I.
Golvaneg, e anv spesad Carduelis spinus, a vev annezet e koadeier avalpineged ha koadeier kemmesk Eurazia, dezhañ pluñv melen ha roudennoù melen war e zivaskell du.
II.
Dre skeud.
A. (db. an dud)
1. Den zo diaes dont a-benn anezhañ, zo diaes ober dezhañ sentiñ.
Te zo un den diaes a spered ; un tarin a baotr out !
2. Den bas ha kreñv-mat.
Ar re-se zo tarined. Hennezh zo un tarin.
&
(dirak an ar. a heuliet gant un ak.)
Hennezh zo un tarin a baotr. An tarin-se a Stefan.
3. Den a-stumm a verzer dreist d'ar re all.
[1954] Ho mab-bihan, Soaz Sapeur, emezañ en ur zistouvañ ur voutailhad win, a vo un tarin disul o vont d’an oferenn-bred gant e voutonoù cherompi.
4. Trl.
Bezañ un tarin da ober udb. : gouzout mat-tre e ober.
Ar merc'hed-se a oa tarinezed da farsal.
HS. mailh, pabor.
B. (db. al loened, an traoù)
Pezh loen, pezh hini.
Erru eo un tarin al loen bihan. Hemañ zo un tarin a gog ! Ar c'harr-se a oa un tarin... Un 305 pe ouzhpenn.
HS. tarinenn.
« Ho mab bihan [mab-bihan], Soaz Sapeur, emezañ en ur zistouvañ ur voutailhad win, a vo un tarin disul o vont d’an oferenn-bred gant e voutonoù cherompi ».
