Porched niverel ar brezhoneg
Ofis Publik ar Brezhoneg
brezhoneg
français
brezhoneg
français
Loazioù niverel
Geriadurioù
Meurgorf
Geriadur istorel ar brezhoneg
Diazoù roadennoù
KerOfis
Diaz lec'hanvadurezh TermOfis
Diaz termenadurezh
Korpusoù
Korpus testennoù Korpus kleved
Deskiñ brezhoneg
Desketa
Binvioù niverel
Treiñ
Troer emgefre
Troer emgefre e rouedadoù neuron Apertium
Troer emgefre Troer Google
Troer emgefre embannet gant Google
Komz
Sintezenn
Sintezenn ar vouezh
Binvioù all
Fonetikelaer Skoueriekaer Silabifier Braille
Levraoueg
KDSK
Kreizenn Dafar Sevenadurel Keltiek
Teknologiezhioù ar yezh
Strategiezh niverel Kevelerien
Klask Gouzout hiroc'h Mammennoù Berradurioù

Meurgorf
Geriadur istorel ar brezhoneg

Dezverkoù all

talbenn
anv-kadarn gourel

Distagadur

Stankter implij : 

Testeniekaet e : 
NDBF
GBAHE

Gerioù kar :
3

Pellgargañ ar gerioù kar didalbennet penn tal

Adstummoù istorel pe rannyezhel testeniekaet : 
1
Diskwel an adstummoù

Stummoù pleget : 
2
Diskwel ar stummoù pleget

Termenadur :  Kuzhat an termenadur

I. ADEILAD. 1. Moger a-raok ur savadur gwelet eus an diavez m'emañ an nor-dal prl. Talbenn mein-benerezh ur maner. Livet en deus talbenn e di en-dro. & Talbenn a-dreñv : moger enep an nor-dal gwelet eus an diavaez. HS. fasadenn. 2. Ent strizh (db. an ilizoù) Moger uhel m'emañ an nor-dal. Staget o deus o bannieloù war talbenn ar porched. 3. A-WECHOÙ (db. an tiez) Moger gostez. HS. tal. II. A. 1. (db. an tumporelloù) Unan eus ar panelloù prenn lem-laka a lakaer en daou benn evit o stankañ. Lamet em eus an talbenn a-raok. 2. (db. gweleoù zo) Unan eus an div banell zo a bep penn. Lakaet en deus e vragoù a-istribilh ouzh talbenn e wele. Krog e oan e talbenn ma gwele. 3. (db. ar bigi) Panell an aros. Skrivet eo anv ar vag war an talbenn. B. (db. al levrioù) 1. Titl moull bras. An talbenn-levr. 2. Pajenn skeudennaouet enebet ouzh an titl e deroù ul levr. C. (db. ar brageier) Darn a-raok ur bragoù martolod a brenner a bep tu. Ur bragoù gant un talbenn. D. (war ar maez) 1. Kostez ur c'hleuz. 2. Dre ast. Penn ur park. 3. Renkennad diavaez, renkennad kentañ gwez ur c'hoad. Bremañ e wele dirazañ talbenn ledan ar c'hoad gant fustoù hir ar gwez-pin. E. (db. ar c'hezeg, ar saout) Talier. Na lakait netra war talbenn ma marc'h. Ur bouchig bihan o sevel e dalbenn en ur lammat dreist ar gouerioù. III. 1. Tolead ma vez un arme tal-ouzh-tal gant an enebourien. Ar rann-se eus an talbenn a oa bet sioul e-pad bloavezhioù. 2. Emglev etre strolladoù, aozadurioù, emsavioù. Talbenn ar Bobl : aozadur a vode, e Frañs, e dibenn ar bloavezhioù 30, ar strolladoù politikel eus ar gostezenn gleiz.

