kemenn

quemenn

kemennet

quemennet

kemenn

quemen

Grit kement a vezo kemennet deoc'h.

Grit kémeñd a vézô kémenned d'é-hoc'h.

kemennañ

kémenna

kemennet

kémennet

kemenn

kémenn

Rak kemennet em eus d'am faotred ne raje hini drouk deoc'h, ha mar hoc'h eus sec'hed, it da gaout ar podoù, hag evit eus an dour a ev ma faotred.

Rak kémenned em eûz d'am paotred [sic] né razé hini drouk d'é-hoc'h, ha mar hoc'h eûz sec'hed, id da gaoud ar pôdou, hag évid eûz ann dour a év va faotred.

Kemennit an dra-se dezhañ.

Kémennid ann drâ-zé d'ézhañ.

E-pad ma vezi e Brest o lakaat pep tra en urzh evit da lestr, me a gemenno an Aotrou Poullaoueg, a lavaro dezhañ petra a ranko da ober, a zigaso ganen a-damm-a-damm ar pezh en devezo c’hoant da gas gantañ hag a c’hello dont ganen.

Epad ma vezi e Brest o lakaat pep tra en urz evit da lestr, me a gemenno an Aoutrou Poullaouec, a lavaro d’ezhan petra a ranko da ober, a zigaso ganen a damm-a-damm ar pez en devezo c’hoant da gas ganthan hag a c’hello dont ganen.

Kemenn d’ar C’higer ez eus e Kermabrouz, e parrez Koadout, loened lart da ziskar a-benn ma teuy gouelioù Pask.

Kemenn d’ar C’higer ez euz e Kermabrouz, e parrez Koadout, loened lard da ziskar a-benn ma teui goueliou Pask.

O welet e rae ar skouarn vouzar, pe marteze, evit lavaret gwell, o welet e rae goap eus ar c’hentelioù a ganed dezhañ, Andre ar Pontoù, an hini a oa e penn ar chouanted er c’horn-se eus ar vro, a gemennas d’e holl dud en em gaout, un nozvezh, e koad Tonkedeg, e tu ar sav-heol, el lec’h ma’z eus ur vengleuz hag a ya don a-zindan an douar.

O velet e rea ar skouarn vouzar, pe marteze, evit lavaret guell, o velet e rea goab euz ar c’hentelliou a ganet d’ezhan, Andre ar Ponthou, an hini a ioa e penn ar chouanted er c’horn-ze euz ar vro, a gemennaz d’he oll-dud en em gaout, eun nosvez, e koat Tonkedek, e tu ar zao-heol, el leac’h ma’z euz eur vengleuz hag a ia doun azindan an douar.

E-feson e oa c’hoant bras da lakaat ar graban war an Aotrou Poullaoueg, rak, evel n’her c’haved ket e Lokournan, e voe kemennet da ur vanden all a soudarded dont eus a Vrest da sikour furchal kement kogn a yoa er vro, adalek Konk betek Gwitalmeze.

E fesoun oa c’hoant braz da lakaat ar graban var an Aoutrou Poullaouec, rak, evel n’her c’havet ket e Lokournan, e oue kemennet da eur vanden-all a zoudardet dont euz a Vrest da zikour furcha kement kougn a ioa er vro, adalek Konk beteg Guitalmeze.

Anaout a rae e varv, evit gwir, rak kemennet e oa bet dezhi penaos e oa marvet ha pe zeiz e oa bet lakaet er bez ; hag hi hag he c’hoarezed leanezed o doa pedet Doue a-galon evit peoc’h e ene.

Anaout a rea he varo, evit guir, rak kemennet oa bet d’ezhi penaoz oa marvet ha pe zeiz oa bet lakeat er bez ; hag hi hag he c’hoarezed leanezed o doa pedet Doue a galoun evit peoc’h he ene.

— Mat, neuze klaskomp hon tro pep hini eus e du : an hini a gavo un dro vat da gentañ a gemenno d’egile, ha bezomp sioul war gement-mañ.

— Mad, neuze klaskomp hon tro pep hini euz he du : an hini a gavo eun dro vad da genta a gemenno d’egile, ha bezomp sioul var gement-man.

