Porched niverel ar brezhoneg
Ofis Publik ar Brezhoneg
brezhoneg
français
brezhoneg
français
Loazioù niverel
Geriadurioù
Meurgorf
Geriadur istorel ar brezhoneg
Diazoù roadennoù
KerOfis
Diaz lec'hanvadurezh TermOfis
Diaz termenadurezh
Korpusoù
Korpus testennoù Korpus kleved
Deskiñ brezhoneg
Desketa
Binvioù niverel
Treiñ
Troer emgefre
Troer emgefre e rouedadoù neuron Apertium
Troer emgefre Troer Google
Troer emgefre embannet gant Google
Komz
Sintezenn
Sintezenn ar vouezh
Binvioù all
Fonetikelaer Skoueriekaer Silabifier Braille
Levraoueg
KDSK
Kreizenn Dafar Sevenadurel Keltiek
Teknologiezhioù ar yezh
Strategiezh niverel Kevelerien
Klask Gouzout hiroc'h Mammennoù Berradurioù

Meurgorf
Geriadur istorel ar brezhoneg

Dezverkoù all

kounnar
anv-kadarn benel

Distagadur

Stankter implij : 

Testeniekaet e : 
NDBF
GBAHE

Gerioù kar :
7
Diskwel ar gerioù kar

Adstummoù istorel pe rannyezhel testeniekaet : 
1
Diskwel an adstummoù

Stummoù pleget : 
2
Diskwel ar stummoù pleget

Termenadur :  Kuzhat an termenadur

I. H.b. A. (db. al loened, an dud) 1. Kleñved al loened a ra dezho tagañ ar re all. Ur c'hi zo kroget ar gounnar ennañ. & Trl. Ar gounnar red : mare ma eonenn ha ma tag ul loen klañv. Ar gounnar vut : mare ma eonenn ul loen ha ma ne harzh ket. Ar gounnar astenn : mare ma kouezh ul loen en ur grenañ. 2. Kleñved pegus ha marvus a zeu diwar ur viruz a daper diwar dantadur ul loen klañv gant ar c'hleñved-se. Pasteur an hini a gavas ar vrec'h a-enep ar gounnar. & Trl. Kounnar vut : ar c'hleñved-se a ra d'an dud bezañ seizet hogos kerkent ha ma vezont klañvet. B. 1. Termen a implijer da c'her pouezañ en un droienn c'houlennata. E ti piv ar gounnar emaon amañ, da vihanañ ? Petra ar gounnar a welan-me ? HS. bed, diaoul, foeltr, gagn, gast, kurun. 2. Pemdez, dre gunuj. Boued ar gounnar ! : mat out da vervel gant ar gounnar. [1924] Ac’hanta ’ta, marmouzien ! mic’hieien ! boued ar gounnar !… C. Dre ast. (db. an dud) Imor daer a sav (en ub.) pa vezer drouklaouen-kenañ. Ret eo d'ar gounnar terriñ ha dezho ober peoc'h. Ur barr kounnar a yeas ennañ. & Trl. Mont e kounnar : kounnariñ. Tangi, re daer, a yeas e kounnar. & Mont kounnar en ub. : kounnariñ. An impalaer a yae kounnar vras ennañ. & Bezañ ar gounnar gant ub. : bezañ kounnaret. An daou soudard a oa ar gounnar ganto. & Kaout kounnar ouzh ub. : bezañ kounnaret outañ. Hennezh en deus kounnar ouzhoc'h. & Birviñ gant ar gounnar : bezañ kounnaret-tre. An Indianed a verve gant ar gounnar. & Magañ kounnar : bezañ kounnaret. Ar gounnar a vagent a greskas kement ma teujont d'en em gannañ. & Ober udb. diwar e gounnar : hep gallout en em vestroniañ. Diwar e gounnar e tispak e gleze hag e sko taol ar marv. & Bezañ dallet gant ar gounnar : bezañ ken kounnaret ma ne ouzer mui re vat petra a reer. Dallet gant ar gounnar ez eas war-lerc'h e vab gant ur vazh. & Delc'her war e gounnar : mestroniañ e gounnar. & (gant ar gm. a. evit pouezañ) Gwiskañ ur gounnar : bezañ anat war an dremm ez eur kounnaret. Hennezh a wiskas ur gounnar ! HS. droug, fulor. II. B. C'hoant bras. Hemañ zo ennañ ur gounnar labourat. Kregiñ a reas ennañ ur gounnar debriñ eus ar re zuañ. DHS. egar, youl.

