Dezverkoù all

Distagadur

Stankter implij : 

Testeniekaet e : 
NDBF
GBAHE

Termenadur :  Kuzhat an termenadur

I. H.g. A. 1. Obererezh fiñval. Fiñv al Loar hag ar stered. 2. Barregezh da fiñval. Ken brav en deus labouret ar c'hizeller ma lavarfec'h ez eus fiñv ha buhez en delwenn. Ne zeu ar fiñv dezho nemet da noz Nedeleg. 3. Trl. Lakaat fiñv en udb. : e lakaat da fiñval. B. Dre skeud. 1. Oberiantiz. N'eus ket c'hoazh kalz a fiñv e kêr, re abred eo. 2. Buhez. Ar gêr-se zo enni kalz a vuhez hag a fiñv. & Lakaat fiñv en-dro dezhañ : lakaat buhez en-dro dezhañ. II. G. Fiñvadenn. Ne reas nemet ur fiñvig. Ne reas fiñv ebet, van ebet, evel ur maen en ur c'hleuz. Fiñvoù bras a oa ganto da harpañ o c'homzoù. III. Tr. adv. War fiñv : a c'hall bezañ fiñvet.

Skouerioù istorel : 
11
Kuzhat roll ar skouerioù

fiñv

1850
Daveenn : GON.II pg boulj, fiñv (Mouvement, le transport d'un corps d'un lieu dans un autre), flach

Evel ur c’havrig e lamme war ar rec’hier sershañ, war lein ar c’hrec’hiennoù hag ec’h evezhie ac’hano red ar c’houmoul, fiñv al loar hag ar stered.

1924
Daveenn : SKET.II p.18

Benniget ra vezo an den yaouank divarvel a zo o sklêrijenniñ ar bed, ar c’hadour nerzhek a laka fiñv er Rod [1], an doue a daol er vann, bep beure, ar Rod !

1924
Daveenn : SKET.II p.5

lakaat fiñv en abadenn

1931
Daveenn : VALL pg animer (donner de l'animation à la partie)

lakaat fiñv er c'hoari

1931
Daveenn : VALL pg animer (donner de l'animation au jeu)

digenreizh ar fiñvoù

1931
Daveenn : VALL pg ataxie

fiñv

1931
Daveenn : VALL pg animation (des jeux)

Ar Fiñv evit kelennadurezh ar brezhoneg ne oa ket merket en Emsav lennegel ha barzhoniek boulc’het gant remziad ar Gonidec-Villemarqué. Ar Fiñv -se a zo deiziadet : 1895. Ar Fiñver a zo anvet : Frañsez Vallée. Perak e taleas keit ar Fiñv kelennadurel ?

1944
Daveenn : EURW.1 p.105

Hi an hini a'n em denn kuit, diwar c'hoari, evit stouiñ warnañ adarre, ouzh e atizañ, ouzh e cherisañ gant he blev war e dal, gant pennoù he divronn reut kinniget d'e vuzelloù, gant he melloù daoulagad oriad, gant holl fiñvoù ur c'horf yac'h, gwevn ha kaer.

1949
Daveenn : SIZH p.52

En taol-mañ, en enep, e chom digenvez ar mor en un doare souezhus, ha fiñv ebet tost da vat.

1985
Daveenn : DGBD p43

Bez' e c'hellez neuial a-zindan ar gwagennoù, emezañ. Just dindan ar gorre e vez merzet fiñv ar mor, met donoc'h avat eo sioul ha diflach.

2023
Daveenn : DREAM p. 124

Ofis publik ar brezhoneg

Rouedadoù sokial