Eo gourc’hemennet d’an holl hucherien kemennet evit se lakat ober ar varnedigezh-mañ, da bep komandant ha da bep ofiser ar galloud publik kennerzhañ, pa vezint goulennet hervez al lezenn, d’ar gomiserien eus ar galloud da genveilhat.

Eo gourc’hemennet d’an oll hucherien kemennet evit-se lakat ober ar varnedigez-man, da bep kommandant ha da bep ofiser ar galloud publik kennerza, pa vezint goulennet hervez al lezenn, d’ar gommiserien euz ar gallout da genveillat.

Mes e verourien en deus kemennet mat, hag ober a raint evidomp ar pezh a c’hellint da ober.

Mez he verourien en deuz kemennet mad, hag ober a raint evidomp ar pez a c’hellint da ober.

Abalamour da se, bep tro ma kleve hanv a soudarded da zont er vro, e kemenne d’an Aotrou Kalvarin, hag e lavare dezhañ e pe du ez aent.

Abalamour da-ze, bep tro ma kleve hano a zoudarded da zont er vro, e kemenne d’an Aoutrou Calvarin, hag e lavare d’ezhan e pe du ez eant.

Komzoù da roue, tarv ar C’huzh-heol, kemenn anezho da'z preudeur, da'z pugale, da'z touarened, ha ma tremenint a-rumm-da-rumm betek an deiz diwezhañ.

Komzou da roue, taro ar C’huz-heol, kemenn anezo d’az preudeur, d’az pugale, d’az touarened, ha ma tremenint a-rumm-da-rumm beteg an deiz diweza.

Mat e ve kemenn da Gamula emañ he mab yac’h ha salv etre daouarn tud vat. — Hag e ve ! eme an doue.

Mat e ve kemenn da Gamula eman he mab yac’h ha salo etre daouarn tud vat. — Hag e ve ! eme an doue.

War ar roc’h he zri fenn edo en o sav teir garan an diwezhañ Kelenn (1). Pa weljont ar vag o nesaat, e tigorjont o beg da safariñ a-bouez-penn. Kemenn a rejont en o yezh d’ar paotr yaouank mont war e giz...

War ar roc’h he zri-fenn edo en o sav teir garan an diweza Kelenn (1). Pa weljont ar vag o nesaat, e tigorjont o beg da safari a-bouez-penn. Kemenn a rejont en o yez d’ar paotr yaouank mont war e giz...

— N’o c’huita ket, n’o zilez ket ! a gemenne Izabel d’ar paotr. Ro he sugell da Gatellig… gwisk e zilhad da Yannig… ha taol evezh mat dezho… Diwall anezho !…

— N’o c’huita ket, n’o zilez ket ! a gemenne Izabel d’ar pôtr. Ro he sugell da Gatellig… gwisk e zilhad da Yannig… ha tôl evez mad d’ê… Diwall anê !…

— Distagit ar chas war ar forean-mañ ! a gemennas an aotrou d’e vitizhien.

— Distagit ar chas war ar forean-man ! a gemennas an ôtrou d’e vitizien.

kemenn a reas da… dont

kemenn

kemenn un dra da ub.

kemenn eun dra da u. b.

Er Grennamzer, ar vrezelourien a zalc’he an dosenn, a gemenne an holl vro.

Er Grenn-Amzer, ar vrezelourien a zalc’he an dosenn, a gemenne an holl vro.

Da zibenn 1871, kamp Conlie a voe stlabezet, ha ma zad, c'hoant dezhañ brezeliñ hag ober un dra bennak a dalvoudus [sic, dalvoudegezh], a yeas gant e gompagnunezh da ginnig e servijoù d'ar jeneral Cathelineau, a oa o kemenn en Añje war ur c'horf savet gantañ, e anv « Les Volontaires de Cathelineau », stag ouzh arme al Loire.