Skouerioù istorel : 
36
 Kuzhat roll ar skouerioù

Diskwel ar stummoù orin
Pellgargañ an holl skouerioù

kounnar

1499
Daveenn : LVBCA p124 (rage)

kounnar

1659
Daveenn : LDJM.1 pg rage

kounnar

1659
Daveenn : LDJM.1 pg counar

konnar, ar gonnar

1732
Daveenn : GReg pg faim (-vale, sorte de maladir incurable qui vient aux chevaux)

kaouad kounnar

1732
Daveenn : GReg pg acces

ar gounnar, hag an diboell eveus an ifern

1732
Daveenn : GReg pg (la rage, & la furie de l') enfer

En ur gaouad kounnar en deus e c'hlazet.

1850
Daveenn : GON.II pg kounnar (Il l'a blessé dans un accès de fureur).

Boed ar gounnar

1850
Daveenn : GON.II.HV pg boéd ("Boéd ar gounnar", "boéd ar groug", sont les injures les plus fortes que puisse proférer un Breton. Il veut dire par là : "Puisse[s]-tu devenir la pâture de la rage, de la potence ! - Le dernier répond au français "gibier de potence". H.V. ), kounnar ("Que la rage t'étouffe").

Ki Yann a zo klañv gant ar gounnar.

1850
Daveenn : GON.II p.61, livre second, "Le chien de Jean est malade de la rage".

boed ar gounnar

1850
Daveenn : GON.II pg boéd

Gouelañ a ra gant ar gounnar.

1850
Daveenn : GON.II p.90, livre second, « Il pleure de rage ».

ar gounnar hag an diboell eus an ifern

1850
Daveenn : GON.II pg ifern, ivern

kounnar

1850
Daveenn : GON.II pg kounnar (Rage, délire furieux qui revient ordinairement par accès et qui est accompagné d'horreur pour les liquides ; c'est la même chose que l'hydrophobie. De plus, fureur. Furie).

Al louzaouenn-se a zo mat ouzh ar gounnar.

1850
Daveenn : GON.II pg kounnar (Cette plante est bonne contre la rage).

Ar genou eonek gant ar gounnar.

1850
Daveenn : GON.II.HV pg éonek ou éonennek (La bouche écumante de rage).

Hag ar chaseer paour, ennañ droug ha kounnar, / O klask e laer a-gleiz, a-zehoù / Hag o sellet oc'h ar roudoù, / A wel ar vaot o tont.

1867
Daveenn : MGK p48

Ar beleg a sav adarre e vouezh hag ar bobl a ziskan outañ : Ar beleg : "Ab irâ et odio et omni malâ voluntate", Diouc’h ar gounnar, ar gasoni ha pep c’hoant fall, Ar bobl : "Libera nos, Domine !" Pellait ac’hanomp, Aotrou !

1877
Daveenn : EKG.I. p.166

Ar gwel eus ar volz-se, ker brav kizellet gant hon tudoù kozh, ar brud eus a santelezh hag eus a virakloù sant Yvon a lakaas anezho da vont e kounnar.

1877
Daveenn : EKG.I. p.30

O ! ma oufec’h pegement a gounnar a yoa ennon-me !

1878
Daveenn : EKG.II p.130

Daou soudard, ar gounnar ganto, n’oant ket aet en hent gant ar re all.

1878
Daveenn : EKG.II p.92

Ar c’habiten a skoe, dre gounnar, gant seul e votez war an douar, a en em chale hag a bec’he...

