Porched niverel ar brezhoneg
Ofis Publik ar Brezhoneg
brezhoneg
français
brezhoneg
français
Loazioù niverel
Geriadurioù
Meurgorf
Geriadur istorel ar brezhoneg Alamaneg - Brezhoneg
Geriadur divyezhek herberc'hiet gant an OPAB
Diazoù roadennoù
KerOfis
Diaz lec'hanvadurezh TermOfis
Diaz termenadurezh
Korpusoù
Korpus testennoù Korpus kleved
Deskiñ brezhoneg
Desketa
Binvioù niverel
Treiñ
Troer an OPAB
Troer emgefreek embannet gant Ofis Publik Ar Brezhoneg Troer Google
Troer emgefreek embannet gant Google
Komz
Sintezenn
Sintezenn ar vouezh
Binvioù all
Fonetikelaer Skoueriekaer Silabifier Braille
Binvioù diavaez
Common Voice
Diaz roadennoù klevet LanguageTool
Difazier reizhskrivadur
Levraoueg
KDSK
Kreizenn Dafar Sevenadurel Keltiek
Teknologiezhioù ar yezh
Strategiezh niverel Kevelerien
Klask Gouzout hiroc'h Mammennoù Berradurioù

Meurgorf
Geriadur istorel ar brezhoneg

Dezverkoù all

neudenn
anv-kadarn benel

Distagadur

Stankter implij : 

Testeniekaet e : 
NDBF
GBAHE

Gerioù kar :
5

Pellgargañ ar gerioù kar neud neudennañ neudennig neudenniñ neudennus

Stummoù pleget : 
1
Diskwel ar stummoù pleget

Termenadur :  Kuzhat an termenadur

I. Tamm neud hir pe hiroc'h. Lakaat un neudenn en nadoz. Un neudenn zo aesoc'h da derriñ eget ur gudenn, en em unanit eta. & Trl. Na vezañ un neudenn sec'h warnañ : bezañ gleb-holl gant ar glav, h.a. II. Dre skeud. 1. Steud. N'eo ket diviet c'hoazh an neudenn a ra ar vugale o kerzhet. [1954] Hag a-hed an aodoù bevennet gant neudenn arc’hant an traezh, pet ha pet kêriadenn, ken skedus an damwel anezho ha ma ’z eo heson o anv : Pausilippo, Torre del Greco, San Sebastiano, Brindizi, Torre dell Annuziata, Sorrento !... 2. Poell ar soñjoù. Koll a ran ma neudenn. Kollet eo bet penn e neudenn gantañ. An hini kentañ e voen oc'h adkavout ma neudenn. 3. (db. ar romantoù) Urzh, dibun an darvoudoù. Taolennoù a vefe gallet distagañ hep dienez evit neudenn ar romant. 4. Trl. skeud. Neudenn ar vuhez : dibun ar vuhez. An Ankoù, krog en e falc'h da droc'hañ neudenn ar vuhez. & Na vezañ un neudenn eeun en ub., na vezañ un neudenn eeun oc'h ober ub., bezañ un neudenn gamm, un neudenn torret en e wiadenn : bezañ disleal, dizonest e pep keñver. Ne oa ket un neudenn eeun enno ha ne oa nemet fallagriezh ha gevier ouzh o heul. & Bezañ o nezañ e neudenn ziwezhañ : bezañ e par ar marv. & Terriñ e neudenn : mervel. & Alaouriñ an neudenn da ub : e lakaat da asantiñ d'un dra gant komzoù troet-brav. N'en doa ket alaouret an neudenn din, ur bourmenadenn dispar a rejomp. & Kerzhet gant an neudenn eeun : sentiñ hep enebiñ. & Bezañ (udb.) hed an neudenn : penn-da-benn. Anezho a oa Leonad hag egile Tregeriad hed an neudenn. & Penn-da-benn an neudenn : penn-da-benn. Al laouenidigezh-se a ren penn-da-benn an neudenn. & Bout àr an hevelep neudenn : bezañ a-du an eil gant egile. & Trl. kv. Skañv evel un neudenn : skañv-kenañ. 5. Impl. da rag. am. Tamm. N'ouzon ket gwelloc'h, neudenn ebet. Hep diwiskañ neudenn dilhad.