Da zibenn 1871, Kamp Conlie a voe stlabezet, ha ma zad, c'hoant d'ezañ brezeli hag ober eun dra benak a dalvoudus, a yeas gant e gompagnunez da ginnig e servijou d'ar Jeneral Cathelineau, a oa o kemenn en Angers war eur c'horf savet gantañ, e ano « Les Volontaires de Cathelineau », stag ouz arme al Loire.

Esaet hor boa istribilhañ ur banniel triliv, gant u[n] herminig du brodet er gwenn anezhañ, ouzh ar prenestr, met ar bolis a oa deut da gemenn en tennañ, "rak", emezi, "difennet e oa lakaat en diavaez bannieloù gall triliv gant arouezioù warno, evel herminigoù, flourdelizoù [sic], Kalonoù-Sakr-a-Jezuz, hag all...".

Esaet hor boa istribilha eur banniel triliou, gant eur herminig du brodet er gwenn anezañ, ouz ar prenestr, met ar bolis a oa deut da gemenn hen tenna, "rak", emezi, "difennet e oa lakaat en diavaez bannielou gall triliou gant aroueziou warno, evel herminigou, flourdelizou [sic], Kalonou-Sakr-a-Jezuz, hag all...".

Mouezhioù rok a gemenne : « Dre amañ ! Ar soudarded yaouank d’hor c’haout ! En em renkit pevar ha pevar, ha buan ! Hallo ! Un tamm hast, bandenn « bleuien ! » Ni ho tesko da stlejal ho potoù… »

Moueziou rok a gemenne : « Dre amañ ! Ar soudarded yaouank d’hor c’haout ! En em renkit pevar ha pevar, ha buan ! Hallo ! Eun tamm hast, bandenn « bleuien ! » Ni ho tesko da stlejal ho potou… »

Ha Job a zeredas buan eus an armel d’ar gwele. Job avat, a redas adarre d’an armel, goude m’en devoe kemennet da Lom pasaat ha toc’hellat e-leizh e c’hourlañchenn.

Er venec'h eo e soñje Hor Salver, pa gemennas d'ar paotr yaouank pinvidik : - Mar fell dit bezañ savetaet, dilez da vro, da gerent, da deñzorioù, ha deus d'am heul !

N'eo ket gant al langiz [sic, langis] e oa ar breur Arturo, gant an hiraezh, ar c'hleñved-se, a vez kemennet d'ar gloer yaouank disfiziout dioutañ, peogwir e sav diwar an Drouk-Spered.

Unan eus reolennoù ar gouent a gemenne e vije fiziet er yaouankizoù-se, a oa da vezañ ministred an Aotrou Doue, da lavarout eo ar vegenn eus ar Gristenienn, pep a sizhuniad labourioù izel, da voazañ o c'halonoù ouzh ar sentidigezh hag an izelegezh.

Ne oant ket hanter hent pa zeuas en arbenn dezho ur vaouez, herr warni, pedet gant va mamm-gozh da vont di da gemenn ar c'heloù : "goût ' ouzomp, va flac'h, eme va zonton Loeiz, bet INT dija du-mañ".

Ne oant ket hanter-hent pa zeuas en arbenn dezho ur vaouez, herr warni, pedet gant va mamm-gozh da vont di da gemenn ar c'heloù : "gout' ouzomp, va flac'h, eme va zonton Loeiz, bet INT dija du-mañ".

Kemennet en devoa ’ta d’e vab, ar priñs danvez roue, da zegemer Fallières eus e berzh ha da bediñ ar c’hozhiad da vont davetañ da ziskuizhañ e-pad un toullad devezhioù.

Kemennet en devoa ’ta d’e vab, ar priñs danvez-roue, da zegemer Fallières eus e berzh ha da bediñ ar c’hozhiad da vont davetañ da ziskuizhañ e-pad un toullad devezhioù.

A-benn ar fin, p’en deveze d’ober ganin ne c’houlenne ket Thierry gozh : « Pelec’h emañ ar soner Trémel ? » ha dont a rae gantañ evel-henn : « Kemennit, mar plij, da Elle est morte diskenn davedon rak c’hoant am eus da c’houzout digantañ petra emañ e-sell da ziskouez dimp bremaik ».