Skouerioù istorel : 
21
 Kuzhat roll ar skouerioù

Diskwel ar stummoù orin
Pellgargañ an holl skouerioù

talbennoù

1732
Daveenn : GReg pg frontispice (face de bâtiment &c, p.)

talbenn

1732
Daveenn : GReg pg frontispice (face de bâtiment &c)

e talbenn an ti emañ an nor

1850
Daveenn : GON.II pg talbenn

talbenn

1850
Daveenn : GON.II pg stalbenn

stalbennoù

1850
Daveenn : GON.II pg stalbenn

talbenn

1850
Daveenn : GON.II pg talbenn, pg krouzel

talbenn an iliz-se a zo kaer

1850
Daveenn : GON.II pg talbenn

talbennoù

1850
Daveenn : GON.II pg talbenn

na likit netra war talbenn va marc'h

1850
Daveenn : GON.II pg talbenn

« Gortozit c'hoazh, mar plij, ma teui va grweg ganen : / Va mab a zo yaouank, gedit ma vezo den ; / Roit din-me amzer da sevel / Talbenn va zi a-raok mervel. »

1867
Daveenn : MGK p101

Evelato, ar c’hoant en deus da zerc’hel e vuhez gantañ a ro dezhañ nerzh nevez ; dont a c’hell eus a-zindan e bont, tennañ a c’hell e zivesker morzet eus a greiz al lec’hid ; div pe deir gwech e riklas hag e ruilhas diwar dalbenn an hent bras oc’h esa dont war gorre.

1877
Daveenn : EKG.I. p.130

talbenn

1909
Daveenn : BROU p. 427 (planches mobiles qui ferment une charette aux deux extrémités)

Heñvel ouzh un evn torret dezhañ e zivaskell, e kouezhas ar vallozh d’an douar. War ar re o doa hen taolet eo e plavas, e-keit ha ma ruilhe hini-ha-hini ar pennoù troc’het war dalbenn ar savenn.

1923
Daveenn : SKET p.128

talbenn ti

1931
Daveenn : VALL pg arêtier (saillie du toît au pignon)

Goude e oa aet betek penn pellañ ar vali izelañ, evit bezañ outañ e-unan. Ur meni-gwelva [meni gwelva] a oa eno, ma tizhed gwelout, dre dreuz skramm rouez ha dreinek kasiaenned yaouank, unan eus talbennoù louet ar gouent, ar jardin kloz, kêr Viranda a-bezh gant he zoennoù ruz, ar stêr Ebro, hag ar gompezenn ec'hon-meurbet, glas evit un nebeu[d] amzer c'hoazh, harzet du-hont, pell, gant menezioù Alava, er vro [e]uskarat.

1949
Daveenn : SIZH p.47

E ti-kêr ur vourc'hadenn a vro-Gerne. Speget ouzh ar mogerioù, skritelloù paper gros ha gwenn-louet, warno, e lizherennoù bras, talbennoù a seurt d'ar re-mañ : DEKRED EUS AN ASAMBLE NASIONAL, LEZENN, AVIZ, REGLAMANT, ORDRENAÑS.

1960
Daveenn : PETO p11

Sellet e veze outañ kentoc'h evel un enebour, paotr an Talbenn Ruz a oa neuze oc'h ober e reuz e Bro-C'hall, hag a glaske ober kement all en trevadennoù.

1985
Daveenn : DGBD p146

Daou solieradur a oa dezhañ, prenestr ebet, un nor hepken a-rez douar, hag a-zioc'h anezhi talbenn ur voger dall dislivet.

2012
Daveenn : DJHMH p11

Pa na oa ket bet kaset amprouennoù an danvez-levr d'an troer evit ur c'hribañ diwezhañ ned eo ket ur skrid peurgempenn [...] eo a oa bet moulet e 2005 dindan an talbenn Kas ha Lazh

2013
Daveenn : BERNI p.2

Marteze ne vez ket anaoudek he gweladennerien a gement-mañ diwar an taol-lagad kentañ, pa welont he zalbenn meurdezus ha sinkl pergen, met bihan eo iliz-veur Kemper, diouzh muzul ar pep brasañ eus ilizoù kempred Europa.

2013
Daveenn : LLMM niv. 399 p. 5

Ur savadur a bevar solieradur eo, gant un talbenn gwer.

2015
Daveenn : EHPEA p40

Urzh al lizherennoù

talar-tanañ
anv-kadarn gourel
talar-tro
anv-kadarn gourel

Gerioù a-raok

Gerioù da-heul

talbennel
anv-gwan
talbennet
anv-gwan

Ofis publik ar brezhoneg

Lec'hienn internet
Darempred

Rouedadoù sokial

Twitter
Facebook
Copyright © 2024 - Ofis Publik ar Brezhoneg
Prevezded · Menegoù lezennel