Titouroù all war al lec'hanv

Un anv-lec'h brezhonek a gaver e meur a lec'h e Breizh eo Peuñvrid, dindan stummoù muioc'h emdroet er c'hornôg, darn o vezañ anvioù kumunioù ivez : Pañvrid-ar-Beskont/Pommerit-le-Vicomte, Peurid-ar-Roc'h/Pommerit-Jaudy, Purid-Kintin/Peumerit-Quintin... Diwar Pomerid eo savet (< "Pomeratum" e latin), ur ger a dalveze evit ur werjez gant gwez ront o frouezh da gentañ, hag un avaleg (lec'h zo gwez-avaloù) goude end-eeun. Al lostger -id a dalvez da verkañ un dastumad bennak. Kavet e vez anezhañ e kalzig a anvioù-lec'h brezhonek, da-heul anvioù plant pe frouezh, evel Beuzid diwar Beuz, Kerezid, Kistinid...