A benn ar fin, p’en deveze d’ober ganin ne c’houlenne ket Thierry gozh : « Pelec’h emañ ar soner Trémel ? » ha dont a rae gantañ evelhen : « Kemennit, mar plich, da Elle est morte diskenn davedon rak c’hoant am eus da c’houzout digantañ petra emañ e sell da ziskouez dimp bremaik ».

Kemennet e voe kerkent all da Vrest kas dimp rag-eeun ur soner all e lec'h an hini aet ken buan da Anaon ha kavout a rejomp hennezh ouzh hor c'hortoz e Fort de France.

Kemennet e voe kerkent all da Vrest kas dimp rag-eun ur soner all e lec'h an hini aet ken buan da anaon ha kavout a rejomp hennezh ouzh hor c'hortoz e Fort de France.

Diwar neuze e krogas da vesteodiñ… ya… skoet e vez gant an namm-se adal ma tegouezh dezhañ kejañ gant tud ne vez ket kustum diouto. Met gwelout a reot, Aotrou, seul dommoc’h en em rayo diouzhoc’h ha seul brimoc’h e tremeno dezhañ ; a-raok pep tra e tleen evelkent kemenn deoc’h e pe stad emañ va bugel paour, betegouzout na vefec’h souezhet gantañ ar wech kentañ.

Diwar neuze e krogas da vesteodiñ… ya… skoet e vez gant an namm-se adal ma tegouez dezhañ kejañ gant tud ne vez ket kustum diouto. Met gwelout a reot, Aotrou, seul dommmoc’h en em rayo diouzhoc’h ha seul brimoc’h e tremeno dezhañ ; araok pep tra e tleen evelkent kemenn deoc’h e pe stad emañ va bugel paour, betegouzout na vefec’h souezhet gantañ ar wech kentañ

Ul labour start am boa da voulc’hañ er mare-se : kemenn da Soaz Sapeur e tleje dougen kañv d’an holl gestell savet ganti el loar a-zivout dazont he mab-bihan, peogwir ne vanje ket hemañ da vevañ daveti e skeud hec’h iliz[-]parrez, rak n’eo ket hepken da Briel e troje kein, met ivez da Vreizh, ha zoken da Vro-C’hall, evit skampañ – ar c’honifl anezhañ – da Voskov, e Rusia, ur vro n’he devoa tanfoeltr biskoazh klevet ober anv diouti.

Hi eo a zeuas, dre guzh d'ar re-mañ, ha goude ma voe bet lazhet ganto ar Predour, mestr-skol en Edern, ha Gorager, person touer parrez Brieg, da gemenn d'an David pe venoz o devoa graet diwar e benn. Person Goezeg n'he c'hredas ket hag, e-lec'h tec'hout da guzhat, a chomas en e bresbital. Kavet e voe eno gant e vuntrerien hag e kollas evel-se e vuhez.

Hi eo a zeuas, dre guz d'ar re-mañ, ha goude ma voe bet lazet ganto ar Predour, mestr-skol en Edern, ha Gorager, person touer parrez Brieg, da gemenn d'an David pe venoz o devoa grêt diwar e benn. Person Goezeg n'he c'hredas ket hag, e-lec'h tec'hout da guzat, a chomas en e bresbital. Kavet e voe eno gant e vuntrerien hag e kollas evel-se e vuhez.

Met, da gemenn ho kweladenn, / 'Z an d’an iliz, 'n ur redadenn.

Met, da gemenn ho kweladenn, / 'Z an d’an iliz, 'n eur redadenn.

Ya, kounnar zo ennomp, kounnar-ruz o klevet prezegennoù-beleien distaget e galleg fraezh evit kemenn deomp e oa ret saveteiñ hor yezh.

Kentañ tra en devoe ar c'heginer da gemenn din diouzh ar mintin eo e oa bet teir yar lazhet en o c'hlud.

Ha bewech ma tistroen gant an danvez e veze ur baperenn all, a gemenne din e zaskoriñ peogwir ne oa ket pur, hag un urzhiad nevez a oa evit ur pourvezer all.

"Kemenn an Hennadiñ," a lavaran da zDermitzakis.