Porched niverel ar brezhoneg
Ofis Publik ar Brezhoneg
brezhoneg
français
brezhoneg
français
Loazioù niverel
Geriadurioù
Meurgorf
Geriadur istorel ar brezhoneg Alamaneg - Brezhoneg
Geriadur divyezhek herberc'hiet gant an OPAB
Diazoù roadennoù
KerOfis
Diaz lec'hanvadurezh TermOfis
Diaz termenadurezh
Korpusoù
Korpus testennoù Korpus kleved
Deskiñ brezhoneg
Desketa
Binvioù niverel
Treiñ
Troer an OPAB
Troer emgefreek embannet gant Ofis Publik Ar Brezhoneg Troer Google
Troer emgefreek embannet gant Google
Komz
Sintezenn
Sintezenn ar vouezh
Binvioù all
Fonetikelaer Skoueriekaer Silabifier Braille
Binvioù diavaez
Common Voice
Diaz roadennoù klevet LanguageTool
Difazier reizhskrivadur
Levraoueg
KDSK
Kreizenn Dafar Sevenadurel Keltiek
Teknologiezhioù ar yezh
Strategiezh niverel Kevelerien
Klask Gouzout hiroc'h Mammennoù Berradurioù

Meurgorf
Geriadur istorel ar brezhoneg

Dezverkoù all

dinec'h
anv-gwan

Distagadur

Stankter implij : 

Testeniekaet e : 
NDBF
GBAHE

Gerioù kar :
3

Pellgargañ ar gerioù kar dinec'het nec'h nec'het

Stummoù pleget : 
7
Diskwel ar stummoù pleget

Termenadur :  Kuzhat an termenadur

1. Doar./Stn. N'eo ket nec'het. Pa raen tan en ti-se ne veze ket dinec'h ma spered kennebeut. Ar vamm ne oa nemeur dinec'hoc'h eget ar vugale. Bezit dinec'h war gement-se. [1954] Met bez dinec’h ! da anv a vo war ar roll ; pec’hed e vefe war-zigarez un toullad gwenneien herzel ouzh un den yaouank eveldout da gas e studi da benn. & Trl. Ken dinec'h ha tra : dinec'h-holl. Stlepel a reas ar sac'hadoù er vag en-dro, ken dinec'h ha tra. 2. Adv. Hep bezañ nec'het gant tra. Dinec'h em eus bevet. [1877] Abalamour da se ne reas van ebet hag e kendelc’has da vale ken disoursi ha ken dinec’h evel pa vije bet en he zammig ti [...]. HS. dibreder, dichal, disoursi.

Skouerioù istorel : 
26
 Kuzhat roll ar skouerioù

Diskwel ar stummoù orin
Pellgargañ an holl skouerioù

dinec'h

1850
Daveenn : GON.II pg dinec'h (Sans inquiétude. Sans chagrin).

N'int ket c'hoazh dinec'h.

1850
Daveenn : GON.II pg dinec'h (Ils ne sont pas encore sans inquiétude).

« Betek-henn, emezi, hep kaout den em gwele / Em beus kousket dinec'h, a-drugarez Doue ! »

1867
Daveenn : MGK p56

« Va mignon paour, bete neuze / Arabat eo e vez dinec'h ! »

1867
Daveenn : MGK p44

Pa veze diskarget al lestrig ez ae ar vartoloded, ken dinec’h ha tra, d’ar porzh-mor, en u[l] lavaret n’oant nemet pesketaerien baour, distaolet war douar Bro-Saoz gant ur barr-gwallamzer.

1877
Daveenn : EKG.I. p.18

Soñjal a rae dezho e c’hellent bezañ dinec’h en ur chapel evel Santez Berc’hed, distro diwar pep hent-bras, pell diouc’h pep bourk.

1877
Daveenn : EKG.I. p.157

Ya, ya, bezit dinec’h ; gouiziek-meurbet eo ar skrivagner a gomzan deoc’h anezhañ.

1877
Daveenn : EKG.I. p.93

Pa weljomp ac’hanoc’h o vont war bennoù ho taoulin evit lavaret ho pedennoù, e voemp gounezet ganeoc’h, hag e teujomp kuit dinec’h.

1877
Daveenn : EKG.I. p.83

Ur wech aet er porzh ec’h ejont war-eeun war-zu ar gouent : gouloù a voe alumet ; edont e-tal dor al lec’h m’edo kousket ar venec’h, dinec’h evel kristenien ha n’o doa aon da gaout na rak an dud na rak Doue.

