Ofis Publik ar Brezhoneg
Diswalc'het ha distan e kaver an aer en deiz war-lerc'h, pa rejomp tro Inizi Los evit antren e porzh Konakri, kêr-benn Ginea.
Un darvoud kaer a oa tu da welout d'ar mare-se e Sassandra : ul linenn a-ziforc'h fraezh-meurbet a oa etre an dour-mor hag an dour-stêr liv melen a ziruilhe d'an aod gant ar stêr Sassandra goude bezañ diswalc'het diabarzh ar vro ma oa d'ar pred-bloaz-mañ mare ar glaveier bras, bremañ ma oa aet an heol tost da vat en e bellañ diouzh tu an Norzh.