Porched niverel ar brezhoneg
Ofis Publik ar Brezhoneg
brezhoneg
français
brezhoneg
français
Loazioù niverel
Geriadurioù
Meurgorf
Geriadur istorel ar brezhoneg
Diazoù roadennoù
KerOfis
Diaz lec'hanvadurezh TermOfis
Diaz termenadurezh
Korpusoù
Korpus testennoù Korpus kleved
Deskiñ brezhoneg
Desketa
Binvioù niverel
Treiñ
Troer emgefre
Troer emgefre e rouedadoù neuron Apertium
Troer emgefre Troer Google
Troer emgefre embannet gant Google
Komz
Sintezenn
Sintezenn ar vouezh
Binvioù all
Fonetikelaer Skoueriekaer Silabifier Braille
Levraoueg
KDSK
Kreizenn Dafar Sevenadurel Keltiek
Teknologiezhioù ar yezh
Strategiezh niverel Kevelerien
Klask Gouzout hiroc'h Mammennoù Berradurioù

Meurgorf
Geriadur istorel ar brezhoneg

Dezverkoù all

diframmañ
verb

Distagadur

Stankter implij : 

Testeniekaet e : 
NDBF
GBAHE

Gerioù kar :
1

Pellgargañ ar gerioù kar diframmet

Stummoù pleget : 
122
Diskwel ar stummoù pleget

Termenadur :  Kuzhat an termenadur

I. V.k.e. A. 1. Lakaat ub., udb. a-dammoù. Diframmet o deus e zilhad. Diframmañ a rejont an aoter. Diframmet o deus e gorf a-dammoù. 2. Ent strizh, gwechall Lazhañ ub. kondaonet d'ar marv dre lakaat pevar marc'h prl. da sachañ war e bevar ezel d'o distagañ diouzh e gorf bras. E ziframmet o deus etre pevar ejen. Klask a rejont pevar marc'h d'e ziframmañ. 3. Dre skeud. Diframmañ ub. : droukkomz diwar e benn. Diframmañ e nesañ. B. 1. Distagañ, regiñ udb. a-grenn pe en un doare feuls diouzh udb. all, diouzh ub. Diframmañ ul lagad diouzh penn ub. Diframmañ ur vrec'h, ur c'har diouzh ub. Diframmañ irvin diouzh an douar. Diframmañ ur vedalenn a-ziwar e vruched. Diframmañ bezhin diwar ar reier. 2. Dre ast. Tennañ udb., ub., en un doare feuls, kriz pe direizh digant ub., er-maez eus ul lec'h bennak. Diframmañ ub. eus skilfoù an Ankoù. Diframmañ ur vro digant tud. Diframmañ udb. a-dre daouarn ub. & Dre skeud. Biken ne vo diframmet ar brezhoneg eus ar c'horn-bro-mañ. II. V.g. 1. Distagañ a-grenn, en un doare feuls. Ar benveg-se ne droc'h ket, diframmañ a ra. 2. Dre skeud. Deredek, tec'hel er-maez. An dud a ziframme eus an tiez. III. V. rag. EN EM ZIFRAMMAÑ 1. V. em. Trl. En em ziframmañ a-dre daouarn ub. : tec'hel kuit a-dre daouarn ub. Ar yar en em ziframmas a-dre e zaouarn. 2. V. kenem. En em gannañ kriz. An daou baotr en em ziframme evel chas.

Skouerioù istorel : 
23
 Kuzhat roll ar skouerioù

Diskwel ar stummoù orin
Pellgargañ an holl skouerioù

diframmañ

1659
Daveenn : LDJM.1 pg tirer (par force)

diframmañ

1659
Daveenn : LDJM.1 pg arracher

diframmañ diouzh

1659
Daveenn : LDJM.1 pg echaper

diframmañ

1699
Daveenn : Har. pg diframmañ (tirer par force)

diframmañ

1732
Daveenn : GReg pg arracher, dejoindre, desunir (separer ce qui est joint ensemble), detacher (de force ce qui est bien attaché)

diframmet

1732
Daveenn : GReg pg arracher, dejoindre, desunir (separer ce qui est joint ensemble), detacher (de force ce qui est bien attaché)

biken na c'hellot o diframmañ

1850
Daveenn : GON.II pg diframma

diframmañ

1850
Daveenn : GON.II pg diframma, dichafrañta, diskolpa

diframmet

1850
Daveenn : GON.II pg diframma

diframmañ a rit va brec'h

1850
Daveenn : GON.II pg diframma

Flipata kreñv a reont ha c'hoari gant o beg / Oc'h [ouzh] kement a zo mat evit o diframmañ.

