Porched niverel ar brezhoneg
Ofis Publik ar Brezhoneg
brezhoneg
français
brezhoneg
français
Loazioù niverel
Geriadurioù
Meurgorf
Geriadur istorel ar brezhoneg Alamaneg - Brezhoneg
Geriadur divyezhek herberc'hiet gant an OPAB
Diazoù roadennoù
KerOfis
Diaz lec'hanvadurezh TermOfis
Diaz termenadurezh
Korpusoù
Korpus testennoù Korpus kleved
Deskiñ brezhoneg
Desketa
Binvioù niverel
Treiñ
Troer an OPAB
Troer emgefreek embannet gant Ofis Publik Ar Brezhoneg Troer Google
Troer emgefreek embannet gant Google
Komz
Sintezenn
Sintezenn ar vouezh
Binvioù all
Fonetikelaer Skoueriekaer Silabifier Braille
Binvioù diavaez
Common Voice
Diaz roadennoù klevet LanguageTool
Difazier reizhskrivadur
Levraoueg
KDSK
Kreizenn Dafar Sevenadurel Keltiek
Teknologiezhioù ar yezh
Strategiezh niverel Kevelerien
Klask Gouzout hiroc'h Mammennoù Berradurioù

Meurgorf
Geriadur istorel ar brezhoneg

Dezverkoù all

skrabañ
verb

Distagadur

Stankter implij : 

Testeniekaet e : 
NDBF
GBAHE

Gerioù kar :
6
Diskwel ar gerioù kar

Adstummoù istorel pe rannyezhel testeniekaet : 
3
Diskwel an adstummoù

Stummoù pleget : 
58
Diskwel ar stummoù pleget

Termenadur :  Kuzhat an termenadur

I. V.k.e. A. Rimiañ ur c'horreenn gant udb. kalet a-benn tennañ un tammig, tammoùigoù diwarni. Skrabañ un tamm koad livet a-benn tennañ al liv. B. (db. an dud, al loened) 1. Rimiañ un tamm, ul lodenn eus e gorf gant e ivinoù, e skilfoù. Skrabañ e benn. HS. krañgnat, kravat. Dre skeud. [1924] Skrabañ e eñvor : klask kaout soñj. [1924] Un divinadell [...] Ha pep hini da glask, da skrabat e eñvor. [1878] Skrabat e benn/he fenn : soñjal, klask kompren. [1878] Diskenn a ris d’ar garidoù hep soñjal larkoc’h, mes en em gavet eno, ec’h en em lakis adarre da skrabat va fenn. 2. Krabisañ (I). 3. (db. loened zo) Rimiañ an douar gant e skilfoù. II. V.g. PEMDEZ 1. Hastañ. Da vont kuit e skraban, en aon na daolfe Paol warnon e zaou graban. 2. Mont kuit buan. Skrabañ ac'hano d'ar solier. An daou amezeg a skrabas kuit. HS. skampañ, skarañ. 3. Strivañ. Gouzout a raed e skrabe evit lonkañ ar rouantelezhioù en-dro d'e hini. III. V. em. EN EM SKRABAÑ. 1. Klask sioulaat debron dre frotañ ar c'hroc'hen. Petra en doa d'en em skrabañ e-giz-se ? HS. (en em) grañgnat, (en em) gravat. 2. Mont kuit. En em skrabañ a reas dre guzh diouzh ar skolaj.

Skouerioù istorel : 
26
 Kuzhat roll ar skouerioù

Diskwel ar stummoù orin
Pellgargañ an holl skouerioù

skrapat

1499
Daveenn : LVBCA p185

skrapat an douar

1659
Daveenn : LDJM.1 pg scrapat (an douar)

skrabat an douar

1732
Daveenn : GReg pg gratter (parlant des poules, des chats, & des chiens)

skrabet an douar

1732
Daveenn : GReg pg gratter (parlant des poules, des chats, & des chiens, pp.)

Skrabet eo an douar gant ar yer.

1850
Daveenn : GON.II pg skraba ou skrabat (les poules ont gratté la terre).

Na skrabit ket ho preur.

1850
Daveenn : GON.II pg skraba ou skrabat (n'égratignez pas votre frère).

skrabet

1850
Daveenn : GON.II pg skraba ou skrabat (gratter, passer les ongles, les doigts, un couteau, etc. pour faire cesser une démangeaison ou pour nettoyer. râcler. ratisser. égratigner. de plus, voler, dérober. Part.)

skrabañ

1850
Daveenn : GON.II pg frota, pg laéra et laérez, pg skraba ou skrabat (gratter, passer les ongles, les doigts, un couteau, etc. pour faire cesser une démangeaison ou pour nettoyer. râcler. ratisser. égratigner. de plus, voler, dérober).

Ar gal a zo gantañ, en em skrabañ a ra.

1850
Daveenn : GON.II pg gâl (il a la gale, il se gratte. - anciennement ce mot signifiait maladie de la peau en général. HV.)

skrabat

1850
Daveenn : GON.II pg skraba ou skrabat (gratter, passer les ongles, les doigts, un couteau, etc. pour faire cesser une démangeaison ou pour nettoyer. râcler. ratisser. égratigner. de plus, voler, dérober).

