1. Termen pe droienn c'hros pe zizoare a laosker pa vezer fuloret pe displijet-bras.
Leuskel leoùdoued. Ul ledoued reut. Buanoc'h e tarzhe ul ledoued war o muzelloù eget ur bedenn.
HS. jarne.
2. Le.
Enrollañ izili ha kemer o ledoued da servij o bro. En abeg d'e ledoued ne fellas ket d'ar roue nac'h he goulenn outi.
DHS. promesa.
HS. touadell.
Evel-se e toue-Doue Gargam. Na c’hwi ho poa kredet penaos Gargam en devoa disket al leoù-douedoù flour-se war varlenn ur vamm a wad uhel ?…
Evel-se e toue-doue Gargam. Na c’houi ho poa kredet penôs Gargam an nevoa disket al leou-douejou flour-ze war varlenn eur vamm a wad uhel ?…
1924
Daveenn :
BILZ1
Niv. 42, p.978 (Even 1924)
Ar brigadier a rae leoù-douedoù spontus, euzhus, p’eo gwir penaos he wreg war bep hini anezhe a rae sin ar groaz.
Ar brigadier a rê leou-douejou spontus, euzus, p’eo gwir penôs he wreg war bep-hini anê a rê sin ar groaz.
1925
Daveenn :
BILZ2
p.159
leoù-touet
leou-touet
1931
Daveenn :
VALL
pg blasphème
ledoued
ledouet
1931
Daveenn :
VALL
pg blasphème
ledouedoù
ledouedou
1931
Daveenn :
VALL
pg blasphème
falsledoued
fals-ledouet
1931
Daveenn :
VALL
Rakskrid p XXXIII
Klevet e veze ur vlejadeg spontus adalek kreisteiz betek an enderv, ha leoù-touet ar gigerien, ha mallozhioù an doucherien, holl mesk-ha-mesk ; an ostalerioù a veze leun a lonkerien ; dibaot neb a yae d'ar marc'had neuze hep dont mezv-dall d'ar gêr.
Klevet e veze eur vlejadeg spontus adalek kreizteiz betek an enderv, ha leoutouet ar gigerien, ha malloziou an doucherien, holl mesk-ha-mesk ; an ostaleriou a veze leun a lonkerien ; dibaot nep a yae d'ar marc'had neuze hep dont mezo-dall d'ar gêr.
1944
Daveenn :
EURW.1
p28
Ma 'z eo pec'hed ma ledouet, / Kastiz Doue 'm eus dellezet.
Ma 'z eo pec'hed ma le-douet, / Kastiz Doue 'm eus dellezet.
1960
Daveenn :
PETO
p74
Goût a ouzont oc'h, dre ledoued, / D'ar gozh Nasion mignon rik : / Un abeg, daoust d'ho plev louet, / D'ho kas da get, d'ho lazhañ mik.
Goût a ouzont oc'h, dre le-douet, / D'ar goz Nasion mignon rik : / Eun abeg, daoust d'ho pleo louet, / D'ho kas da get, d'ho laza mik.
1960
Daveenn :
PETO
p59
souezhet e voe Utterson o welout e oa ur skouerenn eus ul levr a zevosion, en doa Jekyll alies graet stad anezhañ, notennaouet diwar e zorn, gant ledouedoù sebezus.
2012
Daveenn :
DJHMH
p. 75
Notennoù studi
An testeni a gaver e geriadur an Harinkin a seblant bezañ ur reveziadenn eus ur ger ha na oa ket bet komprenet mat gant an aozer penaos e oa-eñ savet ("le" + "douet" < "touiñ") ken en doa klasket ennañ elfennoù all a c'halle kompren. Diwar-se en doa klasket ur ster diwar gerioù peuzheñvel a-fed stumm ("Doue") a oa gouest da gompren.