Skouerioù istorel : 
38
 Kuzhat roll ar skouerioù

Diskwel ar stummoù orin
Pellgargañ an holl skouerioù

neudenn

1499
Daveenn : LVBCA p150 (filet)

neudenn

1659
Daveenn : LDJM.1 pg fil

an neudenn eus a un diviz

1732
Daveenn : GReg pg fil (Fil d'un discours, suite faite droite & naturelle des parties d'un discours)

dispenn a neudenn-e-neudenn

1732
Daveenn : GReg pg effiler (s'effiler)

lemm, neudenn, direnn ar c'hleze

1732
Daveenn : GReg pg (le taillant de l') épée

neudenn

1732
Daveenn : GReg pg fil (à coudre, à faire de la toile &c.)

neudennoù

1732
Daveenn : GReg pg fil (à coudre, à faire de la toile &c., p.)

neudenn

1732
Daveenn : GReg pg fil (à coudre, à faire de la toile &c., Van.)

neudennoù

1732
Daveenn : GReg pg fil (à coudre, à faire de la toile &c., Van.)

neudenn ar gontell

1732
Daveenn : GReg pg fil (tranchant d'un couteau, &c.)

Kollet en deus e neudenn hag ez eo bet berrek.

1732
Daveenn : GReg pf fil (Il a perdu le fil de son discours, & a demeuré court.)

Kollet eo e neudenn gantañ, hag ez eo chomet ouc'h an drez.

1732
Daveenn : GReg pg fil (Il a perdu le fil de son discours, & a demeuré court.)

Kollet eo e neudenn gantañ, hac en deus foeret ouc'h ar rav.

1732
Daveenn : GReg pg fil (Il a perdu le fil de son discours, & a demeuré court.)

Kollet eo e neudenn gantañ, hag ez eo chomet dilavar.

1732
Daveenn : GReg pg fil (Il a perdu le fil de son discours, & a demeuré court.)

Kollet eo bet penn e neudenn gandhâ, hac ez eo chommet ouc'h an drez.

1732
Daveenn : GReg pg fil (Il a perdu le fil de son discours, & a demeuré court.)

Kollet eo bet penn e neudenn gantañ, hag en deus foeret ouc'h ar rav.

1732
Daveenn : GReg pg fil (Il a perdu le fil de son discours, & a demeuré court.)

Kollet eo bet penn e neudenn gantañ, hag ez eo chomet dilavar.

1732
Daveenn : GReg pg fil (Il a perdu le fil de son discours, & a demeuré court.)

Kavet eo penn e neudenn gantañ.

1732
Daveenn : GReg pg fil (Il a repris le fil de son discours.)

un neudenn voan

1732
Daveenn : GReg pg filet (un fil delié)

koll penn e neudenn

1732
Daveenn : GReg bourder (demeurer court, parlant d'un Prédicateur qui perd ses idées)

kollet penn e neudenn

1732
Daveenn : GReg bourder (demeurer court, parlant d'un Prédicateur qui perd ses idées)

kollet en deus e neudenn, penn e neudenn

1732
Daveenn : GReg pg (il a demeuré tout) court (à son sermon, il a manqué de mémoire)

Hon buhez n'eo stag nemet gant un neudenn.

1850
Daveenn : GON.II pg neûd (notre vie ne tient qu'à un fil, à un filet).

neudenn

1850
Daveenn : GON.II p.21 (fil), pg neûd (neûden, f., un seul fil, un seul brin de fil. filet. filament. fibre).

neudennoù

1850
Daveenn : GON.II pg neûd (neûden, f., un seul fil, un seul brin de fil. filet. filament. fibre. Pl.)

neud

1850
Daveenn : GON.II pg neûd (fil, petit brin long et délié, de chanvre, de lin, etc. "neûden" [...] pl. "neûdennou" ou simplement "neûd").

neudenn-gig

1850
Daveenn : GON.II.HV pg neûden-gîk (fibre, filaments déliés dont sont composées toutes les parties charnues ou membraneuses du corps de l'animal), pg neûdennik-kîk

neudennoù-kig

1850
Daveenn : GON.II.HV pg neûden-gîk (fibre, filaments déliés dont sont composées toutes les parties charnues ou membraneuses du corps de l'animal. Pl.)

