Porched niverel ar brezhoneg
Ofis Publik ar Brezhoneg
brezhoneg
français
brezhoneg
français
Loazioù niverel
Geriadurioù
Meurgorf
Geriadur istorel ar brezhoneg
Diazoù roadennoù
KerOfis
Diaz lec'hanvadurezh TermOfis
Diaz termenadurezh
Korpusoù
Korpus testennoù Korpus kleved
Deskiñ brezhoneg
Desketa
Binvioù niverel
Treiñ
Troer emgefre
Troer emgefre e rouedadoù neuron Apertium
Troer emgefre Troer Google
Troer emgefre embannet gant Google
Komz
Sintezenn
Sintezenn ar vouezh
Binvioù all
Fonetikelaer Skoueriekaer Silabifier Braille
Levraoueg
KDSK
Kreizenn Dafar Sevenadurel Keltiek
Teknologiezhioù ar yezh
Strategiezh niverel Kevelerien
Klask Gouzout hiroc'h Mammennoù Berradurioù

Meurgorf
Geriadur istorel ar brezhoneg

Dezverkoù all

arvar
anv hollek gourel

Distagadur

Stankter implij : 

Testeniekaet e : 
NDBF
GBAHE

Gerioù kar :
7
Diskwel ar gerioù kar

Termenadur :  Kuzhat an termenadur

I. Tr. adv. A. 1. Bezañ en arvar : bezañ hep gouzout mat, resis (udb.). N'emaon ket tamm ebet en arvar ez eo eñ an hini zo o tont. En arvar, me zo eus ar re na reont netra. & Lezel ub. en arvar : e lezel hep gouzout mat, resis (udb.). E lezel a reas en arvar e-pad daou vloaz. 2. Bezañ en arvar a, a-zivout udb. : bezañ hep gouzout mat, resis, an dra-se. Evit ma ne vo hini en arvar ag ar wirionez. Setu paot a draoù emaoc'h en arvar anezho. N'emaon ket en arvar a gement-se. N'emaon ket en arvar a-zivout kement-se. 3. Bezañ, chom en arvar war udb. : bezañ, chom hep gouzout mat, resis an dra-se. En arvar edo war ar pezh a zlee ober. Gwell e oa ganto chom en arvar war un dra na c'halle nemet ober gaou outo. 4. Bezañ war an arvar : bezañ hep gouzout mat, resis (udb.). 5. Hep arvar, hep ket a arvar : ent diogel, sur. Ma labour, hep arvar, a chomfe c'hoazh darn. Ar re-se a zle, hep arvar, e adober evel ma oa a-raok. B. 1. Diskred. An trivliad a ren ar varzhoneg eo an arvar dirak dazont ar garantez. 2. [2015] Bezañ, lakaat en arvar : bezañ, lakaat e dañjer. Daoulagad ar c'hovien a vez bemdez en arvar. Lakaet o doa o buhez en arvar. [2015] Koll a rafes da dro ha ma lakaat en arvar me ivez. 3. Trl. (dirak un ak.) Bezañ arvar a : bezañ riskl a. Lavaret a reer ez eus arvar a vrezel. & Kaout arvar a : dañjer a. An dud a golle o douaroù o doa arvar a zienez. II. Impl. da anv unan. 1. Diskred. Un arvar poanius a grigne e spered. Arvarioù, glac'har, morc'hed hag en diwezh, peoc'h ar spered. 2. (N'EUS) ARVAR EBET : sur eo. N'eus arvar ebet mui ez eo eñ an hini en deus graet an taol. En dro-mañ, arvar ebet ken. 3. Dañjer. Un arvar all evit al labourerien eo an dilabour.

Skouerioù istorel : 
29
 Kuzhat roll ar skouerioù

Diskwel ar stummoù orin
Pellgargañ an holl skouerioù

hep arvar

1732
Daveenn : GReg pg (sans doute)

bezañ arvar

1732
Daveenn : GReg pg branler (dans le manche, n'être pas ferme dans sa résolution), douter

bet arvar

1732
Daveenn : GReg pg branler (dans le manche, n'être pas ferme dans sa résolution)

arvar

1732
Daveenn : GReg pg chancelant (ante), doute

hemp arvar

1732
Daveenn : GReg pg (sans) contredit

arvaroù

1732
Daveenn : GReg pg doute

en arvar d'ho kwelet

1732
Daveenn : GReg pg (en) doute (de vous voir)

Warnezhañ eo kouezhet an arvar.

