Dezverkoù all

Distagadur

Stankter implij : 

Testeniekaet e : 
GBAHE

Gerioù kar :
0

Stummoù pleget : 
6
Diskwel ar stummoù pleget

Termenadur :  Kuzhat an termenadur

1. Damc'holoet a darchoù (a bep seurt liv prl.). Pesked marellet. He sae a oa marellet a wad. Foenneier marellet gant bokedoù kaer. & Dre ast. Ul liorzh marellet-kaer : leun a vleunioù. 2. Goloet a draezoù liesliv. Ur vantell marellet a vein prizius. 3. Dre zismeg (db. an dud) Lec'hiet er c'hreiz war an dachenn bolitikel. Ruz, gwenn ha marellet. Amañ n'anavezomp ket an traoù marellet. DHS. pechar. 4. (db. an amzer) Marellet eo an amzer : cheñch-dicheñch.

Skouerioù istorel : 
23
Kuzhat roll ar skouerioù

marellet

1659
Daveenn : LDJM.1 pg diapré, marqueté

marellet

1732
Daveenn : GReg pg diapré (ée)

ur marc'h glas-marellet

1732
Daveenn : GReg pg gris (Un cheval gris pommelé.)

marc'h glas marellet

1732
Daveenn : GReg pg cheval (gris pommelé)

glas-marellet

1732
Daveenn : GReg pg gris (Gris pommelé.)

kignez marellet

1732
Daveenn : GReg pg bigarreau

marellet

1850
Daveenn : GON.II pg marellet

ul liorzh marellet kaer

1850
Daveenn : GON.II.HV pg marellet

En em gavet da vont da di / Ur furlukin a Leskudenn, / E voe mantret-holl o welet / Kement all a draoù oc'h bizhier : / Dilhajoù glas, ruz, marellet, / Barvouskennoù, manegeier, / Rokedennoù, frezilhonoù, / Darn arc'hantet, darn alaouret, / Saeoù goullo, soroc'helloù / E pep giz zo hag a zo bet / Dastumet eno eus pep bro.

1867
Daveenn : MGK p138-139

Ar martolod kozh, er porzhioù-mor m’oa bet enno, ken e Frañs, ken er broioù all, en doa gwelet meur a dra iskis, traoù briket ha traoù marellet, mes n’en doa biskoazh gwelet evelato un dra ker farsus evel ur person, en e roched, kuzhet e-touez ar foenn !!!

1877
Daveenn : EKG.I. p.142

Ne glever ket zoken en oabl, a-zioc’h ar penn, kan klemmus ar c’hefeleg-aod, na kaket skiltrus ar morbig marellet.

1877
Daveenn : EKG.I. p.94

E-touez ar frankizennoù m’eo marellet ar c’hoad, unan a zo, ec’hon-dreist, glas ha heoliet-kaer, e tiskouezer enni ur grugellig-vez, a c’hourvez dindani, hervez un hengredenn digemeret gant an holl, relegoù ar c’hentañ gour hag ar gentañ maouez.

1923
Daveenn : SKET p.47

Hag, e frankizennoù ar wezeg, ken war an douar-bras, ken en enezennoù, marellet ganto ar mor, e welas Momoros un engroez-tud, paotred ha merc’hed, o poaniañ start da verniañ mein ha douar.

1923
Daveenn : SKET p.120

Hinoniñ a rae an amzer, glas ez oa ar mor, hag ez oa el lec’h m’en em gave un dachennad traezh gwenn marellet a gregin hag a c’hoularzennoù digaset gant an tonnoù-mor.

1923
Daveenn : SKET p.33

Bez’ e oa dezhañ, emezo, ur pennad blev hir ha tev liv-aour ha rodellaouet-holl evel ur c’hreoñad maout-tourc’h, hag en e dro ur vantell varellet vras e lakae uheloc’h c’hoazh da welout.

1923
Daveenn : SKET p.42

E-kreiz ar mor, eme an den yaouank, e tiskulias va selloù un enezenn, roc’hellek, serzh ha gouez, kribellet a venezioù, goloet a goadoù, marellet a lennoù, ervennet a stêrioù, a froudoù, a wazhredennoù.

1924
Daveenn : SKET.II p.68, Notenn 4

Darn a oa du-peg o liv, re-all brizh-marellet, re-all gwenn-erc’h.

1924
Daveenn : SKET.II p.40

— Netra ken koant hag ar boutoùigoù marellet a zo en he zreid ! eme unan all.

1925
Daveenn : BILZ2 p.157

Dirazon e lugerne glenn sioulik ar Pourpri, marellet an daou du anezhi gant bleuñioù lieslivioù, yunioù lagennek Kerhamon leun a ganaouennoù laboused ha raned, damguzhet e-metoù ar bouchadoù hesk, er poulloù-kurun islonkus hag e dourioù gloandourek ar gouerioù.

1929
Daveenn : SVBV p.15

marellet

1931
Daveenn : VALL pg bariolé

Re an "tigr"; n'eo ket re an tigr roudennek, gwir eo, met re unan marellet, da lavaret eo ar banterenn.

1985
Daveenn : DGBD p61

"Aotrou" eme ar pennwaz, e zremm o vont distronk ha marellet a verkoù, "an dra-se ne oa ket va mestr, ha setu ar wirionez".

2012
Daveenn : DJHMH p.67

Ar bevare, gant ur sae er-maez a c'hiz, marellet a vleunioù.

2015
Daveenn : EHPEA p11

Ofis publik ar brezhoneg

Rouedadoù sokial