O welet en ur park ur goulm all o tebriñ, an tremeniad war yun ha digor e galon a ya di da welet; e-pad ma torr e naon ez eo paket war rikl en un toullad lasoù stignet e-touez an ed : ne oa ket kre ar stignoù; rak o skrabat a-bep-eil, o c'hoari endra c'hell, gant e veg, gant e dreid ha gant e zivaskell e teu, hep re a boan, a-benn d'em ziluziañ.

1867
Daveenn : MGK p19

— « Mar teu mestr ar park-mañ, ha moarvat e teuio / Hiriv, / Selaouit anezhañ, ha dioc'h a lavaro, / Da vont kuit eus e neizh pep hini ra skrabo ! »

1867
Daveenn : MGK p52

Ar c'hwreg yaouank d'he zro, oc'h ober he diviz, / Ne lezas ket ur vlevenn wenn / E-touez ar re zu war e benn, / O-div, evel div yar, dre skrabat penn o gwaz, / A lakeas anezhañ 'vel un irvinenn noazh.

1867
Daveenn : MGK p63

Logodenn gêr e daou lamm-krenn / Zo en he zoull ; e-lec'h eben, / Ne c'houie eno an ardremez, / A skrab, a dro leun a enkrez.

1867
Daveenn : MGK p128

Rak mont a raent, pep hini d’e dro, d’her c’haout, d’e gogn, d’her c’hwesa, d’hen turiañ ; hag, evel ma’z oant minoueret gant un tamm neud orjal a oa e beg o fri, e skrabent hag e ribiñsent e feskennoù dezhañ betek ar gwad.

1877
Daveenn : EKG.I. p.125

— Da vihanañ, Per, emeve, amañ ne dapimb ket a c’hwen. — Nann, mes moui, pe gelien-[m]orz, diwar ar c’hezeg, ne lavaran ket avat. — Ne pezo nemet skrabat un tamm hag e nijint kuit.

1877
Daveenn : EKG.I. p.72-73

Un dervezh all, e-kreiz ur foar pe ur marc’had, ec’h en em gave daou zen an eil gant egile ha n’o doa ket an aer d’en em anaout tamm ebet, hag unan anezho a skrabe e benn evel un den nec’het.

1877
Daveenn : EKG.I. p.91

En em chalañ a raent an eil hag egile en ur skrabat o fenn ; ne ouient petra da ober pa lavaras unan anezho, evit disammañ, me 'gred, kalon e gamaraded : — Hon dever hon eus graet [...].

1877
Daveenn : EKG.I. p.122

Ar c’hi a skrabe hag a razailhe gwashoc’h-gwazh : n’oad ket evit hen derc’hel, kement a gounnar a oa ennañ.

1877
Daveenn : EKG.I. p.139

Diskenn a ris d’ar garidoù hep soñjal larkoc’h, mes en em gavet eno, ec’h en em lakais adarre da skrabat va fenn.

1878
Daveenn : EKG.II p.132

Gouronkediñ a rae er mor d’an noz ha d’an darzhenn-veure, o walc’hiñ e vlev ha skrabañ gant traezh ha graean e gerc’henn hag e izili.

1924
Daveenn : SKET.II p.18

Skrab gant un dornad traezh da gorf ha da izili.

1924
Daveenn : SKET.II p.26

— Un divinadell : Divin dit an divinadell : Kamm, jilgamm, da belec’h ’c’h ez-te ?… / Reor touzet forzh ’zo dit-te, / Pa n’on ket eus da di-te. Ha pep hini da glask, da skrabat e eñvor. Bilzig a grafe e benn. Jarlig kozh a c’hwezhas dezhañ : — Ar prad ar reor touzet, ar wazh ar jilgamm.

1924
Daveenn : BILZ1 Niv. 41, p.946 (Mae 1924)

Techet e veze Nikolaz II da skrabañ e benn el lec’h ma voe bet gloazet gwechall p’edo yaouank[-]flamm, o veajiñ e Bro-Japan.

1954
Daveenn : VAZA p.159

Koeñvet ha diskantet e oa al liv war an nor hep sonell na morzhol. Kloc'herion a repue er gognell, hag a skrabe sklosoù ouzh ar panelloù.

2012
Daveenn : DJHMH p11

En Alamagn ar Reter, ma faotr, ma skrabes da fri gant da zorn dehou e vezes fuzuilhet evel gwazour kuzh an Amerikaned.

2015
Daveenn : EHPEA p177

Urzh al lizherennoù

skrabadenn
anv-kadarn benel
skrabadur
anv hollek gourel

Gerioù a-raok

Gerioù da-heul

skrabellat
verb
skraber
anv-kadarn gourel

Ofis publik ar brezhoneg

Lec'hienn internet
Darempred

Rouedadoù sokial

X
Facebook
Instagram
TikTok
Copyright © 2022 - 2026 - Ofis Publik ar Brezhoneg
Prevezded · Menegoù lezennel