Porched niverel ar brezhoneg
Ofis Publik ar Brezhoneg
brezhoneg
français
brezhoneg
français
Loazioù niverel
Geriadurioù
Meurgorf
Geriadur istorel ar brezhoneg
Diazoù roadennoù
KerOfis
Diaz lec'hanvadurezh TermOfis
Diaz termenadurezh
Korpusoù
Korpus testennoù Korpus kleved
Deskiñ brezhoneg
Desketa
Binvioù niverel
Treiñ
Troer emgefre
Troer emgefre e rouedadoù neuron Apertium
Troer emgefre Troer Google
Troer emgefre embannet gant Google
Komz
Sintezenn
Sintezenn ar vouezh
Binvioù all
Fonetikelaer Skoueriekaer Silabifier Braille
Levraoueg
KDSK
Kreizenn Dafar Sevenadurel Keltiek
Teknologiezhioù ar yezh
Strategiezh niverel Kevelerien
Klask Gouzout hiroc'h Mammennoù Berradurioù

Meurgorf
Geriadur istorel ar brezhoneg

Dezverkoù all

meskañ
verb

Distagadur

Stankter implij : 

Testeniekaet e : 
NDBF
GBAHE

Gerioù kar :
5

Adstummoù istorel pe rannyezhel testeniekaet : 
2
Diskwel an adstummoù

Stummoù pleget : 
117
Diskwel ar stummoù pleget

Termenadur :  Kuzhat an termenadur

I. V.k.e. A. 1. Treiñ, merat, lakaat da fiñval an elfennoù pe an tammoù a ya d'ober udb. Rod ar vilin a vesk an dour. Meskañ dienn, meskañ ar yod gant ul loa goad. & Dre skeud. Lakaat freuz ha reuz. Ur barrad kañvoù a zeuas, siwazh, da veskañ kement all a levenez. 2. Meskañ douar : e dreiñ, e vlotaat diwar-c'horre a-benn gallout e labourat. Ret e vo meskañ an douar a-raok pikañ saladenn. Meskañ patatez : c'hwennat an douar en-dro dezho. & Dre ast. Labourat an douar. Ma 'm eus un tamm douar da veskañ eo da'm zad kozh ha da'm mamm-gozh e tlean. 3. Pemdez Meskañ arc'hant, gwenneien : ober kalz a genwerzh, ober kalz a aferioù, gwelet arc'hant o vont hag o tont. Un tamm kenwerzh a vez graet eno hag un toullad gwenneien a vez mesket. Bremañ e vez mesket muioc'h a arc'hant met ne chom ket muioc'h ganimp. 4. Meskañ kartoù : c'hoari ar c'hartoù. B. 1. Lakaat traoù liesseurt a-gevret en doare d'o unvaniñ, d'ober un hollad. Meskañ meur a zanvez an eil gant egile. Meskañ vioù, amanenn, bleud ha laezh da ober toaz. 2. Dre skeud. (db. an dud) Na lakaat kemm etre meur a dra. Desk mat da gentel evit chom hep meskañ ar gerioù-se. Ne gomprenit ket ez eus bet mesket div gudenn disheñvel-bras. DHS. luziañ. HS. kemmeskañ. II. V.g. 1. Dont da unvaniñ, d'ober un hollad hepken. Gouelañ a raent dourek hag o daeroù a veske gant an dour a event. 2. Dre skeud. (db. ar vugale dh.) Fiñval, dispac'hañ. Meskañ a rae ar vugale evel diaouled. Delc'her a rae an hini vihan da veskañ en he gwele. Ar vamm, hi, a veske hag a verve evit aozañ pep tra evit un degemer mat. & A-wechoù (db. ar mor) Bezañ rust. Meskañ a ra ar mor. III. V. rag. EN EM VESKAÑ A. V. em. Kemer perzh e, emellout. Ne'm eus ket e welet ouzh en em veskañ e c'hoarioù trouzus ar skolaerien. En em veskañ er pezh na sell ket outo. B. V. kenem. 1. Ober un hollad hepken. O daeroù en em veske : gouelañ a raent a-gevret. 2. Daremprediñ ub. Gwechall en em veske an dud muioc'h eget ma reont bremañ. Ni n'en em veskomp ket gant tud a-seurt-se. « Anavezout a rit an den-se ? - Ya, en em veskañ a reomp pell zo ! ».

