Porched niverel ar brezhoneg
Ofis Publik ar Brezhoneg
brezhoneg
français
brezhoneg
français
Loazioù niverel
Geriadurioù
Meurgorf
Geriadur istorel ar brezhoneg
Diazoù roadennoù
KerOfis
Diaz lec'hanvadurezh TermOfis
Diaz termenadurezh
Korpusoù
Korpus testennoù Korpus kleved
Deskiñ brezhoneg
Desketa
Binvioù niverel
Treiñ
Troer emgefre
Troer emgefre e rouedadoù neuron Apertium
Troer emgefre Troer Google
Troer emgefre embannet gant Google
Komz
Sintezenn
Sintezenn ar vouezh
Binvioù all
Fonetikelaer Skoueriekaer Silabifier Braille
Levraoueg
KDSK
Kreizenn Dafar Sevenadurel Keltiek
Teknologiezhioù ar yezh
Strategiezh niverel Kevelerien
Klask Gouzout hiroc'h Mammennoù Berradurioù

Meurgorf
Geriadur istorel ar brezhoneg

Dezverkoù all

diwar-goust
araogenn

Distagadur

Stankter implij : 

Testeniekaet e : 
NDBF
GBAHE

Gerioù kar :
5

Pellgargañ ar gerioù kar a-ziwar a-ziwar-dro a-ziwar-goust diwar-c'horre koust

Termenadur :  Kuzhat an termenadur

I. (db. ar vuhez danvezel) 1. E mizoù ub., un ensavadur bnk. Bevañ diwar-goust ub., diwar-goust ar gumun. & (en e furm vihanaat) Diwar-goustik ub. & Trl. (db. ar boued, an diedoù) N'eo ket diaes servijañ ar sant diwar e goust : servijañ dezhañ udb. zo bet roet gantañ. 2. Dre ast. Dre berc'hennañ ar pezh zo d'ub., d'un ensavadur bnk. Laeret en doa bravigoù diwar-goust e dud. Gounezet o deus tachennoù ec'hon diwar-goust ar vro amezek. & Trl. Ober yalc'h, ober godell diwar-goust ub. : pinvidikaat dre berc'hennañ ar pezh zo dezhañ. Ne welit ket e ra yalc'h diwar ho koust ? II. Dre skeud. A. (db. an dud, an traoù) 1. O noazout da (ub., udb.). Graet o deus diouzh o mad o-unan diwar-goust ar peoc'h. Piv a yafe da vrezeliñ diwar e goust ? & Graet en deus an dra-se diwar-goust e zevezh : lakaet en deus e amzer d'ober an dra-se e-lec'h labourat war e vicher. 2. Farsal, c'hoarzhin diwar-goust ub., udb. : farsal diwar e benn, c'hoarzhin warnañ. Farset o doa diwar-goust e gredennoù. C'hoarzhin a ra diwar-goust o foan. 3. Deskiñ ub. diwar e goust : hep ma teufe a-benn da virout a ober gaou outañ e-unan. Desket e vez an nesañ diwar e goust. & Diwar ma c'houst eo : em gaou eo. 4. Ober udb. diwar-goust (+ av.) : en em lakaat e-tailh da (+ av.). Difennet en doa e gamalad diwar-goust bezañ gwelet fall gant ar c'helenner. B. (db. an traoù) Dre dennañ gounid eus (udb.). Deuet eo pinvidik diwar-goust an arc'hant : dre dennañ gounid eus e arc'hant. Sevel a ra ar plant diwar-goust an douar : dre dennañ gounid eus an danvezennoù zo en douar.

Skouerioù istorel : 
17
 Kuzhat roll ar skouerioù

Diskwel ar stummoù orin
Pellgargañ an holl skouerioù

diskiñ diwar e goust

1732
Daveenn : GReg pg apprendre

pinvidikaat diwar-goust ar re all, diwar-bouez an eil hag egile

1732
Daveenn : GReg pg (s') enrichir (aux dépens d'autruy)

Finaat a raio diwar e goust.

