Porched niverel ar brezhoneg
Ofis Publik ar Brezhoneg
brezhoneg
français
brezhoneg
français
Loazioù niverel
Geriadurioù
Meurgorf
Geriadur istorel ar brezhoneg
Diazoù roadennoù
KerOfis
Diaz lec'hanvadurezh TermOfis
Diaz termenadurezh
Korpusoù
Korpus testennoù Korpus kleved
Deskiñ brezhoneg
Desketa
Binvioù niverel
Treiñ
Troer emgefre
Troer emgefre e rouedadoù neuron Apertium
Troer emgefre Troer Google
Troer emgefre embannet gant Google
Komz
Sintezenn
Sintezenn ar vouezh
Binvioù all
Fonetikelaer Skoueriekaer Silabifier Braille
Levraoueg
KDSK
Kreizenn Dafar Sevenadurel Keltiek
Teknologiezhioù ar yezh
Strategiezh niverel Kevelerien
Klask Gouzout hiroc'h Mammennoù Berradurioù

Meurgorf
Geriadur istorel ar brezhoneg

Dezverkoù all

marvailh
anv-kadarn gourel

Distagadur

Stankter implij : 

Testeniekaet e : 
NDBF
GBAHE

Gerioù kar :
0

Stummoù pleget : 
3
Diskwel ar stummoù pleget

Termenadur :  Kuzhat an termenadur

1. Darvoud dreistordinal ha souezhus. Ur marvailh eo gwelet ac'hanoc'h. Se 'vat a vefe ur marvailh ! Ober marvailhoù. HS. burzhud. 2. Tra a laka an den da vamañ. Ar c'haerañ marvailhoù. Seizh marvailh ar bed. HS. marzh. 3. Kontadenn, mojenn. Marvailhoù ar bed-holl. Kontañ marvailhoù. 4. Pennad kaoz. Evit berraat an amzer hag ober ur marvailh bennak. 5. Dre skeud. (en e furm lies) Komzoù didalvez, drouklavaroù alies ; keleier ar c'horn-bro. Er poull-kannañ e veze klevet ar marvailhoù gwechall. & (en e furm lies war-lerc'h ar gm. a.) Ur cholori hag ur marvailhoù a oa ganto : komz a raent kalz hag a vouezh uhel. 6. Dre ast. (en e furm lies) Darvoudoù pemdez a-ziavaez. Gwelet ar marvailhoù dre ar prenestr.

Skouerioù istorel : 
21
 Kuzhat roll ar skouerioù

Diskwel ar stummoù orin
Pellgargañ an holl skouerioù

marvailh

1499
Daveenn : LVBCA p140 (merveille)

marvailh

1499
Daveenn : LVBCA p140 ('merveille')

marvailh

1659
Daveenn : LDJM.1 pg conte (ou fable)

lavaret marvailhoù

1732
Daveenn : GReg pg conter (faire un conte plaisant)

marvailh

1732
Daveenn : GReg pg conte (recit plaisant, recit fabuleux), fable (chose fabuleuse), hablerie (paroles pleines de vanité & de mensonges, Van.)

marvailhoù

1732
Daveenn : GReg pg hablerie (paroles pleines de vanité & de mensonges, Van., p.)

marvailhoù

1732
Daveenn : GReg pg conte (recit plaisant, recit fabuleux), fable (chose fabuleuse)

[…] ha meur a varvailh all kel leun a furnezh pe leunoc'h, troet ker brav e brezhoneg !

1867
Daveenn : MGK Rakskrid XII

Ar bed-mañ a zo kozh, kozh-kozh, a lavarer; / Ha koulskoude atav an den ne vez furaet, / Anez gant marvailhoù e gelennañ ervat.

1867
Daveenn : MGK p4

Ar marvailhoù a zo heñvel ouzh madigoù, / A zo koulz d'ar re gozh ha d'ar vugaleigoù.

1867
Daveenn : MGK p4

Kan al labousig a zo berr, m'oar 'vat, n'eo ket hir kennebeut ar Bater : hogen n'eo ket ul labous eo an den, ha marvailhoù n'int ket Paterioù.

1867
Daveenn : MGK Rakskrid VIII

marvailhoù gwrac'h kozh

1867
Daveenn : MGK Rakskrid III

Pa guitaas ar re-mañ bro an Azia, evit dont da chom en Europa, i a zegasas d'ho heul Marvailhoù an tad-kozh hag ar vamm-gozh a gavent brav a-vihanik.

1867
Daveenn : MGK Rakskrid V

Dre varvailhoù alies / E teu da galz a dud mui a skiant, a furnezh, / Evit klevet prezeg, evit lenn levrioù kaer.

1867
Daveenn : MGK p4

Pediñ-start a reomp hon lennerien da zigas dimp keloio, kanaouenno, gwerzio, marvailho ha treo all

1898
Daveenn : KZVR Supplément à la Croix des Côtes-du-Nord du dimanche 23 janvier

An den mat-se oa deut war an oad (ganet e oa en Ploumilio er bla 1811) ; hag e ouie e-leizh a varvailho[ù], a werzio[ù], a dreo[ù] fentus pe a skouer vat war an amzer-dremenet.

1898
Daveenn : KZVR Supplément à la Croix des Côtes-du-Nord du dimanche 23 janvier, p.2

Re hir en holl e ve va displegadenn hag, ouzhpenn, ur skrid-danevell ha neket ur marvailh a garantez a fell din ober.

1923
Daveenn : SKET p.44

Ar bugel a souche e brennidenn glouar ha kuñv Velia evel en un neizhig, hag a-wechoù e vane kousket eno o selaou marvailhoù diganti.

1924
Daveenn : SKET.II p.14

Koulskoude, Ar Roc'h ha me a dapas al lec'h kentañ en o grasoù mat abalamour ma oamp kolejianed, ec'h ouiemp kontañ marvailhoù e galleg flour, hag hor boa arc'hant da baeañ dezho madigoù.

1944
Daveenn : EURW.1 p47

A-raok ar "reuziad" emañ amzer ar marvailhoù, an amzer m'edo c'hoazh ar bodadoù okoume a-hed an aod pe ar stêrioù bras, an amzer ma c'helled rastellat arc'hant tost ken aes ha bili war an aod, an amzer ma nije kuit ivez ken buan hag an delioù sec'h gant an avel.

1985
Daveenn : DGBD p108

gant ma asantot ober din resis ha dik ar vad a c'houlennan, e steuzio raktal va zrubuilhoù evel pa vijent bet marvailhoù nemetken.

2012
Daveenn : DJHMH p. 81

Urzh al lizherennoù

marvadenn
anv-kadarn benel
marvadenniñ
verb

Gerioù a-raok

Gerioù da-heul

marvailhadenn
anv-kadarn benel
marvailhañ
verb

Ofis publik ar brezhoneg

Lec'hienn internet
Darempred

Rouedadoù sokial

Twitter
Facebook
Copyright © 2024 - Ofis Publik ar Brezhoneg
Prevezded · Menegoù lezennel