Porched niverel ar brezhoneg
Ofis Publik ar Brezhoneg
brezhoneg
français
brezhoneg
français
Loazioù niverel
Geriadurioù
Meurgorf
Geriadur istorel ar brezhoneg
Diazoù roadennoù
KerOfis
Diaz lec'hanvadurezh TermOfis
Diaz termenadurezh
Korpusoù
Korpus testennoù Korpus kleved
Deskiñ brezhoneg
Desketa
Binvioù niverel
Treiñ
Troer emgefre
Troer emgefre e rouedadoù neuron Apertium
Troer emgefre Troer Google
Troer emgefre embannet gant Google
Komz
Sintezenn
Sintezenn ar vouezh
Binvioù all
Fonetikelaer Skoueriekaer Silabifier Braille
Levraoueg
KDSK
Kreizenn Dafar Sevenadurel Keltiek
Teknologiezhioù ar yezh
Strategiezh niverel Kevelerien
Klask Gouzout hiroc'h Mammennoù Berradurioù

Meurgorf
Geriadur istorel ar brezhoneg

Dezverkoù all

lipat
verb

Distagadur

Stankter implij : 

Testeniekaet e : 
NDBF
GBAHE

Gerioù kar :
0

Adstummoù istorel pe rannyezhel testeniekaet : 
1
Diskwel an adstummoù

Stummoù pleget : 
58
Diskwel ar stummoù pleget

Termenadur :  Kuzhat an termenadur

I. V.k.e. A. 1. Tremen an teod war udb. Ur c'hazh o lipat e bav. Ar c'hi en em lakaas da lipat divjod e vestr. & Trl. skeud. N'eo ket bet roet e deod dezhañ evit lipat mogerioù : distagellet eo e deod. & Trl., dre fent Lipat pri : kouezhañ. & Trl., pemdez Reiñ moull ar vaneg da lipat : distagañ ur flac'had gant ub. 2. Dre heveleb. (db. ar mor, ar stêrioù) Dont da stekiñ ouzh ar ribl goustadik-tre. Gwagennoùigoù a lipe traoñ ar chaoser. B. 1. Lemel ar boued diwar udb. gant an teod. Lipat ul loa, ur plad. & Trl. skeud. Lipat e loa : mervel. 2. Dre ast., pemdez Debriñ. Klask udb. da lipat. A-benn fin ar sizhun e vo lipet ar wastellenn. DHS. lonkañ. & Trl., pemdez (db. an dud) Koant da lipat : koant-tre. 3. Dre skeud. Kas udb. gantañ. O marv kriz, pa 'c'h eus lipet ma dousig. 4. Pemdez Evañ diedoù, alkoolek prl. Lipat ur banne, e lommig, gwerennoù. HS. lonkan. & Ent krenn Lipat a ra pa ne vez ket e wreg er gêr. & Trl. Na lipat chadenn ar puñs*. C. Diskar, foeltrañ. Lipet eo bet ar c'haol-fleur gant ar skorn. D. 1. Pemdez (db. an dud) Foranañ. Lipat e vadoù. & Trl. Lipat e askorn : dispign e holl vadoù. 2. Kas da benn, seveniñ udb. en un doare dispar. Dañsal a rae gwashoc'h eget un diaoul hag e lipe ar gavotenn bravoc'h eget nikun. [1949] - Ur werz nevez emaoc'h o lipat, breur Arturo ? II. V. rag. Pemdez EN EM LIPAT. A. V. em. 1. En em zibab. Lez ar re-se d'en em lipat. 2. Trl. En em lipat ouzh ub. : klask bezañ deuet mat gantañ. Hennezh a oar en em lipat ouzh an dud. B. V. kenem. Dizoare pe dre fent Pokat. Dre forzh d'en em lipat, ne gavont blaz ebet ken an eil gant egile.

