I.
1. Divelfenneg krenndev, burbuennek e groc'hen, dezhañ div wagrenn vinimus lec'hiet en adreñv d'e benn.
Grakal a ra an touseged.
&
Touseg hautin : ar spesad Bufo bufo.
&
Touseg-broen : ar spesad Bufo calamita.
2. Dre heveleb. (db. loened all)
Touseg-mor : anv a roer da veur a spesad pesked, en o zouez : Gobius sp., Trachinus sp., Blennius pholis, Myoxocephalus scorpius.
II.
Dre skeud.
1. (db. an dud)
Den pizh.
Hennezh zo un touseg !
&
Trl. kv.
Pizh evel un touseg : pizh-kenañ.
&
C'hwezet evel un touseg : lorc'hus-kenañ.
2. (db. ar plant)
Boned-touseg, tog-touseg, kabell-touseg : plantenn hep klorofil, anezhi un troad, un tog warnañ prl., a gresk buan, el lec'hioù gleb dh., ha zo meur a spesad anezhi, ken debradus, ken kontammus.
Piv a zesko d'an touseg, amprevan lous, hudur, / Bevañ hervez ar reizh, evel a ra ar fur, / Ha dibriñ hep kaout aon / Da vervel gant an naon ?
Piou a zesko d'ann tousek, amprevan louz, hudur, / Beva hervez ar reiz, evel a ra ar fur, / Ha dibri hep kaout aoun / Da vervel gant ann naoun ?
1867
Daveenn :
MGK
p95
An touseg-se, an den, oc'h pep prezeg[,] bouzar, / Ne lavaro biken : « Pevar droatad douar / Am goloio er bez. »
Ann tousek-ze, ann den, oc'h pep prezeg bouzar, / Ne lavaro biken : « Pevar droatad douar / » Am goloio er bez.
1867
Daveenn :
MGK
p96
Anat e oa ez oa marv, hag an "arme noar" a yeas adarre gant he hent hep ober muioc’h a van eget pa ne divije lazhet nemet un touseg.
Anat oa ez oa maro, hag an "arme noar" a ieaz adarre gand he hent eb ober muioc’h a van eget pa ne diviche lazet nemed eun tousek.
1877
Daveenn :
EKG.I.
p.192
touseg
tousak
1909
Daveenn :
BROU
p. 431 (avec la salamandre et le lézard gris, il est le seul reptile connu à Ouessant. Il y pullule, et on l'a en horreur, tandis que les enfants jouent volontiers avec la salamandre)