1850
Daveenn : GON.II pg arvar (Le soupçon est tombé sur lui).

bezañ en arvar

1850
Daveenn : GON.II pg arvari (être dans le doute).

en arvar

1850
Daveenn : GON.II pg arvar (dans le doute).

hep arvar

1850
Daveenn : GON.II pg arvar (Sans doute).

hep arvar

1850
Daveenn : GON.II p.58, livre premier, "sans doute".

arvarioù

1850
Daveenn : GON.II pg arvar (Doute. Incertitude. Irrésolution. Conjecture. Soupçon. Suspicion. Pl.)

arvar

1850
Daveenn : GON.II pg arvar, mâr (Doute. Incertitude. Irrésolution. Conjecture. Soupçon. Suspicion).

En dro-mañ arvar ebet ken ; gouzout a ran bremañ eus a belec’h e teu ar vouezh doanius !

1878
Daveenn : EKG.II p.49

lakaat en [arvar]

1923
Daveenn : SKET p.156, « Geriadur ar "Skelta Segobrani" (an daou levr kenta) » ; « Menacer, mettre en danger (sellit ouz[h] "argoll") ».

"arvar" g.

1923
Daveenn : SKET p.156, « Geriadur ar "Skelta Segobrani" (an daou levr kenta) » "Doute".

War un taol diñs e lakont en arvar o frankiz o-unan ha frankiz o gwreg hag o bugale.

1924
Daveenn : SKET.II p.66

arvar

1927
Daveenn : Geri.Ern pg arvar

arvar

1931
Daveenn : VALL Rakskrid p XXIX

[...] ; hi, kroc'henet ruz, daoulagad glas, blev gwenn, temz-spered bugel, [...]

1944
Daveenn : EURW.1 p.137

Ma oar Lativi omp goubet / D'ober d'an touer kozh e stal, / Gantañ hep arvar, ' vimp houbet / Ha mont d'e heul ' rankimp raktal.

1960
Daveenn : PETO p69

Petra 'reont evit difenn an aod ha labour ar Vretoned, laket en arvar gant al loustoni brein-se ?

1980
Daveenn : BREM Niv. 1, p. 3

Ha bez' ez eus anezho un tammig e pep lec'h, ma tec'her diwar ur rummad emeur en arvar da lakaat e droad war ur rummad all.

1985
Daveenn : DGBD p58

N'on ket spiswel a-walc'h evit lavarout bremañ hogen santout a ran e teuio hep arvar an termen

2012
Daveenn : DJHMH p. 77

An dañjerioù a c'hallfe bezañ evit a sell ouzh surentez ar stourmerien, an dud a vo war al lec'h koulz hag an enebourien -n'eus ket anv da lakaat hini pe hini en arvar- abalamour da draoù lemm a vefe aze, d'an torosennadur digompez, da draoù zo a vefe gwall dener, d'ar fed e vefe prenester pe un islonk bennak nepell alese...

2015
Daveenn : DISENT p75

Koll a rafes da dro ha ma lakaat en arvar me ivez.

2015
Daveenn : EHPEA p22

Stourm a dalv en em lakaat en arvar, sur ha n'eo ket marteze.

2015
Daveenn : DISENT p13

Meur a dra a oa da rebech d'ar patron eta : felladenn a dec'h, chom hep bezañ sikouret un den en arvar, feulster splann...

2015
Daveenn : DISENT p83

Urzh al lizherennoù

arvalva
anv-kadarn gourel
arvar
anv-gwan

Gerioù a-raok

Gerioù da-heul

arvar
anv-gwan
arvara
anv-kadarn gourel

Ofis publik ar brezhoneg

Lec'hienn internet
Darempred

Rouedadoù sokial

Twitter
Facebook
Copyright © 2024 - Ofis Publik ar Brezhoneg
Prevezded · Menegoù lezennel