panevet respetiñ ho oad

pendervet respeti ho oat

panevedoc'h ne vefemp ket

pa ne ved-oc'h ne véffemp qet

panevedon, e kouezhe

panéved-oun, é kouézé

panevetañ, e oac'h kollet

panéved-hañ, é oac'h kollet

panevet

panéved

Ur bleiz, deuet e eskern er-maez eus e groc'hen, o vezañ ma veze ar c'has ouzh en diarbenn, a gavas, war e hent, un hordenn gi nerzhus, lart-toaz ha flour e lêr, ki distailh galloudus. Lammet gant e gilpenn, en tagañ, en dispenn, hen diskolp' a-bezhioù, a oa micher Gwilhoù, panevet, a-raok e sammañ, oa ret outañ en em gannañ.

Eur bleiz, deut e eskern er meaz euz he groc'hen, o veza ma veze ar c'has oc'h hen diarbenn, a gavaz, war e hent, eunn horden-gi nerzuz, lard-toaz ha flour he ler, ki distaill gallouduz. Lammet gant he gilpenn, hen taga, hen dispenn, hen diskolp' a besiou, a voa micher Gwillou, paneved a-raok e zamma, voa red out-han en em ganna.

Ar c’habiten, me ’gred, a welas e oa mall dezhañ mont kuit, rak panevet se mevelien Lanzeon a vije lammet warnezhañ ha war e soudarded, hag, hep gounit warnezho, marteze, o divije graet un distro-fall da baotred ar Republik.

Ar c’habiten, me gred, a velaz oa mall d’ezhan mont kuit, rak paneved-se mevellien Lanzeon a viche lammet varnez-han ha var he zoudarded, hag, eb gounit varnez-ho, marteze, o diviche great eun distro-fall da baotred ar Republik.

Pa glevis an dra-se, e teuas buan va skiant-vat din ; ar gwad a savas d’am [f]enn, ha, panevet an Aotrou Krenn, e vijen savet eus ar puñs, ha torret gant va zenn fuzuilh, e benn ouc’h unan bennak.

Pa gleviz an dra-ze, e teuaz buan va skiant vad dign ; ar goad a zavaz d’am penn, ha, paneved an Aoutrou Cren, e vichenn savet euz ar punz, ha torret gand va zenn fuzil, he benn ouc’h unan-bennag.

— Feiz ganti !… — Abalamour da betra ? — Ha panevet, a lavare unan all… met peoc’h… — Ya, ya, peoc’h !… — Ac’hanta ! merc’hed, echu eo ho ragach ?…

— Fê ganti !… — Abalamour da betra ? — Ha panevert [sic], a lavare unan all… met peoc’h… — Ya, ya, peoc’h !… — Ac’hanta ! merc’hed, echu eo ho ragach ?…

Evurus eo bet, ma teuas ar person hag ar c’hure war an aod, da ober an disparti entre ar vartoloded hag ar valtouterien ; panevet da se, na petra a vije bet c’hoarvezet eno !

Evurus eo bet, ma teuas ar person hag ar c’hure war an ôd, da ober an disparti entre ar vartoloded hag ar valtouterien ; panevert da ze [sic "panevet"], na petra a vije bet c’hoarveet eno !

Hennezh ez oa bet tonkadur Vindosetlos panevet ar skoazell a zigouezhas dezhañ digant an eog Orkorix (1).

Hennez ez oa bet tonkadur Vindosêtlos paneved ar skoazell a zigouezas d’ezan digand an eog Orkorix (1).

Skouarnad ac’hann, skouarnad alese, ken a drizilhonne e empenn, ha panevet ma oa stag mat e zivskouarn ouzh e benn, a dra sur, e vijent bet chomet etre biz-meud ha biz-yod dorn dehou Fañch Glauda.

Skouarnad ac’han, skouarnad alese, ken a drizilhonne e empenn, ha panevet ma oa stag mat e ziouskouarn ouz e benn, a dra zur, e vijent bet chomet etre biz-meud ha biz-yod dorn dehou Fanch Glauda.

