Kinniget e oa bet gant Gw. Ar Menn skoueriekaat an termen-mañ "koñstaraz" peogwir e kaver anezhañ er C'hatolikon Ca e-mesk ar gerioù skrivet <const-> (LVBCA p.121). Er stumm Cb e kaver anezhañ skrivet "constaracc" ivez.
Gwir eo e veze kemmesket alies-mat al lizherennoù "u" ha "n" gant ar skriverien er Grennamzer e teu an termen-mañ diwar ar galleg krenn "coustarace". Ne weler ket evit peseurt abeg e vefe aet [ku-] da [kõ-] da geñver an amprestadenn en un degouezh fonetikel n'eus tamm kensonenn-fri ebet.
Etimologiezh
Diwar ar galleg krenn "coustarace" unanenn-vuzuliañ evit ar gwin pe an eoul ha dre astenn "barilh" c'hoazh.
An DMF a gemer ar C'hatolikon da vammenn. Emañ ar ger-se da vezañ tostaet ouzh "costerel" pe "costeret" (s.o. geriadur Godefroy).