1867
Daveenn : MGK p73

Hep ur c'hriñsenn, Eripin kaezh, / E rankit, en ho stad, glaouriñ du gant an naon ; / Rak, evel ma ouzoc'h, dre ned eus razoc'h aon, / Ne c'hellit kaout kofad, na begad evit netra / : A daolioù skilf, pep tamm a rankit diframmañ[.]

1867
Daveenn : MGK p8

Diskaret o doa an Aotrou Krist binniget hag ar sent, diframmet o doa an aoter.

1878
Daveenn : EKG.II p.80-81

Kregiñ a reas neuze e Siluros en e c’houzoug, ken ma vennas hemañ tagañ, hag e tiframmas anezhañ diouzh Derkeia.

1923
Daveenn : SKET p.104

O diframmañ a rae a-dre an daouarnioù gadal o devoa o skrapet, e harze outo o embregerezh hudur ; neuze o digase en-dro d’an tan hag, o wareziñ anezho gant he c’horf, o difenne a-hed an noz, he gourgleze en he dorn.

1923
Daveenn : SKET p.114

Diframmañ a ray diouzhit da holl zilhad ha da skeiñ gant e vorzhol.

1924
Daveenn : SKET.II p.45

Ha diframmañ e bluennoù liv tan hag aour a gasont ganto da gellies a eñvorenn-drec’h.

1924
Daveenn : SKET.II p.51

Hemañ a ziframme tamm yeot ac’hann, tamm yeot alese, hag a save e benn ur wech an amzer da sellet en-dro dezhañ.

1924
Daveenn : BILZ1 Niv. 41, p.949 (Mae 1924)

Un taol-mor a deuas hag a gouezhas war ar Vran, a ziframmas ar c’habiten diouzh ar varrenn, hag a begas anezhañ ouzh al listenn, evurus ma n’eo ket aet er-maez. Semplet. Lakaet eo bet en e c’hourvez a-hed al listenn dic’hlaviet.

1925
Daveenn : BILZ2 p.171

diframmañ

1931
Daveenn : VALL pg arracher

Diframmañ a ray diouzh e galon an higenn zraenek, ha pa yafe an tamm ganti.

1949
Daveenn : SIZH p.59

En ur stourm enep ar Stad impalaerour dre ziframmañ diganti ar pezh a zo ret deomp da vevañ.

1980
Daveenn : BREM Niv. 0, p.5

Hini pe hini anezho a oa dezhañ ivez teuler evezh ouzh ar piked ha klotañ a rae mat gant ar gartenn (pa veze bet ur barr-glav bras bennak e c'hoarveze a-wechoù e veze bet diframmet unan bennak gant kas an dour), me a veze da drede ha diouzhtu em c'hichen e veze ar mwana o tougen ar plankenn-labour a veze warnañ diouzh un tu ar c'harned da verkañ an evezhiadennoù, ha diouzh an tu all ar gartenn hag a verked warni natur an danvez a veze bet kavet, hervez pe hini oa, ec'h implijed kreionoù liv, e doare kaout diouzhtu ur gwel dre-vras.

1985
Daveenn : DGBD p71

Etimologiezh

Termen savet gant ar rakger "di-", an anv-kadarn "framm" hag an dibenn-verb "-añ".

Urzh al lizherennoù

diframmadenn
anv-kadarn benel
diframmadur
anv hollek gourel

Gerioù a-raok

Gerioù da-heul

diframmer
anv-kadarn gourel
diframmerezh
anv hollek gourel

Ofis publik ar brezhoneg

Lec'hienn internet
Darempred

Rouedadoù sokial

Twitter
Facebook
Copyright © 2024 - Ofis Publik ar Brezhoneg
Prevezded · Menegoù lezennel