Skouerioù istorel : 
23
 Kuzhat roll ar skouerioù

Diskwel ar stummoù orin
Pellgargañ an holl skouerioù

lipat

1499
Daveenn : LVBCA p134 (lichier)

lipat

1659
Daveenn : LDJM.1 pg lecher, licher

lipat

1732
Daveenn : GReg pg écornifler (prendre un repas chez les gens sans en être prié)

lipet

1732
Daveenn : GReg pg écornifler (prendre un repas chez les gens sans en être prié)

lipet e dra

1732
Daveenn : GReg pg goinfrer (pp.)

emañ atav an diaoul ouzh d'az lipat

1732
Daveenn : GReg pg (le) diable (est toujours à tes trousses)

lipat e dra

1732
Daveenn : GReg pg goinfrer

ar c'hazh en deus lipet ho skudell

1850
Daveenn : GON.II pg lipa

lipañ

1850
Daveenn : GON.II pg lipa, musa, toupina

lipat

1850
Daveenn : GON.II pg lipa

lipet

1850
Daveenn : GON.II pg lipa

Sklaer e lagad, en ur werenn / Gwin all, gant neuz da vezañ mat, / A voe lipet dioc'htu : pep hini a c'houlenn / Anezhañ da evañ ; / Ober an dro a ra.

1867
Daveenn : MGK p39

Me 'gred e rankent bezañ bet oc’h ober o zro war-zu Plougonvelen ha Plouzane, rak war-dro eizh eur diouc’h ar mintin, goude bezañ karget mat o c’hof ha lipet meur a vanne, ec’h en em gavjont e-tal kouent Sant Vazhe, war riblenn ar mor, e-keñver kêrig vihan Konk-Leon.

1877
Daveenn : EKG.I. p.191

Me a flouras e gein dezhañ hep lavaret ger, gant aon da vezañ klevet, ha Polidor en em lakeas da lipat va divoc’h ha va daouarn gant e deod karantezus.

1878
Daveenn : EKG.II p.28

Bilzig, netra dezhañ da ober en ampoent-se, a selle c’hoantek oute, hag a lipe gant beg e deod ar vic’hienn a ziskenne war e vuzell ; e vreur Yannig a oa en e gichen, e viz-yod gantañ don en e fri.

1924
Daveenn : BILZ1 Niv. 45, p.1066 (Gwengolo 1924)

Ar paourkaezh ki-mañ - treut-gagn en deizioù kentañ m'edomp-ni degouezhet e Berrtomm - a lammas ouzhimp en ur fistoulat e lost hag en ur chilpat da lipat hon daouarn deomp, bet peurlouzet ganeomp a-ratozh-kaer evit diskouez d'hor mestr e labouremp, en desped ne yoa den ebet o lakaat evezh warnomp.

1929
Daveenn : SVBV p6

lipat e vourroù

1931
Daveenn : VALL pg babine, babouine

Asinus asinum fricat a zo daou azen o ’n em lipat, evel ma lavar ar chañson.

1944
Daveenn : ATST p.13

- Ur werz nevez emaoc'h o lipat, breur Arturo ? a c'houlennas. - Feiz, nann !

1949
Daveenn : SIZH p.47

Tra ma noazo outañ ken e gure fall, / Hor peuriñ 'vo ken berr ha gant saout ar menez / Dalc'hmat o lipat mein hag o krignat ar brug / E-touez ar c'herreg noazh hag al lann gouez a lug.

1960
Daveenn : PETO p32

Mignoned ho poa pedet. Prientet ho poa un nebeud lipouserezh. En aner hoc'h eus gortozet ho mignoned. Deuet ez eus tud all diwezhatoc'h, ha lipet ar meuzioù fin. Erfin e tegouezh ar reoù pedet. Ne oa mui nemet restachoù. Na kasaus eo evidoc'h !

1973
Daveenn : HYZH Niv. 88, p43, Anjela Duval

A gammedoù ingal, Met o vont war e bouez, E vo gwelet, timat, 'Tremen 'dan an aspled, E lec'h e vez klevet, sour an tonnoù tarzhet, 'Lipat ar sav-vili.

1980
Daveenn : BREM Niv. 1, p. 3

Ma 'z pije graet da glufan, ma 'z pije lipet botoù un tammig, e vijes savet gant ar skeul c'hoazh, gant da berzhioù mat. Met te ne rez ket, setu perak e vaman ganit.

2015
Daveenn : EHPEA p68

Urzh al lizherennoù

lipadurezh
anv hollek benel
lipaj
anv-kadarn gourel

Gerioù a-raok

Gerioù da-heul

lip-e-bav
anv hollek gourel
liper
anv-kadarn gourel

Ofis publik ar brezhoneg

Lec'hienn internet
Darempred

Rouedadoù sokial

Twitter
Facebook
Copyright © 2024 - Ofis Publik ar Brezhoneg
Prevezded · Menegoù lezennel