1732
Daveenn : GReg pg fin (Il deviendra fin à ses dépens.)

friponat diwar-goust e vestr

1732
Daveenn : GReg pg griveler (faire des profits secrets & illicites dans une commission.)

friponet diwar-goust e vestr

1732
Daveenn : GReg pg griveler (faire des profits secrets & illicites dans une commission, pp.)

diwar-goust ar re all e pinvidika

1850
Daveenn : GON.II pg pinvidikaat

« Mard eo ur c'holl din-me, / Dezhañ e vo ive, / Rak ma na deu d'am c'haout ha d'en em zamantiñ, / Tesko diwar e goust mont da goumanantiñ. »

1867
Daveenn : MGK p93

« Kemer skouer, mar kerez, diwar-goust va c'helenn ; / Furoc'h 'vit al loened, furoc'h ned eo an den ! »

1867
Daveenn : MGK p96

Petra a c’hellan-me da vezañ kemeret diwar-goust va ostizien ?

1877
Daveenn : EKG.I. p.132

Disklêriañ a reer deoc’h c’hoazh, e chomo amañ, e Plougerne, d’hen diwall, pevar-c’hant soudard hag a vezo bevet ha paet diwar ho koust.

1877
Daveenn : EKG.I. p.236

Ar pezh a zo bet kaoz ma’z eus bet kement a drubuilh e kalz a barrezioù, eo ma kaved enno tud hag a yae a-du gant an dispac’herien, tud hag a felle dezho en em binvidikaat diwar-goust an nesañ ha diwar-goust an ilizoù, pe en em saotriñ e pep viltansoù [sic].

1877
Daveenn : EKG.I. p.237-238

Ar re-se [a] oa an dud o doa c’hoant d’en em ruilh er pec’hedoù hudur ha da heuliañ c’hoantegezhioù fall o c’halon, pe d’en em binvidikaat diwar-goust an ilizoù, ar c’houentoù hag an noblañsoù, en u[l] laerezh o leveoù, pe en ur ober an neuz d’o frenañ en ur baeañ anezho an dekved, da hirañ, eus ar pezh a dalvezent.

1877
Daveenn : EKG.I. p.43-44

Me gav din, e-lec’h chom amañ evel seizh peul koad da sellet an eil ouc’h egile, e rafemp gwell, a-raok mont kuit, ober pep a goan vat diwar-goust ar person "intru".

1877
Daveenn : EKG.I. p.122

Ur gentel vat ha talvoudek da Bipi rak n’eus diskamant gwelloc’h eget an hini a vez roet deomp hag a zigemeromp, met, klevit ’ta, diwar hon c’houst hon-unan.

1924
Daveenn : BILZ1 Niv. 43-44, p.1030 (Gouere-Eost 1924)

Ne chom ganto nemet un tamm skiant-prenet… ha prenet alies diwar o c’houst ha diwar o brasañ damant.

1944
Daveenn : ATST p.8-9

Bec'h a zeuas warnon koulskoude keit ha m'on bet du-hont. Ha kement-se diwar-goust un afer merc'hed, an hini washañ am eus bet da emellout enni e-pad va buhez Afrika.

1985
Daveenn : DGBD p123

Ha pa zeue an arc'hant da ziankañ, war chanter pe chanter, anat e oa bet tost dalc'hmat diwar-goust an tourioù, ar begoù-tour dreist-holl.

2013
Daveenn : LLMM Niv. 399, p. 18

Urzh al lizherennoù

diwar-du
araogenn
diwaregañ
verb

Gerioù a-raok

Gerioù da-heul

diwar-greiz
araogenn
diwar-greiz
stagell isurzhiañ

Ofis publik ar brezhoneg

Lec'hienn internet
Darempred

Rouedadoù sokial

Twitter
Facebook
Copyright © 2024 - Ofis Publik ar Brezhoneg
Prevezded · Menegoù lezennel