1. Anv dekvet miz ar bloaz, ennañ un deiz ha tregont.
2. (goude ar ger miz)
Ar miz-se.
E miz Here e oa an dra-se.
EVEZH.
Ne lakaer ger-mell ebet dirak "Here", na kennebeut dirak "miz Here" prl.
Gant ar Gelted, an hañv, kemeret ez strizh, a oa anezhañ tri miz, Mae, Mezheven, Gouere. Kemeret ez ledan, e staged outañ tri miz all : Eost, Gwengolo, Here.
Gand ar Gelted, an hanv, kemeret ez striz, a oa anezan tri miz, mae, mezeven, gouhere. Kemeret ez ledan, e staged outan tri miz all : eost, gwengolo, here.
1923
Daveenn :
SKET
p.23
Arme Vreizh a voe dastumet da viz Here 1870 e Kamp Conlie, en tu-mañ d'ar Mans, lec'h e chomas tri miz da vizeriñ, hep boued na dilhad nag armoù.
Arme Vreiz a voe dastumet da viz Here 1870 e Kamp Conlie, an tu-mañ d'ar Mans, lec'h e chomas tri miz da vizeri, hep boued na dilhad nag armou.
1944
Daveenn :
EURW.1
p11-12
Distreiñ a ris da golaj Gwengamp, da viz Here 1893, leun ma fenn gant ma lennadennoù brezhonek.
Distrei a ris da Golaj Gwenngamp, da viz Here 1893, leun ma fenn gant ma lennadennou brezonek.
1944
Daveenn :
EURW.1
p42
Pa zigoras ar c'hlasoù, da viz Here 1896, e komzis d'an aotrou Lebon, rener, eus ma mennozh.
Pa zigoras ar c'hlasou, da viz Here 1896, e komzis d'an Aotrou Lebon, rener, eus ma mennoz.
1944
Daveenn :
EURW.1
p58
C'hoarvezout a reas e miz here 1937 gant ur paotr yaouank en em gavet er Gabon un nebeud mizvezhioù a oa.
1985
Daveenn :
DGBD
p78
Notennoù studi
Diskouez a ra ar ger-mañ un emdroadur klasel Hedrev > Hezre(v) > Here. Miret eo bet ar stumm kozh Hedre gant "d" dirak "r" e enez Eusa.
