Porched niverel ar brezhoneg
Ofis Publik ar Brezhoneg
brezhoneg
français
brezhoneg
français
Loazioù niverel
Geriadurioù
Meurgorf
Geriadur istorel ar brezhoneg
Diazoù roadennoù
KerOfis
Diaz lec'hanvadurezh TermOfis
Diaz termenadurezh
Korpusoù
Korpus testennoù Korpus kleved
Deskiñ brezhoneg
Desketa
Binvioù niverel
Treiñ
Troer an OPAB
Troer emgefreek embannet gant Ofis Publik Ar Brezhoneg Troer Google
Troer emgefreek embannet gant Google
Komz
Sintezenn
Sintezenn ar vouezh
Binvioù all
Fonetikelaer Skoueriekaer Silabifier Braille
Binvioù diavaez
Common Voice
Diaz roadennoù klevet LanguageTool
Difazier reizhskrivadur
Levraoueg
KDSK
Kreizenn Dafar Sevenadurel Keltiek
Teknologiezhioù ar yezh
Strategiezh niverel Kevelerien
Klask Gouzout hiroc'h Mammennoù Berradurioù

Meurgorf
Geriadur istorel ar brezhoneg

Dezverkoù all

pas
adverb

Distagadur

Stankter implij : 

Testeniekaet e : 
NDBF
GBAHE

Gerioù kar :
0

Termenadur :  Kuzhat an termenadur

PEMDEZ I. (e deroù ul lav.) 1. (dirak ul lav.) Termen a implijer da arboellañ displegadur ar verb er stumm nac'h en ur respont pe en ul lavared estl. prl. « Kit bremañ ! - Pas c'hoazh. » : « Kit bremañ ! - Na rit ket, nad it ket bremañ, gortozit un tamm. » « Pas diouzhtu ! » : na ra ket se diouzhtu ! « Mont mat a ra ? -Pas re holl. » : « Mont a ra mat ? - Ned a ket, ned a ket re holl a vat. » 2. (dirak un av. en ul lav. estl. prl.) Arabat. Pas pouezañ war ar maen-to. Me ho ped, pas mont da zimeziñ ! HS. na. II. (en ul lav. dizalc'h) A. 1. (da heul ar stl. met) Termen a implijer da zegas ul lavarenn ma vevenner resisoc'h ar pezh emeur o paouez geriañ en ur arboellañ implij ur verb displeget er stumm nac'h. Un tropad tud a oa met pas bernioù : un tropad tud a oa met ne oa ket bernioù. A-wechoù e veze loened da werzhañ met pas stank : a-wechoù e veze loened da werzhañ met ne veze ket kalz. 2. (kreñvaet gant ar stl. ha) Neket. E korn an tan e oa ha pas e lost an ti. B. (da heul ur paouezig) Termen a dalvez da zegas ul lavarenn ma tivanker ar pezh emeur o paouez lavaret. Ho tad-kozh a oa miliner, pas ho tad-kozh... ho tad-kuñv. III. (dirak un av. en un islav. diskuliañ) Chom hep. Goulennet em eus diganto pas debriñ re : goulennet em eus diganto chom hep debriñ re. Lavar dezho pas kaout aon : lavar dezho bezañ dizaon. & (goude an ar. evit) Mont a rae da guzhat evit pas gwelet ar baser. HS. na. IV. Rannyezh. Termen a implijer da lavaret eo faos ar pezh emeur o paouez goulenn, pe lavaret. « Brav eo an amzer ? - Pas. » : « Brav eo an amzer ? - N'eo ket. ». « Kompren a ra mat. - Pas. » : « Kompren a ra mat. - Ne ra ket. ». ES. ya. V. (implij. da ak.) Trl. Kozh. [1499] Ur pas : gwech ebet.

Skouerioù istorel : 
8
 Kuzhat roll ar skouerioù

Diskwel ar stummoù orin
Pellgargañ an holl skouerioù

Vertuzioù an Agnus Dei. / Ez chas brun an c'hurunoù [ec'h argas strak ar gurun], / Ez efas naet ar pec'hedoù, / Ez vir ouzh an tan pep manier, / Skaf ha lestr a cheñch [a sach] a zañjer, / Ez vir [e] pep tu ouzh marv subit, / Droukspered kre a chas kuit, / Ez spont sklaer an adverserien, / Ez rent soulas d'an wreg vrazez, / O tont da c'henel en gwel spes, / Ez ro grasoù, ez vir ouzh [drouk]chañs, / Pa en zouger gant reverañs. / A vent, nepred, na doutet pas, / ken din eo an bihan hag an braz.

1622
Daveenn : Do. p58

pas kalz

1732
Daveenn : GReg pg guere (Pas guères.)

e leal nann pas

1732
Daveenn : GReg pg (nenny) da (non pas da)

pas alies

1732
Daveenn : GReg pg guere (Pas guères souvent.)

Bout zo avaloù ? Pas pikol

1909
Daveenn : BROU p. 409 (grand ; au pays de Quimperlé il est adverbe et signifie beaucoup)

Penaos e rin 'ta ? Rak ne fell ket din bezañ kaset da skubeller, ne zeufent morse a-benn da naetaat al leukêr dirak an druvidobona diouzh delioù ar gwez ha feuilhennoù ar skolidi, pas memes gant ma balaenn blenchoù bezv dezhi ur pav kistin roman...

1992
Daveenn : EAZB p.129

Kelc'hiadoù tud, didrouz pe pas, kerzhadegoù diouzh an noz gant etivi, sevel leurenn un torfed e-giz ma vez gwelet er Stadoù-Unanet bevennet gant ur seizenn-surentez...

2015
Daveenn : DISENT p56

Bet oc'h en e guzulva? Pas c'hoazh.

2015
Daveenn : EHPEA p57

Etimologiezh

Grammtikalizet eo an termen-se diwar an anv-kadarn "paz" amprestet digant ar galleg "pas".

Urzh al lizherennoù

Parzheneg
lec'hanv
Parzieg
lec'hanv

Gerioù a-raok

Gerioù da-heul

pasaat
verb
pasadeg
anv-kadarn benel

Ofis publik ar brezhoneg

Lec'hienn internet
Darempred

Rouedadoù sokial

X
Facebook
Copyright © 2022 - 2025 - Ofis Publik ar Brezhoneg
Prevezded · Menegoù lezennel