Porched niverel ar brezhoneg
Ofis Publik ar Brezhoneg
brezhoneg
français
brezhoneg
français
Loazioù niverel
Geriadurioù
Meurgorf
Geriadur istorel ar brezhoneg
Diazoù roadennoù
KerOfis
Diaz lec'hanvadurezh TermOfis
Diaz termenadurezh
Korpusoù
Korpus testennoù Korpus kleved
Deskiñ brezhoneg
Desketa
Binvioù niverel
Treiñ
Troer emgefre
Troer emgefre e rouedadoù neuron Apertium
Troer emgefre Troer Google
Troer emgefre embannet gant Google
Komz
Sintezenn
Sintezenn ar vouezh
Binvioù all
Fonetikelaer Skoueriekaer Silabifier Braille
Levraoueg
KDSK
Kreizenn Dafar Sevenadurel Keltiek
Teknologiezhioù ar yezh
Strategiezh niverel Kevelerien
Klask Gouzout hiroc'h Mammennoù Berradurioù

Meurgorf
Geriadur istorel ar brezhoneg

Dezverkoù all

diouer
anv-kadarn gourel

Distagadur

Stankter implij : 

Testeniekaet e : 
NDBF
GBAHE

Gerioù kar :
6
Diskwel ar gerioù kar

Stummoù pleget : 
5
Diskwel ar stummoù pleget

Termenadur :  Kuzhat an termenadur

I. H.g. A. 1. Ezvezañs eus udb. rekis. Kastizet e oa gant an diouer a bep tra. Tevel a reas ar brezel dre ziouer a vrezelourien. Diouer a vara zo. N'eus diouer a netra. & (dirak un ak. spizer) Diouer boued : diouer a voued. Semplaet eo gant an diouer boued. & Trl. Kaout diouer da, eus udb. : mankout an dra-se dezhañ. Diouer am boa da galz a draoù. Diouer am boa a c'houloù, setu ez aen da gousket abred. & Ober diouer d'ub. : mankout dezhañ. N'eo ket ijin na faltazi a ra diouer dezhañ. & Tr. adv. En diouer eus udb. : an dra-se o vankout. Petra 'vo graet en diouer a vinistred vat ? & Ent krenn Endra ma padas e arc'hant ne voe ket a ziouer. & Ober e ziouer : plegañ d'ar soñj e ranker tremen hep udb. Brav e vefe dezhañ ober e ziouer ha reiñ peoc'h ! 2. Dre ast. Stad udb. n'eus ket tra-walc'h anezhañ. Aet don o daoulagad en o fenn gant an diouer a gousket. & Tr. adv. Dre ziouer eus udb. : abalamour d'an dra-se da vezañ manket, da vezañ bet re nebeut anezhañ. N'en doa ket echuet e labour dre ziouer a amzer. 3. Stad ub. a vank udb., traoù rekis dezhañ. M'en em gavit en diouer, goulennit sikour ! Emañ en diouer a bep tra. & Ent krenn Dienez. Saotret ar vro gant an diouer hag ar baourentez. An diouer en deus lakaet stad an dud da vezañ ken truezus. B. (db. an dud) Ezvezañs, marv ub. a c'houzañver. Bras eo an diouer anezhañ. & Kaout, kavout diouer d'ub. : gouzañv ezvezañs, marv ub. Diouer am beze da'm mamm pa'z ae kuit. Diouer en doa d'e vuiañ-karet. Anna, kollet ganti he breur, a gavas diouer dezhañ. II. G. Marv ub. e-keñver ar glac'har a vez d'e heul. Un diouer aes : aes da c'houzañv. Ur gwall ziouer, un diouer bras : poanius, glac'harus-tre. & (en e furm lies) Pa vez erru an den d'an oadoù-se e vez dioueroù aes. [2015] Gouzañv dioueroù.

Skouerioù istorel : 
20
 Kuzhat roll ar skouerioù

Diskwel ar stummoù orin
Pellgargañ an holl skouerioù

an diouer

1732
Daveenn : GReg pg excedant (le surplus)

En diouer e vev pell zo.

1850
Daveenn : GON.II pg diouer (Il vit dans la privation depuis longtemps).

An diouer a root d'ar paour.

