I. (db. an dud)
1. Zo skañv ha prim e fiñvoù.
Ur paotr dilu e izili. Daou baotr gwevn ha dilu. Ul loen dilu eo.
&
Bezañ dilu a gorf.
DHS. akuit, ampart.
HS. blim, bliv, dillo.
ES. lent, lopes.
2. Bezañ dilu a deod : bezañ distagellet brav, na vezañ luziet e gaoz.
3. (db. an dud)
Kuit a chastre.
Mar ne zimezez ket e vi bepred dilu ha didrouz. Diluoc'h e vezer pa vez ar c'henwerzh d'an-unan.
DHS. dichastre, didrabas.
II.
1. (db. al labourioù)
A vez graet dichastre.
Al labour a vez diluoc'h gant ar plac'h eget gant ar paotr.
DHS. aes, diboan, didorr.
2. (db. an hentoù)
Hep skoilh.
Un hent dilu.
DHS. aes.
