Ofis Publik ar Brezhoneg
Lanyugon Kumun nevez [Lanyugon]
Jugon-les-Lacs/Lanyugon : kavet e vez an anv-lec'h notennet gant ar ger Lann dirakañ a-gozh hag e adkaver anezhañ er stumm brezhonek eta. Hervez kont n'eo ket Lann evel lec'h sakr (gouestlet d'ur sant bennak, evel m'emañ peurvuiañ en anvioù kozh : Lambaol < Lann + Paol, Landelo < Lann + Telo, Lannildud &co.) a gaver ennañ met kentoc'h Lann evit un dachenn ma kresk lann (ar plant) enni ("lande" e galleg). N'eo ket Yugon anv ur sant neuze. Evit tud zo e vefe bet Yugon anv ar stêr hag a red ene. Marteze... Gallout a rafe bezañ un anv-den evelkent. Gerioù a gaver stank en anvioù tud brezhonek er Grennamzer a greder gwelet ennañ bepred : Yud (seigneur, combattant, guerrier, chef) + Kon (chien ; guerrier). Ar skrivad gant J er stummoù kozh hag a zo chomet er stumm "gallek" Jugon, a zo evit -y e brezhoneg (kenveriañ Jean/Yann, da skouer, evit ar memes anv). Nevez eo an astenn "-les-Lacs" e galleg, ha n'eo ket diouzh spered lec'hanvadurezh ar vro.