1850
Daveenn : GON.II pg diouer (Vous donnerez l'excédant, le superflu au pauvre).

diouer

1850
Daveenn : GON.II pg diouer (En Van.) (Privation, perte, absence, manque d'un bien, d'un avantage. Manquement des choses nécessaires. Abstinence. De plus, superflu. Superfluité, abondance vicieuse. Excédant, ce qu'il y a de trop).

diouer

1850
Daveenn : GON.II pg diouer (Privation, perte, absence, manque d'un bien, d'un avantage. Manquement des choses nécessaires. Abstinence. De plus, superflu. Superfluité, abondance vicieuse. Excédant, ce qu'il y a de trop).

Eno ivez ’ta, e kav din, e vioc’h kuzhet mat ha n’ho pezo ket re a ziouer.

1877
Daveenn : EKG.I. p.47

diouer

1909
Daveenn : BROU p. 226

diouer

1931
Daveenn : VALL pg absence (privation), besoin

diouer a zo anezhañ

1931
Daveenn : VALL pg (on en sent le) besoin (l'absence)

diouer kig

1931
Daveenn : VALL pg abstinence (des jours maigres)

Bez' e respontor e c'hell an diskleriadur talvezout izeloc'h ivez: marteze ez eus eno kompezennoù sersoc'h ha koshoc'h c'hoazh, peurzianav en abeg d'an diouer a sontadegoù.

1943
Daveenn : TNKN p71

D'an 11 a viz Meurzh 1903, Celtia a zigoras ur gest etre he mignoned evit sikour pesketourien Vreizh-Izel, paouraet gant an diouer sardined.

1944
Daveenn : EURW.1 p.187

Pedet e oan gant Llew Wynne da vont da Eisteddvod Liverpool, met an diouer arc'hant am dalc'has er gêr.

1944
Daveenn : EURW.1 p.157

Roperh er Mason : "Karet eo Enez ar rod gant ma bugale hag o mignoned, ar pezh a ziskouez e kaver diouzh sour, er romant-se, ar faltazi virvidant hag ar vuhez puilh a blij d'ar re yaouank hag a ra diouer ken alies d'ar re gozh.

1949
Daveenn : KABA p. 4

Pa varv unan bennak, kar ha par, diaezet, / Gant an diouer arc'hant, a lâr ez int paour-razh / Hag e chom ar person hep ar gopr disterañ / 'Vit pedennoù ar c'hañv, salmoù ha Libera.

1960
Daveenn : PETO p32

Hag a se e voemp buan lezet hon-unan, rak V.H. a yeas kuit gant al lestr kentañ evit mont etramek ar C'hongo evit tuta evidomp, hag evit re all hag a oa diouer ganto ivez.

1985
Daveenn : DGBD p45

Neuze ur familh am eus bet, meur a hini : tud a iliz, ha bremañ an Emsav, hag an arme, a oa kentoc'h ur frammadur hepken, dre ziouer a garantez.

2007
Daveenn : KASTE p. 151

Aet e oa an traoù difonn war-raok dre-benn da ziaesterioù a bep seurt moarvat hag a c'haller kontañ en o zouez, an diouer a arc'hant, ar vosenn, ar brezel - brezel hêrezh Breizh.

2013
Daveenn : LLMM Niv. 399, p. 7

Deuet e oan a-benn, goude gouzañv dioueroù hag ober labourioù degouezhel, da studiañ an henoniezh ha goude ar binvioù klev-gwel.

2015
Daveenn : EHPEA p397

En em zibab a ra Adrianí evit na vije diouer a netra er gêr hag ivez, ouzhpenn, da beurdogañ ar bern evit prenadennoù Katerina.

2015
Daveenn : EHPEA p25

Notennoù studi

Roet eo ar stumm "diover" evel ur stumm eus Bro-Wened e GON.II.

Urzh al lizherennoù

diouennet
anv-gwan
diouennus
anv-gwan

Gerioù a-raok

Gerioù da-heul

diouerañs
anv-kadarn
diouerenn
anv-kadarn benel

Ofis publik ar brezhoneg

Lec'hienn internet
Darempred

Rouedadoù sokial

Twitter
Facebook
Copyright © 2024 - Ofis Publik ar Brezhoneg
Prevezded · Menegoù lezennel