Reut.
Bez' eo ur paotr rik ha koulskoude e oar ober gant ar re all.
Eus a-douez kant den a wad rik, unan hepken en doa tec’het, ur plac’hig pemp bloaz a voe gwerzhet da varc’hadourien a ziavaez-[b]ro hag a gavis, deut d’he fevarzek vloaz, e ti Diviko, ar Pikton, ma oa sklavez gantañ, lakaet da valañ heiz.
Eus a-douez kant den a wad rik, unan hepken en doa tec’het, eur plac’hig pemp bloaz a voe gwerzet da varc’hadourien a ziavaez-vro [sic] hag a gavis, deut d’he fevarzek vloaz, e ti Diviko, ar Pikton, ma oa sklavez gantan, lakaet da vala heiz.
1923
Daveenn :
SKET
p.22
Da heul, en em gavas e pep ti muioc’h a vugale vrizhouenn eget a vugale ouenn-rik ganet gant ar bried reizh n’oa nemeti.
Da heul, en em gavas e pep ti muioc’h a vugale vriz-ouenn eged a vugale ouenn-rik ganet gand ar bried reiz n’oa nemeti.
1923
Daveenn :
SKET
p.89
Redek a rae c'hoazh war-lerc'h ar re vras pe ar re grenn o doa darempred gant ar re vihan ; rak dispartiet-rik e oa an tri rumm-se e Sant-Charlez.
Redek a rae c'hoaz war lerc'h ar Re Vras pe ar Re Grenn o doa darempred gant ar Re Vihan ; rak dispartiet rik e oa an tri rumm-se e Sant Charlez.
1944
Daveenn :
EURW.1
p50
Ar wirionez rik a oa gantañ, sur-mat.
Ar wirionez rik a oa gantañ, sur mat.
1944
Daveenn :
EURW.1
p.209
Goût a ouzont oc'h, dre ledoued, / D'ar gozh Nasion mignon rik : / Un abeg, daoust d'ho plev louet, / D'ho kas da get, d'ho lazhañ mik.
Goût a ouzont oc'h, dre le-douet, / D'ar goz Nasion mignon rik : / Eun abeg, daoust d'ho pleo louet, / D'ho kas da get, d'ho laza mik.
1960
Daveenn :
PETO
p59
Pa fell d'ar vorianed diskouez ar gerentiezh rik a zo etrezo e klokaont o doare-lavar evel-henn : "breur memes tad-memes mamm", "breur memes tad" pe "breur memes mamm".
1985
Daveenn :
DGBD
p76
Disklêriañ a rit d'ar c'hemederezh ur c'horvoder rik telladus a 50.000 euro. Hervez ma jedadurioù e tlefe sevel restal ho tellad d'ur sammad etre 200.000 ha 250.000 euro ar bloaz.
