I.
Adv.
1. En un doare reizh.
Ha te a ray just da vuzulioù ? Pouezañ a ra just ar skoed-mañ. Komz a ra just a bep seurt traoù.
&
Trl.
Kreñvoc'h eget justoc'h : kalz, en tu-hont d'ar pezh zo reizh.
Ne zouje ket glebiañ he c'herc'henn kreñvoc'h eget justoc'h.
&
Lavaret amploc'h eget justoc'h : mont en tu-hont d'ar wirionez en e gomzoù.
An dud a lavar ivez amploc'h eget justoc'h.
2. En un doare resis.
Tennañ a ra just. Skeiñ just. A-benn eizh deiz just. Mont just : klotañ.
3. End-eeun, dres.
Evel-se just en em zalc'has ma mestr warlene. Boulc'het e oa just a-raok ar brezel.
4. Ger a dalvez da verkañ un ere etre daou zarvoud a c'hoarvez an eil diouzhtu goude egile.
Just en deus bet goar an evezhier da sailhan er-maez pa grog an tan. Echuet eo ? Ya, just eo : o paouez bezañ echuet eo.
HS. a-boan, a-vec'h.
II.
(e troiennoù)
1. Tr. adv.
Just-ha-just : en un doare resis.
Roudennet en deus just-ha-just petra zo pec'hed bihan pe pec'hed bras. Degouezhout a rae just-ha-just, evel ma lavare.
&
Tost-kenañ da, hebiou da.
Just-ha-just d'ar skouarn.
&
Dres, end-eeun.
Just-ha-just d'ar mare-se.
&
Da just : en un doare resis, difazi, hep arvar.
N'ouzer ket pegoulz da just. N'ouzon ket, da just, petra eo.
&
Rannyezh.
Just evel : evel.
Ne vin ket, just evel paot arall, en arvar a gavout ma zraoù.
2. Tr. stl. isur.
Just ma : a-boan ma.
Just ma tizhan monet d'an oferenn.
Daveenn :
GReg
pg diviser (en deux parties égales)
lakaat just an eil en egile
lacqât just an eil èn eguile
1732
Daveenn :
GReg
pg emboeter (enchasser une chose dans une autre)
— Na perak ne rit-hu ket a lizher pa’z eo gwir hoc’h eus c’hoant ho-taou da ober ? — Eno, just, eo emañ ar c’hoari. Penaos ober lizher, pa’z eo gwir ne ouzomp na skrivañ na lenn hini ac’hanomp hon-daou ? — Neuze eo ret klask ur skrivagner.
— Na perak ne rit-hu ket a lizer pa’z eo guir hoc’h euz c’hoant ho taou da ober ? — Eno, just, eo ema ar c’hoari. Penaoz ober lizer, pa’z eo guir ne ouzomp na skriva na lenn hini ac’hanomp hon daou ? — Neuze eo red klask eur skrivagner.
1877
Daveenn :
EKG.I.
p.92
Gortoz a ris daou vloaz a-benn o embann ; d’am 20 vloaz just, ma levr kentañ a zeuas er-maez [sic, er-maez eus] gwaskoù Prud’homme, Sant-Brieg, war an anv « An Hirvoudoù ».
Gortoz a ris daou vloaz a-benn o embann ; d’am 20 vloaz just, ma levr kenta a zeuas er-maez [sic] gwaskou Prud’homme, Sant-Brieg, war an ano « An Hirvoudou ».
1944
Daveenn :
EURW.1
p.100
An aotrou Milon, ar c'helenner, a oa just o klask gouzout pelec'h edon, rak moarvat en devije, diwar an deiz kentañ a viz genver '37 ur plas labour evidon.
