1. Zo stag ouzh udb. gant peg.
Peg eo ar paper ouzh ar speurenn.
2. Dre heveleb.
Zo stag ouzh udb. Peg eo ar c'hreien ouzh foñs ar gaoter.
&
Trl. skeud.
Bezañ peg e groc'hen ouzh e gein, bezañ peg e vizied kamm ouzh e veud : bezañ pizh-tre.
&
Tr. adv.
Peg-ha-peg : stok-ha-stok, chouket.
An dud a oa peg-ha-peg er sal.
3. Dre ast.
Zo stok ouzh udb.
E zilhad gleb a oa peg ouzh e izili.
4. Trl. skeud. (db. an traoù)
Chom peg ouzh kalon ub. : na vezañ aes da ankouaat.
Ar gomz-se zo chomet peg ouzhin, ouzh ma c'halon.
&
(db. an dud)
Chom peg ouzh al labour : na ziskregiñ dioutañ.
E-pad pemzek vloaz e chomo peg ouzh al labour.
5. Dre skeud. (db. ar c'hleñvedoù)
Na zispeg ket.
Ur waskenn beg.
6. Dre skeud., PEMDEZ
Bezañ peg udb. en ub. : c'hoarvezout udb. a-dreuz gant ub.
Petra zo peg ennout ?
Va mennozh kentañ a oa pignat d’an nec’h, ha chom eno neuze speg ouc’h ar mein-benerezh, ken na vije aet ar soudarded kuit, evel ma speg an askell-groc’hen ouc’h ur voger pa deu en un ti bennak.
Va mennoz kenta oa pignat d’an neac’h, ha chom eno neuze speg ouc’h ar mein benerez, ken na viche eat ar zoudarded kuit, evel ma speg an askell-groc’henn ouc’h eur voger pa deu enn eun ti-bennag.
1878
Daveenn :
EKG.II
p.125-126
Sparlet, hualet e oa Gargam gant e zilhad gleb, peg eus e izili.
1924
Daveenn :
BILZ1
Niv. 46, p.1092 (Here 1924).
P’o deus bet klevet anv eus an aotrou person, ar valtouterien, peurvuiañ lañchennet-mat koulskoude, peg o zeod eus o staon, ha kuit ha buan. An aotrou person !…
P’o deus bet klevet hano eus an ôtrou person, ar valtouterien, peurvuia lanchennet mat koulskoude, peg o zeod eus o staon, ha kuit ha buan. An ôtrou person !…
1924
Daveenn :
BILZ1
Niverenn 39, p.866 (Miz Meurzh 1924)
Peg teod Bilzig eus e staon, sec’h e gorzailhenn evel tont.
Peg teod Bilzig eus e staon, sec’h e gorzailhenn evel tont.
1925
Daveenn :
BILZ2
p.125
Chalet, chalet ne oa ket ivez Janedig ret eo hen anzav da fritañ paourentez, war oaled ar briadelezh, gant un druilhad bugale mic’hiek peg eus he c’hazekenn.
Chalet, chalet ne oa ket ive Janedig red eo hen anzav da frita paourente, war oaled ar briadelez, gant eun druilhad bugale mic’hiek peg eus he c’hazekenn (2).
1925
Daveenn :
BILZ2
p.151
klask un dro beg
klask eun dro-beg
1931
Daveenn :
VALL
pg biaiser
E Breizh, me 'gred, ' vo rouez ar gont / Eus ar gozh kloer 'savo o dorn / Nemet drouk-atiz 'vefe peg / E kalonoù aet gant ar skorn.
E Breiz, me 'gred, ' vo rouez ar gont / Eus ar goz kloer 'savo o dorn / Nemet drouk-atiz 'vefe peg / E kalonou eet gant ar skorn.
1960
Daveenn :
PETO
p13
Savet eo Kêroulaz eus a-gichen murig ar porzh, p'en em gav ar person gant Kêrroc'h ha Kêrsalaun, ar re-mañ peg en e zivrec'h, unan a bep tu dezhañ.
Savet eo Kêroulaz eus a-gichen murig ar porz, p'en em gav ar person gant Kêrroc'h ha Kêrsalaun, ar re-mañ peg en e zivrec'h, unan a bep tu dezañ.