1877
Daveenn : EKG.I. p.39

Abalamour da se ne reas van ebet hag e kendelc’has da vale ken disoursi ha ken dinec’h evel pa vije bet en he zammig ti, a-us ar c’hae, o sellet ouc’h ar mor e porzh Konk.

1877
Daveenn : EKG.I. p.194

A ! ne fell ket dit, pezh lous, en ziguzhet deomp ! Bez dinec’h, ni er c’havo, ha dit-te e vezo gwashoc’h.

1878
Daveenn : EKG.II p.223

Al labourer kaezh, dispont, dinec’h, a skoe, gwellañ ma c’helle, taolioù trañch en douar evit kaout ur banezenn bennak.

1878
Daveenn : EKG.II p.183

An Itron Le Guen n’oa ket dinec’h, evit gwir ; evelato n’oa ket re nec’het kennebeut ; meur a wech [e] oa bet a-ziaraok, en he zi, furch ha klask da veleien, ha bep tro he doa gellet tennañ he spilhenn eus ar c’hoari.

1878
Daveenn : EKG.II p.223

Al labour-bemdez ker kalet bennak hag e ve, stourmad pep deiz-goulou, ken divrud bennak hag e vefe d’it da welout, dinec’h, dilaosk, diheug ha diglemm o c’hasi da vat, sart, laouen, en ur c’hoarzhin.

1924
Daveenn : SKET.II p.31

ken dinec'h ha tra

1931
Daveenn : VALL pg (sans la moindre) appréhension

Job : — « Ar voereb a zo aonik. » Lom : — « Bezit dinec’h ! Spontet e vo, pa glevo labous an Ankoù o c’hoari en-dro d’an ti. »

1944
Daveenn : ATST p.28

Met ne oan ket dinec’h, rak gouzout mat a raen e oa ur foz don etre ur soudard hag un ofiser, pa vezent en « uniform » an eil hag egile.

1944
Daveenn : EURW.1 p.202

Sevel mintin-mat, kargañ ar sac’h, choukañ bouetaj er bisac’h, gwin er bidon, ha mont dinec’h dre an hentoù bras en ur ganañ, gant Grandmoulin, ha Corvaisier, daou Roazhoniad hag a ouie ur bern sonioù skañv […].

1944
Daveenn : EURW.1 p.199

Treiñ ha distreiñ hep gallout kousket, ha klevout kalz o roc'hal : ar re-se a oa dinec'h.

1944
Daveenn : EURW.1 p33

Bezit dinec’h, mar doc’h a-du ganin trubuilh ebet n’ho po, me a c’houlenno aotre digant ar c’homandant hag an Aotrou Farigoul, ha mar degouezh deoc’h kavout ur skoilh bennak war hoc’h hent, deuit raktal d’am bete ha da neb a garo, emezañ gant e vouezh skrijusañ, e tiskouezin piv a zo mestr amañ ! »

1954
Daveenn : VAZA p.85

Met bez dinec’h ! da anv a vo war ar roll ; pec’hed e vefe war-zigarez un toullad gwenneien herzel ouzh un den yaouank eveldout da gas e studi da benn.

1954
Daveenn : VAZA p.68

Na, pa ne spontomp rak hor skeud / Ha, pa c'houzomp, 'tre gaou ha gwir, / Pezh ' zo dereat da zilenn, / E tibabomp dinec'h, bilen, / Ha n'ac'h eus mui da vevañ hir !

1960
Daveenn : PETO p76

Ma galvit dinec'h, pa vo tro, / Da sakramantiñ klañv pe gozh.

1960
Daveenn : PETO p23

Ne oamp ket dinec'h-dinec'h o pellaat eus an douar, rak ur pennad a oa e kleved ar gurun o krozal ; hag un dra fall e vije bet evidomp bezañ tapet gant ar gorventenn war an dour-digor, skuizh evel ma oamp deut da vezañ.

1985
Daveenn : DGBD p197

Kreñv ken-ha-ken int-i, ha dinec'h ez implijont o nerzh pa c'hoarvez ur barrad fulor gant ar bobl.

2015
Daveenn : DISENT p37

Kavet e vo gant Lambropoulos, bezit dinec'h.

2015
Daveenn : EHPEA p130

Urzh al lizherennoù

dinded
anv hollek benel
dinder
anv hollek gourel

Gerioù a-raok

Gerioù da-heul

dinec'het
anv-gwan
dinec'hiñ
verb

Ofis publik ar brezhoneg

Lec'hienn internet
Darempred

Rouedadoù sokial

X
Facebook
Copyright © 2022 - 2026 - Ofis Publik ar Brezhoneg
Prevezded · Menegoù lezennel