Ne lavare ket gaou : pep den, deut d'an oad-se, / Dioc'h taol fest ar bed-mañ mont laouen a dlefe, / 'N ur drugarekaat ha graet e bakadenn ; / Rak pegeit e c'heller, o tennañ war 'n neudenn, / Dale c'hoazh d'he zerriñ ? — « Perak 'ta klemm, den kozh ? »

1867
Daveenn : MGK p102-103

Kement-se a badas ken na'z eas ar wrimennad ouelec’hioù o c’hourizañ ar vro-Wenn, war-bouez strishaat, ker moan hag un neudenn pe ur vlevenn-blac’h, ken na zeuas ar vevenn en-dro da zouar mibien Vanos da gejañ ha da vont en unan gant bevenn bro an diavaezidi.

1923
Daveenn : SKET p.76-77

Laouenedigezh dispar, a-viskoazh, ar [v]ourkiz a oa bet eno en em unanet evit ren ur vuhez all, disheñvel, gweet gant un neudenn, neudenn arc’hantet an hunvreoù, hag an neudenn-se an holl Vretoned o deus hi kavet er c’havell, en pehini int bet luskellet gant kroz ar mor ha kanaouenn an avelioù.

1924
Daveenn : BILZ1 Niv. 47, p.1122 (Miz Du 1924).

A-hed ar pevar c’han kentañ ur glav-beuz a gouezhas war an douar ha war an dour ma n’en devoa Vindosetlos blevenn en e benn na neudenn en e doneg a gement na voe ket glebiet.

1924
Daveenn : SKET.II p.49

koll poell e neudenn

1931
Daveenn : VALL pg bourder (rester court)

koll e neudenn

1931
Daveenn : VALL pg bourder (rester court)

Ar fest-noz a oa c'hoazh goude, ha goude hanternoz, ar "Soubenn-Laezh". An daou bried, aet en o gwele, a rank dre vrav pe dre heg degemer un nebeut mignoned a zeu da ginnig dezho ur skudellad laezh, a zo tremenet un neudenn en tammoù bara anezhi.

1944
Daveenn : EURW.1 p.168-169

Hag a-hed an aodoù bevennet gant neudenn arc’hant an traezh, pet ha pet kêriadenn, ken skedus an damwel anezho ha ma ’z eo heson o anv : Pausilippo, Torre del Greco, San Sebastiano, Brindizi, Torre dell Annuziata, Sorrento !...

1954
Daveenn : VAZA p.140

Ha koulskoude sed amañ un draig hag e vefe mat kelenn da bephini [sic, bep hini], ha zoken d’ar jeneraled : Bez’ ez eus un neudenn diwelus o stagañ pep tra ar bed-mañ an eil ouzh egile e doare ma n’hell den moustrañ ur geotenn er prad hep gloazañ marteze ur steredenn gaer e pell-pellañ an neñvoù…

1955
Daveenn : VBRU p.32

Met d'ar Judaz, hep daleañ, / ' Vo krennet berr, gant tennoù puilh, / Neudenn re hir e vuhez truilh, / Rak e dorfejou ' rank paeañ !

1960
Daveenn : PETO p76

Urzh al lizherennoù

neud
anv hollek gourel
neudadur
anv-kadarn gourel

Gerioù a-raok

Gerioù da-heul

neudennañ
verb
neudenn-blom
anv-kadarn benel

Ofis publik ar brezhoneg

Lec'hienn internet
Darempred

Rouedadoù sokial

X
Facebook
Instagram
TikTok
Copyright © 2022 - 2026 - Ofis Publik ar Brezhoneg
Prevezded · Menegoù lezennel