Porched niverel ar brezhoneg
Ofis Publik ar Brezhoneg
brezhoneg
français
brezhoneg
français
Loazioù niverel
Geriadurioù
Meurgorf
Geriadur istorel ar brezhoneg
Diazoù roadennoù
KerOfis
Diaz lec'hanvadurezh TermOfis
Diaz termenadurezh
Korpusoù
Korpus testennoù Korpus kleved
Deskiñ brezhoneg
Desketa
Binvioù niverel
Treiñ
Troer emgefre
Troer emgefre e rouedadoù neuron Apertium
Troer emgefre Troer Google
Troer emgefre embannet gant Google
Komz
Sintezenn
Sintezenn ar vouezh
Binvioù all
Fonetikelaer Skoueriekaer Silabifier Braille
Levraoueg
KDSK
Kreizenn Dafar Sevenadurel Keltiek
Teknologiezhioù ar yezh
Strategiezh niverel Kevelerien
Klask Gouzout hiroc'h Mammennoù Berradurioù

Meurgorf
Geriadur istorel ar brezhoneg

Dezverkoù all

dispegañ
verb

Distagadur

Stankter implij : 

Testeniekaet e : 
NDBF
GBAHE

Gerioù kar :
0

Adstummoù istorel pe rannyezhel testeniekaet : 
1
Diskwel an adstummoù

Stummoù pleget : 
122
Diskwel ar stummoù pleget

Termenadur :  Kuzhat an termenadur

I. V.k. A. V.k.e. DISPEGAÑ UDB. DIOUZH UDB. ALL. 1. Lemel, tennañ udb. diouzh udb. all ma oa peget. Dispegañ paper diouzh ar voger. ES. pegañ. 2. Dre ast. Distagañ. Dispegañ brennig diouzh ar mein. Dispegañ a reas goustadik gwrizioù ar wezenn diouzh an douar. 3. Tennañ udb. eus al lec'h m'emañ dalc'het, sanket, h.a. Dispegañ e dreid diouzh al lec'hid. Dispegañ a reas an higenn diouzh ar pesk. & Dre skeud. Huanadiñ ha klemm a rae evit dispegañ ur gwenneg bnk. diouzh o yalc'h. 4. Pemdez (db. an taolioù) Darc'haouiñ. Hennezh a zispege bazhadoù pa skoe. [1924] [U]r grabanad en deus tapet, ha dispeget mat, m’en asur deoc’h. HS. distagañ. 5. Trl. skeud. Na zispegañ e zaoulagad diwar ub., udb. : o delc'her warnañ. Ar c'hi ne zispege ket e zaoulagad diwar an den. 6. V.k.e. (db. ar yezhoù) Distagañ. Na dispegañ mat a ra yezh ar vro ! B. V.k.d. 1. DISPEGAÑ DIOUZH UDB. : tennañ e zorn diwar ar pezh a zalc'her pe diwar ar pezh en em zelc'her outañ. Dispegit diouzh ma dorn mar plij. N'emaout ket er skol ! a lavaras din, en ur zispegañ diouzh ma brec'h. O tispegañ diouzh an aspled e riklas a-hed an aros. Ar bleiner ne zispege ket diouzh ar rod-stur. & Dre skeud. Dispegañ diouzh e beadra, e zanvez : dilezel e vadoù. 2. DISPEGAÑ DIOUZH UB. : tennañ e zorn diwar ar pezh a zalc'her pe diwar ar pezh en em zelc'her outañ. C'hoant hoc'h eus da dec'hel diouzhin met me ne zispegin ket diouzhoc'h ! & Tr. estl. Pemdez Dispeg diouzhin ! : lez ac'hanon e peoc'h. II. V.g. 1. Diskregiñ. Mar ne lakaez nemet begoù da dreid war bizhier ar skeul, emaout e riskl da zispegañ ha da gouezhañ. 2. Mont kuit diouzh udb. all ma oa peget, staget. Ar patatez-mañ ne zispegont ket diouzh ar gaoter. 3. Dre ast. Mont diwar-dro, pellaat. Ar mor n'en deus ket dispeget diouzh ar bili. 4. Dre skeud. Kaout an dizober eus udb. Honnezh a vo pell o tispegañ diouzh an diaesterioù-se. 5. Paouez gant ul labour, un afer, h.a. Diwall da zispegañ re abred. 6. Dre skeud. (db. ar c'hleñvedoù, ar santadoù) Mont kuit diwar ub. Ur gomz vil chomet peg ouzh ma c'halon ha na zispego biken. Kleñvedoù ha na zispegont ket. III. V. em. 1. EN EM ZISPEGAÑ DIOUZH UDB. : e zilezel. Kregiñ a reer ennañ met eñ en em zispeg eus e vantell hag a dec'h kuit. 2. EN EM ZISPEGAÑ DIOUZH UB. : en em dennañ a-dre e zaouarn. Fouge a oa enno da vezañ gallet en em zispegañ kerkoulz marc'had diouzh un den ken rust.