En e gichen, war ar varvskaon, e vamm lienet, diraki, ur c’houlaouenn-goar binniget, ur chapeled hag ur g[r]oazig kouevr entre he daouarn ; ha panevet sklas ar marv en he c’herc’hen, hag an disliv war he zal, ho pije lavaret e vousc’hoarzhe d’he mabig bihan.

En e gichen, war ar va[r]v-skaon, e vamm lienet, diraki, eur c’houlaouenn goar binniget, eur chapeled hag eur goazig [sic, "groazig"] kouevr entre he daouarn ; ha panevet sklas ar maro en he c’herc’hen, hag an disilou [sic, "disliou"] war he zal, ho pije lavaret e vousc’hoarze d’he mabig bihan.

panevet se

panevet-se

panevet se

panevese

An ti a zeuas da vezañ adarre teñval evel a-raok. Ha didrouz e vije bet, panevet e kleved ennañ ar voereb o klemm, an derzhienn-vras warni.

Job ha Lom a oa kendirvi kompez evit o brasañ maleur, rak dre ma oant kerent eo e teujont d’en em zaremprediñ ; evit o brasañ maleur ivez e oant o chom o-daou e kêr Lanurgad, rak, panevet se, marteze, an amzer he dije lakaet fin d’o darempredoù.

— « Eo, krediñ a ran, mes… » — « Mes petra ? Gant ar mes, an arabat hag ar panevet, ne rafe ket unan tro ar bed, hag hini ebet ac’hanomp ne c’hounezo an teñzor. »

Plijout a rae dezhañ ar c'hezeg, ha kazi sur en dije 'n em c'hraet ul lec'h en arme, panevet e tegouezhas d'e dad mervel e 1859, ha Glaoda, « mab henañ intañvez » a voe, en akord gant al lezenn neuze, disoudardet, ha lavaret dezhañ distreiñ d'ar gêr.

P[l]ijout a rae d'ezañ ar c'hezeg, ha kazi sur en dije 'n em c'hraet eul lec'h en arme, panevet e tigouezas d'e dad mervel e 1859, ha Gloada [sic], « mab hena intañvez » a voe, en akord gant al lezenn neuze, disoudardet, ha lavaret d'ezañ distrei d'ar gêr.

Panevet e oan trellet gant ar vezh, em bije gwelet izeloc'h dezho...

Ne oa tremenet c'hoazh nemet pevar devezh ha setu ma vanke ar c'hafe ha pa'z ejod da ober ur sell er c'harchedoù e oa anat e oa aet bas pep tra ; ha diwar neuze e voe bemdez un dra bennak nebeutoc'h : gwin, fav, avaloù-douar ha, pa zeuas tro ar sukr da vankout e veze kavet gwall c'hwerv an te, brav deomp c'hoazh pa oa bet dizoloet ar voestadig te-se e pakadoù unan ac'hanomp ; paneveti e vije bet ret tremen gant dour sklaer, rak gwall bell e vije bet kas unan bennak betek ur gêr bennak da gerc'hat geot-sitroñs.

Ne oa tremenet c'hoazh nemet pevar devezh ha setu ma vanke ar c'hafe ha pa 'z ejod da ober ur sell er c'harchedoù e oa anat e oa aet bas pep tra ; ha diwar neuze e voe bemdez un dra bennak nebeutoc'h : gwin, fav, avaloù-douar ha, pa zeuas tro ar sukr da vankout e veze kavet gwall c'hwerv an te, brav deomp c'hoazh pa oa bet dizoloet ar voestadig te-se e pakadoù unan ac'hanomp ; paneveti e vije bet ret tremen gant dour sklaer, rak gwall bell e vije bet kas unan bennak betek ur gêr bennak da gerc'hat geot-sitroñs.

Ur fed disterik e vije panevet ma adkaver holl ar merkoù-se, pe ur c'halz anezho, war ar pep brasañ eus ilizoù gotek bras ar vro betek dispak ar goteg flammheñvel -nev Gwengamp, chantele Sant-Brieg ha Lambal, iliz-veur Landreger, chantele iliz-veur Kastell-.