Porched niverel ar brezhoneg
Ofis Publik ar Brezhoneg
brezhoneg
français
brezhoneg
français
Loazioù niverel
Geriadurioù
Meurgorf
Geriadur istorel ar brezhoneg Alamaneg - Brezhoneg
Geriadur divyezhek herberc'hiet gant an OPAB
Diazoù roadennoù
KerOfis
Diaz lec'hanvadurezh TermOfis
Diaz termenadurezh
Korpusoù
Korpus testennoù Korpus kleved
Deskiñ brezhoneg
Desketa
Binvioù niverel
Treiñ
Troer an OPAB
Troer emgefreek embannet gant Ofis Publik Ar Brezhoneg Troer Google
Troer emgefreek embannet gant Google
Komz
Sintezenn
Sintezenn ar vouezh
Binvioù all
Fonetikelaer Skoueriekaer Silabifier Braille
Binvioù diavaez
Common Voice
Diaz roadennoù klevet LanguageTool
Difazier reizhskrivadur
Levraoueg
KDSK
Kreizenn Dafar Sevenadurel Keltiek
Teknologiezhioù ar yezh
Strategiezh niverel Kevelerien
Klask Gouzout hiroc'h Mammennoù Berradurioù

Meurgorf
Geriadur istorel ar brezhoneg

Dezverkoù all

war-c'hed
araogenn

Distagadur

Stankter implij : 

Testeniekaet e : 
NDBF
GBAHE

Gerioù kar :
1

Pellgargañ ar gerioù kar gedal

Termenadur :  Kuzhat an termenadur

I. Ar. 1. WAR-C'HED (EUS) : o c'hortoz gant spi e c'hoarvezfe ar pezh a heter pe gant aon na c'hoarvezfe ar pezh a zoujer. Ur mignon, pa vezer war-c'hed anezhañ. Ne oa den ebet war-c'hed (eus) ar gwallzarvoud-se. Ni a oa war-c'hed anezho. [1878] [...] ni a yelo en hent hag a gouezho war dud ha ne vezint ket war-c’hed ac’hanomp. 2. (dirak un av.) WAR-C'HED DA : da c'hortoz gant spi e c'hoarvezfe ar pezh a heter pe gant aon na c'hoarvezfe ar pezh a zoujer. N'emaint ket war-c'hed da gaout hor soudarded eno. Edo war-c'hed da vezañ eürus. II. Adv. War evezh. Lavar da bep unan eno bezañ war-c'hed. Ar Re C'hlas a oa war-c'hed.

Skouerioù istorel : 
13
 Kuzhat roll ar skouerioù

Diskwel ar stummoù orin
Pellgargañ an holl skouerioù

Gervel a ra 'r marv, hag an Ankoù war-c'hed / Raktal m'er c'hlev, d'e gaout d'an daoulamm-ruz a red.

1867
Daveenn : MGK p.68

Ar fur war-c'hed atav, ha graet gantañ e bak, / Atav zo krog er stur, / Dre m'en deus a-bell zo en em gelennet mat, / Eo ret dezhañ mervel abred pe ziwezhat.

1867
Daveenn : MGK p.100

N'en doe mui ken kefridi / Nemet spiañ ha diskrediñ / War gizhier hag amezeien. / En deiz, en noz edo war-c'hed / Na vije laeret e gant skoed.

1867
Daveenn : MGK p.29

Ar chouanted a oa atav e-tal an nor war-c’hed eus a un dra bennak.

1877
Daveenn : EKG.I. pp.119-120

Paotred yaouank am selaou, c’hwi hag a dle, war-c’hed a gement-se e c’hellit bezañ dre an amzer a zo bremañ, c’hwi hag a dle kuitaat ho pro, ha mont marteze da vrezelekaat e broioù all, n’ankounac’hait ket da lavaret ho pedennoù bep noz ha bep mintin, rak gwelet a rit penaos e teu an Aoutrou Doue da selaou ar pedennoù.

1877
Daveenn : EKG.I. p.83

Yann ar Mest n’oa ket evit chom e peoc’h er gêr, re nec’het e oa ; re a c’hoant en doa da c’houzout petra a yoa c’hoarvezet gant e vignon Paol Inizan ; marteze edod war-c’hed anezhañ e Lanzeon zoken, rak pa vezer e poan eo e c’hortozer ar gwir vignon.

1878
Daveenn : EKG.II p.60

Deomp da Witalmeze da leinañ, ha, dioc’h an abardaevezh, ni a yelo en hent hag a gouezho war dud ha ne vezint ket war-c’hed ac’hanomp.

1878
Daveenn : EKG.II p.191

Naered ramzel, korvigellet en-dro d'ar gwez e-giz ur fun en-dro da droell ur puñs, war-c'hed ur preizh, ha, dre zrougeur, ul loenig dinoaz en em gavas da dremen hebiou dezhi

1929
Daveenn : SVBV p.19

war-c'hed

1931
Daveenn : VALL pg (dans) attente (dan la simple expectative)

bezañ war-c'hed

1931
Daveenn : VALL pg (être aux) aguets, (s)attendre (à)

Me, evel ul logodenn, a veze bepred war-c'hed ar glianted, netra nemet evit selaou anezho o kaozeal brezhoneg.

1944
Daveenn : EURW.1 p.18

Evelato, gwell brim e teuas a-benn da foetañ e drantell, ha souzhet[-]krenn e vanis pa grogas va c'hulatorez Soaz Sapeur da ziskleriañ [zisklêriañ] din ar wirionez war he c'hed : "Selaou, mabig, emezi, graet eo an taol gant da dad brav ; dre lonkañ ez eo aet e holl vadoù en e gorf. [...]"

1954
Daveenn : VAZA p.62

Ac'hanomp c'hoazh ' vefed war-c'hed / Rak an ofiser ' ren hor stroll / A roas urzh e tleomp holl / Bezañ d'an eur ' lec'h ma 'z eo ret.

1960
Daveenn : PETO p.67

Urzh al lizherennoù

war-bouez-krec'h
adverb
war-bouez-traoñ
adverb

Gerioù a-raok

Gerioù da-heul

warc'hoazh
adverb
war-c'horre
adverb

Ofis publik ar brezhoneg

Lec'hienn internet
Darempred

Rouedadoù sokial

X
Facebook
Copyright © 2022 - 2026 - Ofis Publik ar Brezhoneg
Prevezded · Menegoù lezennel