1. Plant, o anv spesad Plastinaca sativa, dezho bleunioù melen, a c'hounezer evit o gwrizioù a dalvez da legumaj pe da voued-chatal.
Ur parkad panez. Hadañ ar panez.
&
Panez sukret : plant, o anv spesad Carum carvi, dezho gwrizioù mat da zebriñ ha had a implijer da demz-boued er pastezerezh.
&
Panez-gouez : plant bividik gouez, o anv spesad Heracleum sphondylium, dezho pennadoù-bleuñv gwenn.
2. Ent strizh
Gwrizioù ar plant-se end-eeun.
Drailhañ panez. Tennañ panez er park.
&
Trl. skeud.
Na vezañ gwad panez o redek en e wazhied : bezañ kalonek.
N'eo ket gwad panez a red en o gwazhied.
&
Kaout c'hoant tennañ panez eus gouzoug ur c'hi : kaout c'hoant ober un dra zic'hallus.
&
Kas (ub.) da c'hwennat panez : e gas diwar-dro.
3. Dre gunuj.
Sac'h panez : genaoueg, sod.
Buan, sac'h panez, rak mervel a ran gant an naon.
4. (impl. da stn. ; db. an treid)
Treuz, zo troet war-gaout an diavaez.
Treid panez.
Mad a ra, a gav din. Rak bezañ er frankiz, digabestr ha dishual, chaokat kaol pe banez, evel ur penn-chatal, zo gwell eget dibriñ kilheien diouzh ar ber, ha bezañ pennasket etre peder voger.
Mad a ra, a gav din. Rak beza er frankiz, digabestr ha dishual, chaokat kaol pe banez, evel eur penn-chatal, zo gwell eget dibri killeien dioc'h ar ber, ha beza pennasket etre peder voger
1867
Daveenn :
MGK
p9
Edont o vont dre an hent bras war-eeun da vaner Kerandraon, el lec’h m’oa bet o chom an Aotrou de Kermoysan [sic], pa welas ur soudard un den diwar ar maez, e-kreiz ur park, oc’h esa tennañ panez a daolioù trañch, rak skornet-kalet e oa an douar ha n’oad evit ober seurt gant ar bal.
Edont o vont dre an hent braz var eeun da vaner Kerandraon, el leac’h m’oa bet o chom an Aoutrou de Kermoysan, pa velaz eur zoudard eun den divar ar meaz, e kreiz eur park, oc’h esa tenna panez a daoliou tranch, rak skournet kalet oa an douar ha n’oat evit ober seurt gand ar bal.
1878
Daveenn :
EKG.II
p.181-182
Pez ha panez, boued Molenez, Pez ha fav, boued Eusa
Pez ha panez, boued Molenez, Pez ha fa, Boued Oesa
1909
Daveenn :
BROU
p. 410 (proverbe local)
Yann banezenn
Yann-banezenn
1931
Daveenn :
VALL
pg benêt
Diwallit : lod anezhe [ar boliserien] a c'hall ober van da vezañ kazetennerien evit tennañ ar panez deus ho kouzoug...
