Ofis Publik ar Brezhoneg
Anv ar barrez kentidik pellañ e reter Breizh, savet diwar Plouev, eo. N'eo ket ken sklaer an eil elfenn. Hervez lod, oc'h en em harpañ war stumm kozh 1082, e vefe anv ar sant Seog. Koulskoude, diouzh Erwan Vallerie (Communes bretonnes et Paroisses d'Armorique) e c'hell hemañ bezañ ur skrivadur distreset ha tra ken, o welet neuz ar stummoù koshoc'h bet dastumet. Kredapl eo an anv-den Sei a zo amañ goude Plouev, hag a c'hallfe bezañ an helevep spizer a gaver e anvioù-lec'h-all e Plesei end-eeun, evel Lansei (diwar Lann), Tresei (diwar Treb) ha marteze Kastellsei.