Skouerioù istorel : 
17
 Kuzhat roll ar skouerioù

Diskwel ar stummoù orin
Pellgargañ an holl skouerioù

dispegañ diouzh

1659
Daveenn : LDJM.1 pg decrocher

dispegañ

1659
Daveenn : LDJM.1 pg d[e]mordre

dispegiñ

1732
Daveenn : GReg pg demontrer (montrer clairement & evidemment)

dispeget

1732
Daveenn : GReg pg demontrer (montrer clairement & evidemment)

ne zispeg ket aes

1732
Daveenn : GReg pg (il est dur à la) desserre

dispegañ

1732
Daveenn : GReg pg demordre

an ifern kriz ha kruel ne zispeg nepred eveus ar pezh en devez ur wech lonket

1732
Daveenn : GReg pg (l') enfer (impitoïable ne rend jamais ce qu'il a une fois pris)

Skrimpañ a rejont buan war ar c’hleuz ; mes p’edont o tiskenn en tu all, soudanenn an Aotrou Breton a spegas ouc’h ur c’hef derv hag en dalc’has a-ispilh. Filip a rankas dont en-dro d’en dispegañ, hag, e-pad keit-se, ar soudard a c’hounezas kement warnezho, ma n’edo ket ouc’hpenn kant paz ken war o lerc’h.

1877
Daveenn : EKG.I. p.303

Fouge enno o vezañ gellet en em zispegañ kerkoulz marc’had diouc’h un den ker rust ha ker garv hag an Aotrou Breton, ha bremañ leun o godelloù a arc’hant, ar soudarded a ya laouen war-zu Kleder.

1877
Daveenn : EKG.I. p.247

Evel-se ne voen ket pell evit dispegañ ar skeul dioc’h an ti ha dont ganti en-dro.

1878
Daveenn : EKG.II p.50

Furchal a rae en e eñvor, hag ac’hane e tispege tra pe dra : ur gaoz, un divinadell, un ouidell.

1924
Daveenn : BILZ1 Niv. 41, p.944 (Mae 1924)

Darn all, tort a bep tu, kamm, jilgamm, penngamm, a jale, a huanade, a glemme, a derme gwashoc’h-gwazh an eil eget egile, evit dispegañ diouzh yalc’h ar belerined un diner, ur gwennegig bennak marteze.

1924
Daveenn : BILZ1 Niverenn 40, p.898 (Miz Ebrel 1924)

Ar mor a led e wagennoù war an traezh, a astenn e divrec’h en-dro d’ar ger[r]igi, d’ar bili ; kelc’hañ a ra al listri, an taolioù-mor a strop o mogerioù, a freg warne, nebeut ha nebeut [,] tamm ha tamm e tispegont an traezh eus ar vein, ar mor a sav, strinkañ a ra, lammet a ra er bagoù, disjuntrañ a ra an tourioù.

1924
Daveenn : BILZ1 Niv. 47, p.1123 (Miz Du 1924).

E gomz n’oa ket gantañ peurechuet, ma oa dorn Bilzig war e jod ; ur grabanad en deus tapet, ha dispeget mat, m’en asur deoc’h.

1924
Daveenn : BILZ1 Niv. 43-44, p.1021 (Gouere-Eost 1924)

Ac’hane betek ar gourlen, an daou baourkaezh archer o deus bet trawalc’h da ober evit dispegañ o zreid pounner diouzh an traezh lec’hidus, gleb ha gwak.

1925
Daveenn : BILZ2 p.131

Evurus, sioul, ec’h event o bannac’h gwin-ardant en osteleri ; evurus e c’houzañvent ar joausted a save a-nebeudoù war o spered hag a zispege diwar o c’halon ar moustrer a oa bet darbet dezhañ o mougañ.

1925
Daveenn : BILZ2 p.113

Ur wech echu al labour-se e vije aes heuliañ ar c'hefioù hag o dispegañ diouzh ret.

1985
Daveenn : DGBD p183

Urzh al lizherennoù

dispas
verb
dispeg
anv-gwan

Gerioù a-raok

Gerioù da-heul

dispelc'hiñ
verb
dispell
anv hollek gourel

Ofis publik ar brezhoneg

Lec'hienn internet
Darempred

Rouedadoù sokial

Twitter
Facebook
Copyright © 2024 - Ofis Publik ar Brezhoneg
Prevezded · Menegoù lezennel