Skouerioù istorel : 
17
 Kuzhat roll ar skouerioù

Diskwel ar stummoù orin
Pellgargañ an holl skouerioù

mesk

1659
Daveenn : LDJM.1 pg entrelacer

meskiñ

1850
Daveenn : GON.II pg kéjein, eil, meski, meska

eil veskiñ

1850
Daveenn : GON.II p.7, introduction, "remêler"

meskañ

1850
Daveenn : GON.II pg meski, meska

mesket

1850
Daveenn : GON.II pg meski, meska

meskit ar yod

1850
Daveenn : GON.II pg meski, meska

Lazhet em eus an tirvi, ha gant skoazell tri eus va mibien, em eus aozet ar bugenoù ha mesket al liv.

1923
Daveenn : SKET p.22

Er vro-se, dindan un oabl entanet, e vev an dud en noazh-dibourc’h, hag e vesk, e-kreiz koadoù uhel-uhel, miled ramzel, heñvel ouzh an euzhadennoù a zigouezh ganeomp gwelout a-wechoù dre hon hunvreoù.

1923
Daveenn : SKET p.14

Na roit dezhañ da bried nag ho c’hoar, nag ho merc’h, nag ho karez, ha na aotreit ket e veskfe e wad gant hoc’h hini, e trofe da fall an dud yaouank dre brezegennoù ha largentezioù, e savfe e vouezh e kuzuliadegoù an tiegezh, e bodadegoù ar boblad.

1923
Daveenn : SKET p.53

Pallennet e vez leurenn an douar, kerkoulz ha pep bodenn, a vleunioù gwenn, a vleunioù ruz, a vleunioù melen-aour, ma vez balzamet an aer gant ar c’hwezh-vat diouto, ouzh en em veskañ gant ar frond o sevel a-ziwar rusk ha deil ar gwez pin, derv, bezv ha tilh.

1923
Daveenn : SKET p.48

Ma teuas d’en em veskañ o anal. Hag ez oa anal an daou-se, an doueez hag ar mabig, ker klouar ha ker klouar, ker skañv ha ker skañv , ker kuñv ha ker kuñv.

1924
Daveenn : SKET.II p.9

bezañ atav o veskañ

1931
Daveenn : VALL pg (être toujours en) action (en parlant des personnes)

meskañ

1931
Daveenn : VALL pg agir (vivement, se remuer), s'agiter

Gouher a-walc'h e oan oc'h en em veskañ gant ar re a oa eno, holl[,] tud war an oad, lod gant pennoù gwenn.

1944
Daveenn : EURW.1 p66

En em veskañ a rejont gant argoadiz, hag a-benn kant vloaz, e oant breizhekaet, nann hepken dre briadelezh ha dre wad, met ivez dre o anvioù, a zeuas da vezañ 'n ur dremen dre c'henoù kouerien Vreizh-Izel : JOFRENO ha goude-se JAFRENOÙ, ROPERZH ha goude-se ROPARZH ; GWINEMANN ha goude-se GWINEMANT.

1944
Daveenn : EURW.1 p8

Ar gouennoù all o deus kalz dispriz ha dismegañs ouzh ar Bahouined ha n'em em veskont ket ganto.

1985
Daveenn : DGBD p73

Ar re-se a ra o zaolioù dre guzh ha dre goach, en ur veskañ ar roudoù dibaouez, ha pa darzh an traoù e c'houlennont krenn ma vo sklaer ha boull an traoù.

2015
Daveenn : EHPEA p149

Urzh al lizherennoù

meskailhez
anv hollek benel
meskaj
anv-kadarn gourel

Gerioù a-raok

Gerioù da-heul

mesk-divesk
anv-gwan
mesker
anv-kadarn gourel

Ofis publik ar brezhoneg

Lec'hienn internet
Darempred

Rouedadoù sokial

Twitter
Facebook
Copyright © 2024 - Ofis Publik ar Brezhoneg
Prevezded · Menegoù lezennel