I.
A. (db. an dud)
1. Zo deuet d'en em glevet, da genlabourat, da vezañ kengred gant un den all, gant tud all.
Mard oant unanet-holl en o lec'hioù-labour, er gêr ne oant ket mui. Bezit holl unanet kenetrezoc'h. Unanet eo er vuhez hag el labour ar re holl a vev en ti.
2. Ent strizh
Euredet.
An daou bried zo unanet etrezo keit ha ma vevont. N'oamp ket unanet, karantez ar galon n'eo ket a walc'h.
DHS. dimezet.
B. (db. ar c'hostezennoù, ar broioù, ar vrezelourien, h.a.)
Zo en em glevet da stourm a-du gant ub., ur re bnk. a-enep un enebour boutin.
Salaun a oa unanet gant ar vrientinien-se.
&
Stn.
(db. ar broioù, ar Stadoù)
Zo bodet en ur framm politikel boutin.
Ar Rouantelezh-Unanet : Stad a ya Breizh-Veur ha Hanternoz Iwerzhon d'he ober. Broadoù Unanet, Aozadur ar Broadoù Unanet.
II.
(db. an traoù)
1. Mesket, lakaet a-gevret.
Gant prenn, maen, pri ha douar unanet e veze savet ar mogerioù.
2. Bet lakaet da begañ, d'ober udb. a-vloc'h.
Meinigoù munut, ruz, unanet gant simant.
DHS. toueziet.
Da-heul barn Gorsedd Beirrdd Ynys Prydain, en Llangollen, 1908, ha goude Gorsedd kuzh Keumbri ha Barzhed Breiz, unanet en Brest, 1908, dindan renadur an Archderwydd kannad Cadfan, kement-mañ a zo bet emglevet etre an daou C'horsedd
Da heul barn Gorsedd Beirrdd Ynys Prydain, en Llangollen, 1908, ha goude Gorsedd kuz Keumri ha Barzed Breiz, unanet en Brest, 1908, dindan renadur an Archderwydd-kannad Cadfan, kement-ma a zo bet emglevet etre an daou C'horsedd
1909
Référence :
REZI
p.20
"Nemetos", iwerzhoneg "nemet", brezhoneg "nevet", a zo unanet ennañ talvoudegezhioù ar gerioù gallek « saint, sacré, tabou ».
Nemetos, iwerzoneg nemet, brezoneg nevet, a zo unanet ennan talvoudegeziou ar geriou gallek « saint, sacré, tabou ».
1923
Référence :
SKET
p.120
Un toullad mat a ganfarded a oa eno unanet, paotred ha merc’hed ; darn a oa o c’hoari patati, darn all o c’houren ; ar merc’hed, darn anezho en o [fuch], a c’hoarie eizh meinigoù [sic], hag ar re all gant tri pe bevar baotr a oa o c’hoari mouchig-dall.
Eun toullad mat a ganfarted a oa eno unanet, pôtred ha merc’hed ; darn a oa o c’hoari patati, darn all o c’hourenn ; ar merc’hed, darn anê en o fluch [sic], a c’hoarie eiz meinigou [sic], hag ar re all gant tri pe bevar bôtr a oa o c’hoari mouchig-dall.
1924
Référence :
BILZ1
Niverenn 39, p.864 (Miz Meurzh 1924)
— Evurus, maleürus, eme Izabel dre he daeroù, unanet omp bet gant Doue, unanet e vevfomp hag e varvfomp !… Ha daeroù ar vugale, mesket gant daeroù ar vamm, a siellas an testeni.
— Evurus, maleürus, eme Izabel dre he daerou, unanet omp bet gant Doue, unanet e vevfomp hag e varvfomp !… Ha daerou ar vugale, mesket gant daerou ar vamm, a ziellas an testeni.
1924
Référence :
BILZ1
Niverenn 37, p.813 (Miz Genver 1924)
Mignoned, unanet chomomp, / Hon enebourien ne zoujomp.
1960
Référence :
PETO
p45
Abaoe 1956 eo deuet ar Marok da vezañ ur vro zizalc'h, hag unanet eo bet an div rann, an hini a oa dindan gwarez ar Frañs hag an hini a oa dalc'het gant ar Spagn.
1985
Référence :
DGBD
p14
Labour vat a ran sur a-walc'h rak dec'h en doa pellgomzet din derc'houezour gresian ar Gomiseriezh Uhel evit ar Repuidi en Aozadur ar Broadoù Unanet.