1878
Daveenn : EKG.II p.161

Kavet ez eus an tu da bareañ meur a gleñved, evel ar paz-moug hag ar gounnar, hag a oa sellet evel dibare gwechall.

1906
Daveenn : KZVR Niv. an 9 a viz Kerzu

A-greiz m’edo soublet a-zioc’h an dour, e savas trumm an avel hag e teraouas an eienenn birviñ evel ar mor e kounnar.

1924
Daveenn : SKET.II p.35

— Ac’hanta ’ta, marmouzien ! mic’hieien ! boued ar gounnar !…

1924
Daveenn : BILZ1 Niverenn 39, p.865 (Miz Meurzh 1924)

Ha Bidoullig ?… Bidoullig ebet ne welas. Houmañ a oa aet gant ar gounnar pe gant ar foeltr, pe gant mil mallozh an aotrou Doue, d’an daoulamm-ruz etrezek he marchosi, e-lec’h ma oa bet kavet marv-mik, an deiz war-lerc’h.

1924
Daveenn : BILZ1 Niv. 43-44, p.1033 (Gouere-Eost 1924)

boued ar gounnar

1927
Daveenn : GERI.Ern pg boed

— « Ar gerent, Lom, a yelo kounnar ruz enno. Mes n’eus forzh, re ziwezhat e vo. »

1944
Daveenn : ATST p.93

N’eo ket unanig bennak evel ar Breur Constantius, a Landivizio, eo a oa barrek da enebiñ ouzh ur seurt kounnar dinatur.

1944
Daveenn : EURW.1 p.105

Deoc'h e fell o digareziñ Daoust d'o c'hounnar, d'o erezi ? Tavit gant komzoù ken mezhus, Tavit, person, 'n anv Jezuz.

1960
Daveenn : PETO p18

Ya, kounnar zo ennomp, kounnar-ruz o klevet prezegennoù-beleien distaget e galleg fraezh evit kemenn deomp e oa ret saveteiñ hor yezh.

1980
Daveenn : BREM Niv. 1, p. 2

Evit youc'hal e skrivomp, evit youc'hal hon dispi hag hon c'hounnar da vezañ bet beuzet, nepell eus aodoù Bro-Dreger, e gerioù flour ha luskellus ul lanv du all.

1980
Daveenn : BREM Niv. 1, p. 2

Dont a reer eta d'am c'haout evit ma vije barnet an afer ; hag ur seurt barnedigezh ne vez ket bepred aes da eeunañ, seul ziaesoc'h ma vez aet don ar gounnar er c'halonoù.

1985
Daveenn : DGBD p134

ar barradig kounnar-se a voe un doare frealz d'an Ao.Utterson.

2012
Daveenn : DJHMH p21

[Bezañ zo da] Lâret peseurt santadoù ha fromoù a zo bet gant pep hini, traoù c'hwerv, marteze, prantadoù kounnar, droukrañs pe levenez... disac'hañ e gaoz, a-benn ar fin.

2015
Daveenn : DISENT p175

Paouez a ra hag e neuz parfet a dro a-daol-trumm en ur barrad kounnar.

2015
Daveenn : EHPEA p397

Lennit e levr Bernard Sergeant, Le Livre des Héros, ar pezh a skriv diwar an nes m'emañ Cùchulainn ouzh Akilleüs dre an armoù a embregont hag an doare ma taolont tan pa sav kounnar enne.

2016
Daveenn : ILIAS p. 10

Urzh al lizherennoù

kounlec'h
anv-kadarn gourel
kounlevr
anv-kadarn gourel

Gerioù a-raok

Gerioù da-heul

kounnarek
anv-gwan
kounnaret
anv-gwan

Ofis publik ar brezhoneg

Lec'hienn internet
Darempred

Rouedadoù sokial

Twitter
Facebook
Copyright © 2024 - Ofis Publik ar Brezhoneg
Prevezded · Menegoù lezennel